عنوان الموضوع : اكله سهله وخطيررره .. يارب تعجبكم من المطبخ السعودي
مقدم من طرف منتديات بنت السعودية النسائي
السلام عليكم ورحمة الله وبركاته
هذي اول مشاركاتي معكم بالمنتدى
اتمنى تقبلوني صديقه لكم وافيدكم على قد مااستفيد
اول شي المقادير
دجاجة .. طماطم ويفضل تكون حمرا مرره .. فلفل اخضر .. بصل .. فصين ثوم .. بهارات وملح .. وخبز توست .. جبن شرايح .. جبن سايل .. قشطه
اول شي نسلق الدجاجه لحد ماتنضج وبعدين ( ننتفها )او نقطعها قطع صغيره مره .. ونحط البصل والثوم بالزيت بعد مانكون قطعناهم قطع صغيره مره او فرمناهم لحد مايبدا يشقر لونه شوي وبعد كذا نحط عليه البهارات ونحركه وبعدين نحط الدجاج عليه ونبدا نقلبه لحد مايتشرب الدجاج النكهه ونضيف الملح على حسب الرغبه ونضيف عليه ملعقتين قشطه وملعقة جبن سايل عشان يتماسك واول مايتماسك نشيله من على النار
بعد كذا نجيب الخبز التوست ونشيل اطرافه .. نحط الدجاج على الخبز ونحط خبزه عليه بعدين نحط على الطبقه الثانيه الطماط والفلفل الاخضر ونكون مقطعينهم قطع صغيره جدا ونحط فوقها شريحة جبن وبعدين شريحة توست ثانيه ونقطعها قطعتين مثلثات او اربع قطع براحتكم ونزين كل قطعه بعود اسنان ونحط فوق زيتونهوبعدين نرتبها في صينيه وندخلها في الفرن لحد مايسيح الجين ويتغير لون الخبز شوي
وتكون جاهزه للأكل.. اتمنى تكون هالطريقه جديده عليكم واتمنى تعجبكم
صحتين وعافيه
تحياتي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شكرا مرمورة على المشاركة و اهلا بك معنا
__________________________________________________ __________
>>>> الرد الثاني :
(:
تسلم الايادي حبيبتي
__________________________________________________ __________
>>>> الرد الثالث :
اممممممممممممم
تسلم يدك
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
