عنوان الموضوع : الحقو يا زوجات......مخطط زوج للنكد على الزوجة لسعادتك
مقدم من طرف منتديات بنت السعودية النسائي

شوفتو الرجالة بتنصح بعضها باية عشان ينكدوا على زوجاتهم
زوج ينصح صاحبة : عشان تنكد على زوجتك افعل ما يلى

اولا : الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى
علشان تصحيها هى كمان ولو حاولت ترجع تنام تانى قولها مادام صحيتى حضري الفطار بقى

ثانيا : اذا كنت بتتفرج على التلفزيون وهى عايزة تغير القناة
قولها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة
ولو كنت بتتفرج على ماتش كورة هيبقى الموضوع اسهل كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى >جون حتى لو كان حارس المرمى ماسك الكورة والماتش واقف لان فى واحد مصاب ( ملاحظة : اغلب النساء ذو ثقافة كروية ضعيفة )

ثالثا : اصحى يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة
طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض

رابعا : فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 25 سنة بس اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة

خامسا : لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات يراعى التجول وانت مستمتع بأكل الجاتوة امامها

سادسا :متنساش رأيك فى طبيخها لو عاملة لحمة قول حلو اوووى الفراخ دى ولو طبخة بامية قول جميلة اوى الملوخية دى حطة عليها اية ؟؟ ولو عملة كيكة قالها انا بحب اشرب شاى مع البسكويت الحلو دة !!

لو طلبت منك تنشر الهدوم قول حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !

سابعا : لو ط§ظ„ط²ظˆط¬ط© قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية

سابعا : لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟

ثامنا : وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى تقعد تستريح جنبك بصلها وقولها حبيبتى معلش ممكن كوبية مية علشان ضهرى بيوجعنى !!

يا عينى علينا يا زوجات
مغلوبين على امرنا
صحيح كيد الرجاااااال غلب كيد النساااااااااء
اتمنى ان يكون الموضوع نرفزكم .........وهو المطلوب
لذلك انا طالبة من اى واحدة ترسم لنا مخطط عشان ننكد على الرجالة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هههههههههه والله موتني ضحك روعة يا بيبو

__________________________________________________ __________

>>>> الرد الثاني :
شكرا حبيبتى ام مريم على المرور
و التعليق الجميييييييييييييييييل

__________________________________________________ __________

>>>> الرد الثالث :
ههههههههههههههههههههه


خامسا : لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات يراعى التجول وانت مستمتع بأكل الجاتوة امامها


حركات رهييييييييييييييييييييييييييبه

__________________________________________________ __________

>>>> الرد الرابع :


__________________________________________________ __________

>>>> الرد الخامس :