عنوان الموضوع : صديقتي لها سنة زعلانة مني :"((( لبنات السعودية
مقدم من طرف منتديات بنت السعودية النسائي
السلام عليكم
كلامي طويل شوي بس عشان افهمكم السالفة وتقدرو تفيدوني وانتم فاهيمن سالفتي
بنات أنا بدخل بالموضوع علطول عشان تعبببببببت
أنتم أخر أمل عندي ..
أنا اتعرفت على صديقة من سنتين
اتعرفت عليها بدار تحفيظ العصر
وكنت معها سنة كاملة
وبعدين تركت الدار عشان قُبلت بالجامعة
بس لازلت اتواصل معها وأشوفها
صارت أقرب لي من أي شي في الدنيا
حتى صديقاتي اللي معي من سبع سنين مو قريبين مني مثلها
وأنا إنسانة الصداقة أهم شي عندي
وأضحي عشانها كثيييييييييييييييير
المهم كنا مررررة كويسين مع بعض
في يوم من الأيام كان في واحدة أعرفها زعلت عشان ما كلمتها لي فترة
فقلت لصديقتي المقربة مرررة تدخل تكلمها على أساس انها أنا وتقولها اني اختبر ومشغولة بعد أسبوع راح أسولف معها
وكان هذا في الفيس
وقتها قلت لها الرقم السري حقي
المهم خلصت معها وقالتلي عادي اتفرج على حسابك
قلتلها عادي
لأن مابينا أي حواجز ومثل الروح الواحدة
فجأة في آخر الليل أكلمها على الواتس لقيتها زعلانة
وكلامها وطريقتها غير شوي
وأنا أحس أول ما يصير فيها شي حتى لو مو انا السبب>>تخيلو قد ايش احنا قريبين من بعض قلتلها وش فيك قالتلي مافي شي
لما أصريت انها تحكيلي وش فيها
قالتلي بعد ما تختبري
قلتلها طيب
خلصت اختبار وكلمتها قالتلي وهي تتفرج في حسابي وتقرا رسايل الناس لي
شافت بنت وكلامي معها وزعلت مرررررررررررررة
قلت لها وش اللي زعلك طيب
قالتلي انتي تكلمينها كأنك تكلميني أنا وكأنها قريبة منك مثلي وتشتاقين لها مثلي
وتخافين على زعلها مثلي
أنا وقتها انصدممممتتتتت لأني بالذات هالبنت ما قد حسيت انها قريبة مني
ومتعرفة عليها بالنت ماقد شفتها
يوم رجعت اقرأ كلامي مع البنت كأننا صديقات شوي بزيادة
بس كذا كلامي مع الكل
وهي من وقت ما اتعرفت وهي تقولي انا اتعب من تعاملك مع الناس تحسسي الكل انك تحبيه حتى لو انتي عكس كذا
قلتلها والله مو قريبة مني قدك ولا تجي ذرة من قربك مني
بس قالتلي تكلمينها كثير وتجلسين معها وقت طويل واحيانا اكون اكلمك وتكلمينها بنفس الوقت
زعلت واتغير كل شي بينا وتعاملها صار في جفاء مرة
اعتذرتلها وجبتلها باقتين ورد وبست راسها
وقلت لها ما راح اتكلم مع احد بهذي الطريقة مرة ثانية
مع إني مو شايفة اني غلطت بحقها
بس يمكن طريقة كلامي تخليها تزعل
وحذفت البنت من الفيس عندي
بس لسة كانت زعلانة
ولما فكرت في البنت اللي حذفتها
قلت هي وش ذنبها وليش اخليها تزعل هي بعد
قلت برجعها وأحاول اغير طريقة كلامي عشان ما ازعل احد
مو عشان اني احبها ومو قادرة استغنى عنها فرجعتها
وحتى لما رجعتها كلتها مرتين بس
مرة اقولها اني حذفتها ومو قصدي وكذا ومرة ثانية كلمتها سوالف عادية عشان ما تزعل وبس
لقيت طµط¯ظٹظ‚طھظٹ زعلت اكثر انا انصدمت زيادة حسيتها ما تثق فيني ولا تفهمني وفي أي وقت تحس اني بتعرف على احد ويكون قريب مني اكثر منها
فهمتها سبب اني اضفت البنت مرة ثانية
وبعدين مرة قابلتها واتكلمنا بزعلها علي
قالتلي لما راضيتيني اول مرة وحذفتيها كنت بس احاول انسى بس ما كنت ط²ط¹ظ„ط§ظ†ط© منك
بس يوم رجعتيها كأنك طعنتيني بخنجر في قلبي
انا وقتها بغيت انجلط
مافي شي عاجبها
وبعدين كانت شايلة في قلبها مني من المرة الأولى
وهي مشكلتها ما تنسى ابدااااا
حتى لو قالتلي انها تحاول تنسى اعرف انها ماراح تنسى واي احد اتعرف عليه تشك فيني
اعتذرتلها كثير وفهمتها اني ما ابي ازعل احد مني
قالتلي انتي جرحتيني جرح حتى لو شفيت منه را يظل أثره موجود طول العمر
نفسيتي تعبت وبس كنت أبكي ومو عارفة أراضيها
ايش اسوي يعني
وقلت بتنتظر لين تنسى ولو شوي وتقدر تعاملني ازين من الأول
لقيتها تزداد بعد وجفاء
كلمتها قالتلي انا تعبانة
بس صرت يوم أقابلها يقتلني برودها
واشوفها تكلم صديقاتها وتحكيلهم خصوصيات ولما اقولها ليش وازعل ولا أبين لها اني زعلت تقول هذول أعرفهم من قبلك واذا ما حكيتلهم بيزعلون
طيب ليش كنتي تزعلي وتولعي الدنيا على شي كان بين صديقة لي متعرفة عليها قبلك بسبع سنين
هي ماشاء الله تعرف تبطل حجتك وتعرف تخلي نفسها المظلومة
وانا من شدة حبي لها ما كنت اوقف على اي زعلة
كنت دايم انجرح من تعاملها وتصرفاتها وابكي بس انسى بسررررررررعة
واعاملها عادي ودايم أقول لنفسي صداقتنا اقوى من اي شي بالدنيا
بس هي تغيرت مرة
صارت تعاملني بشكل سيييييييء
وتسفهني واطلب منها شي تنساه
وما تهتم فيني مثل اول
بالذات لما اقابلها واحس ببرودها
وان كانت تقولي مشتاقتلك اكثر من شوقك
كنت ازعل وابكي
بعدين مر شهرين وتعبت من معاملتها لي بهذي الطريقة
اتكلمت معها ومافاد شي
وكل فترة ارسلها قصايد
وهي تعرف تألف شعر
ألفت قصيدة انه ما ألومها لو اتغيرت لإني أنا السبب
وهي ط²ط¹ظ„ط§ظ†ط© مني بس لسة تحبني
يوم جا رمضان كتبت خاطرة بس ما ارسلتلها
بس ارسلتلها تسامحني قبل دخول رمضان وابي نيتها تصفى من ناحيتي
يوم جا العيد ارسلتلها الخاطرة
قالتلي خلاص بحاول انسى وانتي كمان حاولي
جلسنا اسبوع مرة كويسين مع بعض
اكييييييد مو مثل الأول ابدااااااااااااااا بس مافي احد متضايق من تعامل الثاني
بعد هذا الأسبوع رجعت مثل ما كانت
انتظرت اسبوعين وهي بهذي الطريقة وكلمتها قلتلها وش اللي غيرك
قالت ما اتغيرت قلتلها الا قالت يمكن لما اتضايق اتغير وانا ما ادري
وصارت تعاملني اسوأ وكل يوم الاقي تعاملها غريب
قلتلها انتي مو طµط¯ظٹظ‚طھظٹ اللي اعرفها انتي واحدة ثانية
ما اعرف عنها مثل اول
وتعاملني بشكل سيءوتعبت
فكرت اترك صداقتها
باقي شهرين ونكون كملنا سنة وهي ط²ط¹ظ„ط§ظ†ط© ومتغيرة علي
ما اعرف وش اسوي
تعبت منها وبديت اكرهها
اتكلمت معها كثيييييييييييييييييير
وعلفكرة ما اقدر ادخل احد بينا بسبب ظروف
بس خلاص علاقتي معها اثرت على صحتي ونفسيتي ودراستي ومع الناس وكل شي
تكفون ارشدوني انتم اخر امل لي
اتركها
واقولها انا ما اقدر اتحمل احد يعاملني كذا
ولا ايش اسوي
مو قادرة اصبر عليها اكثر احس بالإهانة والذل
وخلاص زودتها
آسفة طولت بس منجد تعبت وانا اللي انجرحت
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
210 مشاهدة ومافي ولا رد :"((((((((((
أرجوكم أفيدوني
لو عارفة أتصرف ما كنت كتبتلكم مشكلتي
__________________________________________________ __________
>>>> الرد الثاني :
وعليكم السلام ورحمة الله وبركاته
مرحبا عزيزتي مموءة
المشاكل في الصحبة تتعدد, لكن اللي تذكرين من نوع خاص
صديقتك من الصنف الغيور وغيرتها فاتت الحدود المعقولة والمقبولة
المفروض ما تتضايق من صحبتك لأي بنت ثانية,
أنا أتساءل: هل حبها لك يعني ما لك حق تحبي غيرها؟ هذا غير معقول!
لا يمكن تستقيم الصحبة مع أنانية أحد الطرفين,
كيف تحاسبك على اعتذارك من صديقة ثانية, ؟
اسمحيلي اقول لك أنها حسب ما صورت وحكيت في موضوعك تعدّت حدودها,
ولو طاوعتيها راح تتعبي معها وتتعبي أكثر,
هي لاحظت تعلقك بها وأطلقت العنان لأنانيتها وصارت تتدلّل عليك فوق ما يحق لها
ثم أنت كيف تسمحي لها تفتح صفحتك, هناك خطوط بين كل العلاقات, منها الصحبة, ومش مفروض تتجاوز
جميل تكوني معها طيبة وخدومة وحسنة الظن لكن ليس لدرجة تكوني طيعة حتى في قطع علاقاتك من أجلها
بهذا يعني هي اللي صارت تحدد لك علاقاتك وتسطر لك كيفية التعامل مع صحباتك؟
نصيحتي لك:
لا تطاوعيها وضعيها عند حدودها بأن تتصرفي كما ترينه صواب , ولا تظلمي احد لترضي أحد,
فلا تعلمين اين مكمن الخير
عليها أن تدرك بأنك كيان مستقل ولك حرية تخطيط حياتك. وليس لها أن تتكدر من محبتك لأي كان....
هذا باختصار
فلا تهينيها طبعا لكن لا تطاوعيها, ولو قاطعتك لا تجري وراها..
واسألي الله أن يذهب ما في نفسها من غيرة أو أنانية وأن يديم صحبتكما على خير
أتمنى أن هذا يفيدك وأسال الله لك الثبات على ما يرضيه
__________________________________________________ __________
>>>> الرد الثالث :
صدقت (قلب راض)
سمعت الكثير عن الغيرة بين البنات
فخذي حذرك وتصرفي بعقل واع وحكمة ولا تجعليها تسيطر عليك وعلى تعاملك وأسلوبك
فهي تريدك لنفسها فقط وهذا لايعقل!!!
فحاولي تحاوريها أن الصحبة ليست هكذا غيرة وكره وحقد
بل هي محبة فالله وصراحة بين الأختين
وإن كانت تحب لك الخير
فما تحبه لنفسها تحبه لغيرها
واقرأن كثيرا عن الأخوة في الله كيف تكون
ألف ربي بين قلوبكن
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
