عنوان الموضوع : اكلات شعبيه تنفع لفطور رمضان وتنفع للنفاس..من مطبخي
مقدم من طرف منتديات بنت السعودية النسائي
عريكة اهل زوجي
تعجني دقيق اسمر + شوي ملح + شوي سكر + من عندي ملعقتين حليب بودره
وتعجني الين ماتصير متماسكه ولامانع من دهنها بسمنة المراعي
وتخليها ترتاح اقل شي ساعه
تبدي تقسميها لكور وتفردي كل حبه وترشي عليها سمن بري
تلفيها زي السينامون
وتلفيها زي كذا
تخليهم يرتاحو الين بس ماتغسلي يدك وتحمي الصاج
تفرديهم مره ثانيهوتحطيهم على الصاج
و تحمريهم من الجهتين مزبوووووط
بعد التحمير ممكن ماتكملي باقي الخطوات وتخليه خبز تاكلي فيه النواشف والعسل
تحطي الخبز بمحضرة الطعام حقت مولينكس (يعني اللي ماعندها مو لازم تسويها)
وترشي عليهم شوي سمن وعسل وتفرميهم وتحطيهم بالحافظه
ومعليه والله نسيت اصور الشكل النهائي مرررهبس تراني هذي عاملتها الصبح بعد الفجر وماكنت فايقه كويس اني صورت الخطوات
وكانت لزوجي واصحابه بيفطروو عليها
يتبع ...................
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الحنيني
طبعا قبل كذا كنت حاطته بس راحت الصور وهذي طريقة وحده من الاخوات من احد المنتديات بس طبعا الصور حقتي
والي بين اقواس ملاحظاتي
المقادير
مقادير الخبز
2 ونص كاس دقيق بر
½ كاس زيت
1 م ص خميرة سريعة
1 م ص باكنج بودر
2 فنجان قهوة سكر
رشة ملح
تفرك مع بعض جيدا ثم تعجن بكاس وربع ماء
العجينة تكون طرية جدا وتترك لتخمر نص ساعة
ثم تفرد في صينية صغيرة ويفضل الصواني القديمة
بلاش التيفال صواني بيضاء احنا نقول لها توتواه (هنا عملتها بالتيفال لاني ماعندي التوتواه بس هذي المره عملتها بصينيه عاديه وطلع كله واحد )وتترك تخمر نص ساعة ثانية ثم توضع في الفرن لمدة نص ساعة
ويحمر الوجة من اعلى تطلع لك مثل الكيكة طرية وتتفتفت
ثم تقلب في صحن وتفرك جيدا مع اضافة 4م ك سمن الشوكة والملعقة افضل سمن جربته معها (انا السمن عادي اللي يتسوى بالزبده او سمن بري)
ويضاف لها كوب تمر معبوط و1م ص فلفل اسود (هنا ماحطيت فلفل) (والباقي ماسويته)وتفرك باليد جيداً ثم تجمع باليد وتعبط ايضاً
عارفين ايش يعني تعبط ؟؟ ... يعني تعجن مع بعض ومانقول عليه عجن .. نسميه عبط
ثم يوضع في صينية ويعاد للفرن لمدة ربع ساعة ثم يوضع في صحن التقديم مع تمليس الوجة واضافة قليل من السمن
بعد ماتخمر وتحطيها بالفرن
وتضعيها بمحضرة الطعام واذا ماعندك اول ماتخرج من الفرن طعيها بالسكين وحطي التمر عليها والسمن وغطيها بالقصدير لما تبرد شوي ابدي افركيها مع التمر وتصير مزبوطه لما كنت ببريطانيا كنت كذا اسوي
وهنا خلصت
تقدري تحطيها بعلبه وبالفريزر
__________________________________________________ __________
>>>> الرد الثاني :
العريكه حقتنا (اهل الطائف)
برضو كنت منزلتها قبل كذا بس راحت الصور
المقادير على كيفكم
دقيق اسمر
ملح + خميره (اذا مستعجله كثري شوي)
بهار معمول
وممكن اضافة حبة البركه وشمر
تعجنيهم مع بعض بماء دافي وتكون تتلصق باليد وتحطي سمن (اي نوع) علشان تفك من يدك ...عجينته تشبه عجينه الحنيني
وتحطيها بصينيه مدهونه سمن وتكون العجينه معبيه اقل من النص علشان التخمير وتدهني وجهها بسمن شوي
تتركيها تخمر
وتخبزيها من تحت وتكون مغطايه بالقصدير
بعدين تفتحي القصدير وتحمريها
عندنا في الطايف اذا بتوديها للناس مع قهوة العصر يحطوها في تبسي او نفس الصينيه ويرشوها سمن بلدي وعسل وممكن يحطو شمع العسل اوجه
اذا لكي بالبيت ممكن تعركيها (يعني تتقطع)بيد الهاوند (بس حريم اهل الطايف الكبار ماشاء الله عليهم بيدهم يعركوها وهي حاره ) وتصبي السمن والعسل
وهذي الصور
هنا بعد مااستوت ورشيت عليها سمن بري وعسل
شوفو شكلها من جوه
وهنا بعد ماعركتها
وهذي صحون عيالي
__________________________________________________ __________
>>>> الرد الثالث :
وماننسى القطايف ...هذي مرات اسويها لوحدها بفطور رمضان
وياسلام لو ذقتو حقت الوالده الله يحفظها مرررررررررررره تجنن وشي يفتح النفس شوفو صورها تحت
وطريقتها
المقادير تقريبيه
2 كاس دقيق اسمر ونص كاس ابيض
ملعقه وسط خميره وماء
هذي مقادير الوالده بس انا ماادري ليه تنشف معايا اقوم احط ملعقتين حليب بودره
وتعجنيهم بمويه الين تصير اخف من خليط الكيك
وتخليهم يتخمرو
لما تحطيهم على الصاج تخففيهم
يعني تمسحي عليهم بالمغرفه علشان تكبر وتصير خفيفه شوي
وهذي صور قديمه بتطبيق الوالده لما كنت عندهم
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
