عنوان الموضوع : كوني أم بمعنى الكلمة .. عالم الامومة
مقدم من طرف منتديات بنت السعودية النسائي
كوني أم ط¨ظ…ط¹ظ†ظ‰ الكلمة.*
بسم الله الرحمن الرحيم*
ارجووووكم يابنات اذكرو الله ( العين حق ) والله ماكتبت هذا الموضوع الا عشان افيد الامهات الي زيي فما ابغى افيدهم واندم انا .. الله يخليكم وانا والله ماابغى منكم شي ( ان اجري الا على الله )*
رح احكي لكم بكل تواضع كيفية تعاملي مع طفلي بالرغم من خبرتي المتواضعه والبسيطة مقارنة مع غيري لكن اتمنى ان تستفيدو من تجربتي ولو بمعلومه واحده ( ولدي الان عمره 4 سنوات و4 اشهر )*
الموضوع طووويل ومتشعب لكن الله يقدرني احصر اهم النقاط واوفق في الطرح ( رح اتكلم ابتداءً من فكرة ط§ظ„ط*ظ…ظ„ وتوقيته مروراً بالتغذية والتربية الدينية وتعزيز ثقة الطفل بنفسه وكيف تربيته تربيه صحيحة واللعب معه*
اولاً فكرة ط§ظ„ط*ظ…ظ„ وهذي هي الاساس اقولها بأعلى صوت (( لاتحملين الا وانتي على قدر من الثقافه والمعرفه بكل التغييرات اللي رح تحصل لك ورح تصير في حياتك )) لاتقولون قضاء وقدر ونعم بالله لكن الموضوع ايضاً بيد الازواج .. الاجانب لمن يجون يفكرون في الانجاب يروحون لمستشارين واخصائيين اجتماعيين عشان يحددو هل هم على قدر المسؤوليه ولا بس غريزة الامومه والابوه هي اللي دفعتهم .. يعني فكري انتي وزوجك من جميع النواحي النفسيه والجسدية والمادية والاجتماعية اذا فعلاً بتقدرون اذاً على بركة الله .. حاولي تحسبينها كيف ان ولادتك ماتوافق وقت دوام لك او اختبارات اذا كنتي لسى بتدرسين ،،( ممكن كثير يغالطوني ويخالفوني في هذي النقطة من باب انه تحديد للنسل او اعتراض على حكم الله لا .. بالعكس انا اقول تنظيم للنسل مو الشغله حيا الله هذي روح وجسد وفكر رح ينتج منكم مو قطعة لحم تربى وتكبر وانتهينا هذا رح يكون عضو في اسره وفي ظ…ط¬طھظ…ط¹ عشان كيذا لازم يكون الموضوع مدروس وموضوع له خطه عشان ماتتدمر صحتك ونفسيتك وفكرك واعصابك بكذا ماراح تقدرين تربين ولا تتحملين مسؤوليه لانك انهكتي نفسك وانتي بيدك القرار )
ولادة الطفل وخروجه للدنيا*
اول مايولد طفلك حاولي انك تضمينه لصدرك حتى لو لسى ماتنظف لاتقولين يااي قرف .. هذي الضمة رح تخلق بينكم رابط مدى الحياة .. واول ماتتنظفين وينظفون البيبي حتى لو كنتي مرهقة ومتعبة من الولادة حااااااولي انك ترضعينه لسببين 1- ان المادة اللي تخرج من صدرك اول 3 ايام هذي توزن بالذهب لان فيها زي مصل الحماية والوقاية لطفلك تعطيه مناعه وقوة وفايده لاتقدر بثمن ..
2- بيكون جيعان ومايعرف شي فلو عطيتيه صدرك رح يرضع وخلاص يتعود ،، ولو ذاق الرضاعه انسي الموضوع ( الا من رحم الله )*
طبعاً لسوء حظي والحمدلله على كل حال وارجع السبب الحقيقي للجهل وصغر السن لاني ولدت طفلي وعمري 18 سنه ومااحد نبهني لنقطة الرضاعه اللي ذكرتها .. ف بعد الولاده الممرضه تسألني مدام اجيب بيبي ؟؟ انا على بالي انها تقصد تجيبه عشان ابوسه واحضنه ويجلس معي ومن التعب صرت اقول لا اذا جات ماما جيبيه .. واثاريها تقصد الرضاعه ،، وخرجت من المستشفى اليوم الثاني وولدي جلس في الحضانه كان عنده صفار واليوم الثالث خرج من الحضانه في الليل .. اليوم الرابع جيت برضعه يمين يسار مو رااااضي وصرت ابكي من بكاءة ورحمته وصرت اسوي الرضاعة واعطيه وخلاص انفطم ،، اتذكر مره وحده بس اللي رضعها مني وماطول نام على طول ،،فحااااااولي ايتها الام الجديده انك تحرصين ع الرضاعه والله انه كان جهل مني اني اتركه 4 ايام .. لكن عوضي من الله وهذا درس لي في المستقبل*
تغذية طفلك( طبعاً بما اني مارضعته طبيعي فكنت مهتمة جداً بحكاية الاكل الصحي والمفيد ) *حاولي تبدأين *من الشهر الرابع حاجات بسيطه موزه مهروسه .. مهلبيه .. عسل .. خضار مسلوقه ومهروسه طبعاً كل صنف تعطينه لوحده مع الرضاعه لمدة 3 ايام عشان تتأكدين من انها ماتسبب له حساسية او امساك او اسهال استمريتي 3 ايام وماصار شي للطفل معناته هذا الصنف مناسب له وابدأي في الصنف الثاني وهكذا ولمن يصير عمره خمس شهور ونص الى سته شهور خلاص يصير عرفتي وش يحب وش يناسبه يصير عنده وجبات محدده فطور بعد ساعه او2 رضعه بعدين سناك ( وجبة خفيفه ) تمره مثلاً او قطعة فاكهه مو لازم ياكلها يمصها ع الاقل ويأخذ فايدتها بعدين غداء بعدها رضعه وع العصر سناك ورضعه والمغرب عشاءه وبعدها رضعه وسناك واخر شي رضعه .. طبعاً وهو نايم رح يصحيك من 3 الى 4 مرات عشان الرضاعه فأنتي عبي ترمس موية حاره وخذي مقسم الحليب وعلبة موية صحة ورضاعتين او 3 *وحطيها في صحن وحطيها معك في الغرفه وبمجرد مايبكي نطي سويها بسرعه واعطيه .. وللي يرضعون طبيعي الله يعينها ويكتب لها الاجر تصحى ترضعه ،، مع اني اشوف الافضل تعويده ع الطبيعيه والصناعيه لانك احتمال تكونين برا البيت ويبكي مو معقوله بتطلعين صدرك قدام الله وخلقه وترضعين ،، بس طالما انتي في البيت لاااااا طبيعيه طبيعيه طبيعيه ونصيحة ابعدي كل البعد عن السيريلاك والبسكويت حق الاطفال والبلاوي ذي ..خليها للضروره القصوى حاولي انتي تسوين له كل شي في البيت واستعملي دائماً الدقيق الاسمر لانه افود واصح من الابيض الف مره ( ماله علاقة بالنحف والمتن هو فايدته انه سريع الهضم وملي بالالياف فمايسبب تلبك في المعده بعكس الابيض اللي يسمونه اخصائيين التغذيه الغذاء الفارغ لانه بس ينفش الجسم بدون اي فائدة تذكر )*
لما صار عمر ولدي سنه صرت احط كم حبة حلبة في ترمس الموية المغليه .. لانك لو استخدمتي الحلبة قبل عمر السنه تسوي مشاكل في مثانة الطفل ماني فاكره بالضبط اش هي بس الدكتوره قالت لي أءمن واضمن من بعد السنه .. تطورت عاداته الغذائية بعمر السنه ونص وصار يأكل من اكلنا .. تعبت في البداية لين عودته بس انبسطت من النتايج .. طبعاً لامانع من الاكل من برا مره او مرتين في الشهر عشان الطفل مايحس بالحرمان او لو زرنا ناس وقدموا لنا اكل من هذا النوع مايستغرب ويصير مشفوح .. بس بشكل عام ابعدي كلللللل البعد عن الفشفاش والشيبسات وذاك الشي الي اسمه سناك اللي لونه احمر وطعمه شي صناعي قريب من الربيان .. والله يابنات انها المرض والسمنه بعينها انا يهمني طفلي يكون صحيح مو سمين فيه ناس الله يهديهم ويشفيهم من هاجس التسمين مستعده تأكل طفلها 24 ساعه بس اكل مفيد لا .. مايهمها المهم انه قاعد يبلع وخلاص *.. والحق يقال اني اشتري كيك احياناً للزنقات وارفعه في مكان مااايدري عنه واعطيه حبه كل فتره بس الحلويات لا حتى هو يعرف انه شي ممنوع محرم عندنا مستحيل ياكله وانا ادري حتى اهلي لمن يجوني او اروح لهم واخواتي واخواني يجيبو كيس مليان من البقاله صارو يعرفو انه لازم يتجمرك الكيس اي حلاوه ممنوع علكه مستحيل كيك شيبس ممكن عشان ماازعل اخواني بس *.. طبعاً بعد سنه ونص فطمته من الرضاعه حطيت عليها مناكير لون اسود وشوية فلفل اسود جوا ( مجرمه ادري ) وحطيتها قدامه صار كل مايقول ماما ننه اخذه من يده للمطبخ واخذها اصب فيها مويه واوريه اقول يالله نسوي الحليب هو يشوف السواد يقول لاااااا واخليه ياكل عشان مايجوع ومشي الحال بس المشكله كانت في الليل كان يبكي يقطع قلبي واعرف انه يبغاها واقوم اجيبها ويشوفها يبكي اكثر وجبت له كم نوع حليب يشرب نقطه او نقطتين ويرجع ينام على هالحال اسبوع واشيله والف فيه البيت واهزه ليييين ينسى ويرجع ينام وبعد اسبوع خليته هو يرميها في الزباله ( اكرمكم الله ) وبكذا اقتنع لانه كل ماسأل عنها قلت مو خلاص رميناها والحمدلله ايام وعدت على خير وصار الحين يأكل 3 وجبات لانه محروم من الرضاعه فيجوع اكثر .. انا اللي اسويه وقت الفطور احضر كل شي موجود في الثلاجه من البيض الى الطماطم والخيار مقطع شرايح جبن 3 انواع زعتر طحينيه زيت زيتون عسل قشطه تونه نوتيلا زبدة فول زيتون و الخبز انا اسويه في البيت بدقيق بر وحليب اوعصير واحياناً بان كيك بس اسويه مو من الجاهز مع نوتيلا او كورن فليكس مع حليب وزبيب وعسل وحبة فاكهه *واحياناً صامولي محشي جبن وزعتر او نوتيلا او عسل وزبدة فول سوداني ،، لاااازم الفطور يكون وجبة متكامله عشان صحته .. وانتبهي ثم انتبهي ثم انتبهي تعطينه شوكولاته من بعد الساعه 6 المغرب لانه تزيد مستوى السكر في الدم وتعطيه شحنة نشاط وطاقه غريبه .. في النهار بكيفك بس بعدها لاااااا .. وفي نفس الوقت بين الوجبات مااجوعه بالعكس ابلعه طول الوقت بس ابداً مااعطيه شي مضر ( خياره ،، طماطم ،، جزره مقطعه اصابع ،، جبنه كرافت مقطعه اصابع ،، تمريه ،، زعتر يغمس اصابعه فيه ويأكل ،،جميع انواع الفاكهه ،، فول سوداني من السوبر ماركت او المحمصه ( مفيد بشكل خيااااالي ) مكسرات ،، زبيب ،، اوريو وحليب ،، معمول ،، ذره ( يابنات قريبتي راحت لاخصائية تغذيه لان ولدها تغذيته مو كويسه قالت لها الذره لااااازم يأكلها يومياً فيها فؤائد لاتعد سواءً المعلبه او والمجمده او الاكواز اهم شي ياكلها وكمان الكورن فليكس والتونه وحذرتها من شي ليل نهار الامهات يأكلوه للاطفال قالت هذا سم ط¨ظ…ط¹ظ†ظ‰ الكلمه ( الاندومي ) احذرو احذرو يابنات باقي تدخلونها بيوتكم ابداً ) طبعاً احياناً نروح للناس ويقدمون شوكولاته وكيذا وانحرج اني اقول لا للحرمه واحزن عليه عيونه في السله ومو قادر يطلب فأقولها اعطيه من غير ماادري (عشان الهيبه ماتروح ) حتى نفس الحركه مع ابوه يكون جاي متأخر وجايب له شي فمن شوقه له يسلم عليه ويعطيه فأنا اقوله من بعيد لا خلاص بينام بعد شوي وارحم ولدي لانه شاف الاغراض وتعلق قلبه اقوم ادخل المطبخ او اصرف نفسي لين يعطيه ويقول خبيها عشان ماما ماتزعل .. بعض الامهات تقول ولدي مايأكل ؟؟ اقولها حتى انا ولدي زمان ماكان يأكل بشراهه وحتى الكميات جداً قليله بس الحمدلله الحين صار يأكل بشكل معتدل ومو سمين بس الحمدلله اهم شي عندي الصحه ( ودائماً تذكري الكيف اهم من الكم ) يعني التنوع اهم من الكميه .. انتي بس امشي على طريقتين الاولى لاتصرين عليه وتناديه للأكل بإستمرار خلاص شاف السفرة تحضرت وشافك مطنشته هو بيجي ويحاول يلفت انتباهك انتي عبي له صحن وحطيه في مكانه هو بيجي هذا حقي قولي ايوه حبيبي وبيجلس ويأكل زي الحلاوه .. حطي اي سناك تبغي ياكله في صحن وحطيه في المكان اللي يتواجد فيه بكثره .. مع اللعب كل مامر بيأخذ له قطعه ومارح يحس على نفسه ،، والافضل لو تشتري له اواني خاصه فيه تكون ملونه وفيها الشخصيات اللي يحبها .. رح يتحمس يأكل كمان خليها قريبه منه في المطبخ ع اساس تقولي رح جيب الكوب او الملعقه تكون قريبه منه منها تعلميه يعتمد على نفسه ومنها تحسسيه بالاستقلال والخصوصيه ان عنده درج خاص بأغراضه ..
بررررب
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
باااك
التربية :*
*يعني كيف تعلمين طفلك القوانين وتفهمينه كيف الحياة ماشيه وكيف يفرق بين الغلط والصح بدون تعقيد الطفل او الاستهانه بقدراته او عمره او اهانته اما بالضرب او الكلام والتعامل معه بطريقه تناسب تفكيره وفهمه ..
التربيه الدينيه : ابداً لاتستهينين في عمر طفلك وتقولين مابيقدر يحفظ ولا يفهم وش قاعده اقول وشوي الا الولد ولا البنت طاقينها بأعلى صوت ( والله وناسه بابا نزل معاشه ومدري ايش .. ولا ماما جابت بيبي ) حتى لو قالوها مكسره ومو واضحه بس الفكره انهم فهمو وعرفو وحفظو .. مهما علمتي الطفل وماشاف ممارسه فعليه قدامه انسي الموضوع .. يعني اذا بدأ الاكل تقولين سم الله .. لو شافك تسمين بإستمرار رح يقلدك .. يعني احرصي احرصي انك تكوني مثال له في كل شي لاتتعبينه بكثرة الاوامر وانتي ماتسويها هو رح يقلددك في الصح والغلط .. حفظيه السور القصيره من القرأن ( تخيلي انك رح تأخذين اجره كل ماقراها لين يموت ) علميه الاذكار اذكار قبل النوم قبل الاكل وبعده قبل دخول الحمام وبعد الخروج قبل الخروج من البيت .. عوديه يسمي اذا تعرى .. علميه يشمت العاطس وكيف يرد .. اشتري له سجاده صغيره وحطيهامع سجادتك واذا جيتي تصلين قولي له يالله جيب سجادتك عشان نصلي ونروح الجنه .. انتبهي تقولين نصلي عشان مانروح النار لا دائماً اعطيه رسايل ايجابيه عن الدين والجنه .. علميه عن عظمة الله سبحانه وتعالى وانه موجود في السماء .. علميه ان الملائكه موجودة عن يميننا ويسارنا وانها تكتب اقوالنا .. علميه كيف يستغفر اذا سوا شي غلط .. علميه كيف اذا شاف احد مبتلى انه يقول الله يعافينا ( رح ترسخ هذي كلها في راسه وتذكري العلم في الصغر كالنقش ع الحجر )
التربية العقليه : خذيها قاعده حاجتين رح تخلي طفلك مو ذكي الا نابغه ويمكن حتى انتي تتفاجأين من كلامه وتصرفاته 1- التغذيه السلميه ( وبإمكانك تبحثين عن مأكولات محدده تقوي ذاكرة الطفل ) ..
2- ردي على جمييييع اسئلته بدون كذب ..
يعني مو يجي يسألك عن شي تستهينين بعقله وتكذبين عشان تصرفينه وتفتكين لا قولي الصدق وخليك مستعده دااائماً للاجابه عن اي سؤال وتحملي لان اجابتك رح تولد 3 او 4 اسئله بعدها بس لانه يبغى يفهم ويربط الحقائق ببعض لانه لو عرف انك تكذبين عليه ابداً ماعاد بيثق فيك ولا بيصدقك .. واحياناً في بعض الامهات وتمر علينا هذي اللحظات كلنا تكون مشغوووووله او تعبانه او متضايقه ويجي يسألها طفلها تقوم تسكته ولا تطرده من عندها حذاري حذاري ياامهات معليش تحاملي على نفسك شوي وخذي نفس عميق واسمعيه وش يبغى يقول لاتسكتينه لانك بكيذا بتبدأين تكسرين شخصيته حبه حبه وتهدمين الرابط اللي بينكم ..و خليك صادقه وصريحه معه بس مو لدرجة الغباء والسذاجه يعني السؤال المشهور عند الاطفال كيف يجي النونو ؟؟ انا اقوله ( النونو يكون نقطه صغيره في بطن ماما وهي تأكل وتخلص صحنها وتدعي تقول يارب يارب وتنام وتصحى تلاقي النونو جنبها ) *بس انتبهي لاتسوين زي وحده تبغى تربي بنتها تربيه صحيه وحديثه قامت ورتها الولاده والبنت من يومها جاتها تأتأه وعذرها اني مابغاها تعرف من غيري ابغى انا اعلمها كل شي .. اه ياااربي المهم صدقيني لو تربى الطفل في جو عائلي صحي مثقف اعضاءة متحابين يتبادلون الاحترام بينشأ مستقر نفسياً وحتى لو صار شي معاه اذا كبر مستحيل يخبي عنك لانه يعرف انك ملاذة الامن ،، وفي امهات تقول لولدها اذا قولت لي وش صار مارح اعاقبك .. واول مايقول المسكين تنزل فيه تلطيش ،، الحين انتي اظهرتي لولدك حاجتين انك كذابه وانك مو محل ثقته وبيلجأ لغيرك لو صار له شي حتى لو كان لسى صغير وغلطه انه كسر لعبه او قطع ورقه ..*
الضرب وماادراك مالضرب ،، انا ماادري كيف الامهات اللي يضربو تطاوعهم قلوبهم ،. لا واذا نام الطفل قامت تبوس فيه وتقوله احبك سامحني ،، الرسول عليه الصلاة والسلام حدد. سن الضرب ولشي مهم وهو الصلاه .. مو عشان خربط اغراضه ولا لعب شويه في البيت .. وكله كوم وضرب الوجه كووووم ،، احس دموعي بتنزل وانا اكتب ،، انتي يالي تضربين ولدك سواءً على وجهه ولا اي مكان في جسمه .. وش قلبك مخلوق منه من حجر؟؟ من حديد ؟؟ حتى لو غلط الطفل وفعلاً حسيتي شي لايغتفر قرصه في الاذن .. ضربه ع الكف للتأديب مو للانتقام لانه هذا للأسف اللي اشوفه الوحده كأنها تنتقم من ولدها ،،واذا ماتعرفين يالي تضربين ولدك ان كل ضربه في مكان معين تحدث في نفسه تأثير معين ضربة الرأس لها تأثير والظهر لها تأثير نفسي طبعاً غير الجسدي .. وترا كثره الضرب تحول الطفل لبهيمه متبلده مستسلمه ضربتي ماضربتي ماعاد يأثر .. بعدين ترا سمعت شيخ يقول حديث في ما معناه ( يوم القيامه يقتص الطفل من امه في موضعين اذا كشفت عورته امام الناس واذا ضربته وهو يستجير بها ) يعني بعض الامهات ولدها يبكي ويتلملم في زاويه ويرفع يدينه يغطي نفسه ويتأسف ويقول توبه وهي لازالت تضرب خلاص كفايه انه عرف غلطه وحس فيه لكن اذا جلس يهرب ويتضحك وماهمه هذي الام هنا تتصرف معاه بحزم ،، وفيه كمان فعل الرسول عليه اتم الصلاة والتسليم كان يسويه انه يعلق عصا في البيت للتخويف فقط .. انا معلقه خيزرانه واذا بدأ يتشاقى ااشر بس عليها وربي زي نار طفيتيها بمويه ( ماينطق عن الهوى ).. *فيه اكثر من طريقه تأدبين فيها ولدك بدون ضرب .. انا الحمدلله مااضرب ولدي الا في الشديد القوي على قولتهم عشان كيذا يتأثر ومو ضرب يادوب ضربه ع الكف عشان يعرف انه غلط غلطه وماعاد يكررها .. والشي اللي اشوفه فعلاً يأثر فيه ويبكي من قلب اذا حطيته في كرسي العقاب والله يابنات انه يبكي كاني جلدته .. كنبه عاديه جداً في نص البيت حتى مو في غرفه او ظلام .. اذا غلط اقوله انت معاقب يالله ع الكرسي وتعالو شوفو المناحه ويتأسف ويعتذر وشوي واقومه والله يابنات ماعاد يعيد الغلطه ابداً صراحه في البدايه ماكنت مقتنعه في الطريقه بس لها مفعول عجيب في التربيه واللي استنتجته من ولدي انه يعتبرها اهانه له .. والصراخ ع الطفل ترا الصراخ ابداً مايوصل للطفل اي فكره الا حاجة وحده يعاملوني بالصراخ ويعبرون عن غضبهم بالصراخ ويطلبون مني بالصراخ والتهديد انا رح اعاملهم بنفس الطريقه ويبدأ يتعامل معك بالصراخ .. لكن لو تعاملتي معه بهدوء وحزم بالعكس بيكون مطيع وينعكس هدوءك عليه .. وتعاملي معه بألفاظ لايقه لو سمحت .. ممكن .. تفضل .. شكراً .. يعطيك العافيه .. حبيبي .. عمري .. حياتي .. الله يخليك .. ياعسل .. ياسكر .. يابطل .. ياقشطه .. ياقوي ( ياااااكثرها الالفاظ ) وترا كل الالفاظ ترسل لذهنه رسايل ايجابيه عن نفسه مثل يامرتب .. يامؤدب .. ياهادي -- بعكس .. ياشيطان .. ياشقي .. ياملقوف ( ليييييه ليييه هذي الكلمات ترسل لذهنه رسايل سلبيه حتى لو مافيه هذي الصفات بيخلقها لنفسه )*
وانتبهي تتلفظين عليه او تضربينه ( للي مايرحمون اطفالهم ويضربون ) قدام الناس سواءً غرباء او تعرفيهم .. دائماً حطي في بالك ان طفلي اهم شخص في العالم ومارح اجرحه عشان ارضي اللي حولي او اضحكهم او اطلع غضبي منهم فيه .. اذا تصرف تصرفات طايشه امسكيه من اذرعه وحطي عيونك في عيونه وتكلمي معاه بهدوء وحزم وفهميه ان اللي قاعد يسويه له عواقب وانه لو كرر تصرفاته رح يتعاقب ..
واذا قال كلمه بذيئه لاتكبرين الموضوع عشان ماينتبه لانهم احياناً يقولوها بشكل عفوي وينسون .. بس اذا اصر على كلمه على طول سوي نفسك مستاءه وقولي يالله روح تمضمض وغسل فمك عشان تروح الكلمه اللي مو كويسه والريحه حقتها .. واذا صرتو رايقين خليه يشم خل او اي شي كريه وقولي اللي يقول كلام مو كويس يصير فمه كيذا ..*
__________________________________________________ __________
>>>> الرد الثاني :
بااااااك
تعاملي معاه دائماً بالحب احضنيه قد ماتقدرين بوسيه قولي له انا احبك الله يحفظك الله يحميك ترا تأثر هذي التصرفات فيه مرررره .. حاولي ماتخليه يجلس ع التلفزيون الا ساعه بالكثير اشغليه باللعب ترا اعلامنا مامنه الا خراب .. الا من رحم الله .. والله احياناً مالقى شي اقوم احط له ناشونال جيوغرافيك ونجلس نتفرج حيوانات او معدات وبناء او سيارات ويسأل واجاوب ..ولاتنسي العبي معاه يومياً حتى لو 1/2 ساعه بس واستغلي وقت لعبك معاه خليه ترفيه وتعليم علميه اسماء الحيوانات عربي وانقليزي علميه الاحرف الارقام الاشكال لونوا مع بعض وعلميه كمان وانتو تلعبو اشتري كتب تعليميه وعبي غرفته واذا جلستو مع بعض حكيه القصص حتى لو تحكيه قصه من خيالك بس تطابق الصور اللي في الكتاب .. يعني خلي لكم وقت خاص للتعليم والترفيه*
دائماً شجعيه وخليه يحكيك وش صار معاه حتى لو كلامه مكسر ويعيد نفس السالفه بس سلكي لا تتريقين في كلامه لو لخبط حاولي تصححين له لو ماقدر خلاص معناته الكلمه صعبه عليه ،، اي شي يلبسه امدحيه .. لو طلبتي منه يرتب شي معين ملابسه غرفته العابه سريره .. ورتبها وناداكي تشوفين سوي نفسك منبهره ومبسووووطه منه ولا تنتقدين ترتيبه لانه طفل مستحيل يكون الترتيب مثالي ولا تجين تعدلين وترتبين بعده عشان يحس بالثقه .. واذا حسيتي انه يستهبل وماسوا شي وقاعد ياكل بعقلك حلاوه قولي وش رايك نتساعد ؟؟ وابدأي رتبي وحسسيه انك محتاجه له تعال شيل معايه حبيبي هذا ثقيل تعال ساعدني وكيذا .. *علميه النظام وان مافيه لعبه تخرج من الغرفه ولو مل من الغرفه وحب يجي يلعب معاكم في غرفة الجلوس مو مشكله بشرط اذا خلص كللل الالعاب ترجع الغرفه او رح تتصادر منه ويتقفل عليها وجربي مره واحده اذا ماصار يشيلها وانتي لسى ماتكلمتي ..وعلميه كيف يكون واثق من نفسه ومن قدراته ومن شكله .. انتبهي تشتكين منه للناس وهو موجود بالعكس امدحيه ووصليه السماء دائماً قولي انتا مرتب وحلو ماشاء الله ،، اذا عنده اي عيب خَلقي انتبهي تعايرينه فيه ( بالعقل اصلاً كيف تعايرينه في شي هو ماله يد فيه ولا احد له يد هذي خلقة رب العالمين ،، اساساً تخيلي ترسمين رسمه وتعرضينها للناس والناس تتريق عليها وتسبها مين اللي راح يزعل انتي ولا الرسمه .. فتذكري ان اللي خلقه هو رب العالمين ) ولاتسمحين لاحد ابداً انه يقلل من ثقته او يسبه او ينتقد شكله او لبسه او تصرفاته قدامك .. ابداً تذكري دايماً ماحد رح ينفعني لو تعقد طفلي وزي ماتجرأ هذا الشخص وتكلم عن طفلي انا بتجرأ وادافع عن طفلي كمان ..
دائماً جيبي له هدايا ومكافأت بالذات لو شاف عند احد شي وعجبه او اعلان في التلفزيون او كتالوج خليه لين يسوي شي فعلاً يحتاج مكافأه واشتريها وقولي هذي عشانك سويت كيذا وكيذا ،، وكمان لمن تكوني قاعده تعلميه على عادة جديده او فيه بيبي جاي روحي واشتري كميييية العاب وشيليها في مكان وكل ماتطور في وضعه الجديد طلعي حاجه واعطيه .. هذي الطريقه سويتها معاه لمن علمته الحمام تعبت مرره معاه اذا احتفل وخلص قال ماما حمام ..! اول شي علمته كلمات تكون كنايه عن البول والبراز اكرمكم الله .. بعدين بديت اقوله اول ماتحس قولي بدا هاه حبه حبه يتعلم وصرت البسه بس هيلاهب في البيت عشان لو حصل شي يكون محمي مايخرب لي الدنيا .. وطبعاً لازمت البيت ذيك الفتره لانه صعبه ارجع البسه البامبرز بيكذا يصير مشوش هل تبغين اروح الحمام ولا اسوي في البامبرز .. والحمدلله ساعدتني كلوتات التعليم اخذتها من الهرم ب5 الحبه واخذت كميه عشان مااتوهق .. وكان كل ما سواها في الحمام اسوي نفسي فرحاااانه وانطط من الفرحه واروح اجيب له هديه وتشجع الين تعلم الحمدلله .. ووقت النوم بعد مايغط البسه بامبرز وقبل يصحى اشيلها ..
دائماً نبهيه ان مو كل مكان يقدر اي شخص يلمسه ودايماً فهميه انه يحافظ على نفسه حتى اذا وديتيه الحمام قولي غطي نفسك عيب احد يشوف جسمك .. واذا صرتي تلبسيه سولفي معاه وقولي احنا مانسمح لاحد يفسخ ملابسنا الا ماما ولااحد يشوفنا ومع الوقت بيصير عنده قاعده ومارح يرضى يتعرى الا وانتو لوحدكم ،، وفيه حديث ذكرته فوق عن هذا الشي .. وانتي كمان لاتهملي طفلك وتروحي عند الناس وتنسي منه دائماً اسألي فينه روحي طلي عليه تطمني خليه يحس انك معاه على طول ،،
اشركي الاب في التربيه خليه يكون له فضل معاك .. من البدايه لازم يتحمل معاك المسؤوليه فيه رجال يقولو انا مااعرف .. حاولي حتى لو تبدأينها ب انا مرهقه بنام لي ساعه *،، او اخرجو لحالكم اليوم مالي نفس او تعبانه وحرام احنا وعدناه نخرجه .. وفيه اباء فعلاً مايعرفو اوقفي مع زوجك وفهميه وعلميه مع الوقت بيبدأ يعرف كيف يتحمل المسؤوليه وبيتعامل معه صح انتي بس اتركيهم مع بعض .. عشان حتى تقدري تاخذي وقت لنفسك وتريحي عشان تقدري تكملي .. حاولي دائماً اذا قريتي شي مفيد عن التربيه تنسخي الرابط وترسليها له .. اذا كنتو مع بعض وقريتي في كتاب او ع النت شي *اقرأيه له .. ولو بالذات قريتي عن شي هو يسويه مع ولدكم شجعيه وبيني له انك مبسوطه منه ومن تربيته ( وقولي انا لولا الله ثم انت ماكنت بعرف وش اسوي انت فعلاً مربي *واب مثالي .. *ومن هالكلام ) واذا لقيتي العكس افعال مو كويسه يمارسها زوجك معه نبهيه وبيني له العواقب ،، طبعاً مع مراعاة الوقت والمكان مو تجين للزوج وهو دوبه جاي من برا ونفسه مقطوع وتعطينه محاضره عن التربيه .. واستغرب والله من امي واخواتي اذا انتقدوني لمن اترك ولدي مع ابوه واخرج اروح زواج او عزيمه او سوق ( مع اهلي طبعاً ) .. كلهم يحسسوني اني تركته مع وحش سلاااامات ترا مع ابوه مارح يكون فيه احد في الدنيا احن عليه منه .. اهم شي انا مقتنعه اني اسوي الشي الصح خلاص ،، ع الاقل اهون من اللي ترميهم مع الشغاله وتروح وتعيش حياتها .. واللي ماعندها ثقافه تربويه تثقف نفسها بنفسها .. تبحث تسأل تقرأ كتب تدور عن تجارب ناجحه .. وان شاء الله تلاقي نفسها صارت مخزن معلومات وتعرف تتعامل كويس مع كل انواع البشر مو بس الاطفال ..
ختاماً اتمنى اني وفقت .. وانا عارفه ان التربيه شغله مو سهله ابداً ابداً يبغالها نفس طوييييل وصبر وحكمه وضبط للنفس .. والوحده تحس ان عمرها فعلاً يفنى عشان كيذا في البدايه نبهت عن تنظيم الحمل .. وترا كلنا بشر نغلط ونتعب وننهار وننضغط .. بس دايماً تذكري كل تصرف رح يكون بمثابة مسمار يترك اثره في لوح .. وقبل كل تصرف بالذات اذا عصبتي عدي للعشره وخذي نفس عميييييق .. واذا خلاص حسيتي انك تكه وتنهاري عادي طبيعي ادخلي غرفتك وابكي لين ترتاحين .. او سوي يوغا مفييييده للاسترخاء ،، وتسلحي بالدعاء دائماً وان الله يكون معك ويقويك ويعينك .. اعرف فيه امهات مارح يناسبهم الموضوع لعدة اسباب ممكن عندها اكثر من طفل .. ممكن طفلها عنده توحد .. او فرط حركه .. او هي تيأس بسرعه وكسوله .. او موكله المهمه للشغاله .. عموماً اتمنى ياااارب ماتخرجو من الموضوع الا وانتو مستفيدين كلمه ع الاقل واي وحده عندها سؤال عن هذا الموضوع او اي موضوع ثاني ترسلي خاص لاني مو دايم ارجع للمواضيع ..ولاتنسون اذكروا الله .. احبكم في الله
__________________________________________________ __________
>>>> الرد الثالث :
جزاك الله خير وجعله الله في موازين حسناتك
كلام فعلا طالع من القلب الله يحفضلك ولدك ويحميه يارب
اللهم صلى وسلم على سيدنا وحبيبنا محمد وعلى اله وصحبه اجمعين
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
