عنوان الموضوع : ملف الكبةمن مطبخي الشامي ..............وصل من المطبخ السعودي
مقدم من طرف منتديات بنت السعودية النسائي
كيفكم يا احلى اعضاء ومشرفين واداريين ووووووو
بأحلى منتدى بالعالم
من دون مقدمات _ _ _ _ _ _ _ _ الكبة
نبدا بالعجينة
المقادير:
كيلو برغل مغسول ومصول
800 غرام لحمةهبرة
بصلتين كبار
ملح وفلفل وبهار
نضعهم في ماكينة الكبة بالتناوب على ثلاث مرات حتى تتشكل العجينة
واذا وجدناها ناشفة شوي نرشها بقليل من الماء
بعد ثالث مرة بالمكينة نعجنها بيدنا قليلا ثم نبدأبالتشكيل
في هي الصورة
طبعا اول شي يكون جنبنازبدية ماءونبلل يدينا قبل العمل
الابهام هو الاصبع يلي بنرقق فيها الكبة
الاصبع يلي عليه اشارة باالسهم الاصفر:بنحاول نتحكم فيه بفم الكبة مشان ما يطلع كبير
الاصابع يلي مشار عليها بالسهم الازرق بنتحكم بحجم الكبة
ونحشيها باللحمة الناعمة المقليةمع بصل ومكسرات وبهارات ملح فلفل
وهي شكلها
لما بدنا نقليها اهم الشي ما نكتر بالمقلاة مشان ما نبرد الزيت
والزيت ما يكون حامي كتير مشان ما تتحمص من برا وتكون نية من جوا
وهي صورة توضيح
معليش السماح الصورة مو واضحة كتيرولا حتى مزينتها بس الله يهدي الولاد
بس وعد بدي ساويها بهليومين وبرجع بنزل صور مرة تانية
وهي شكلها من جوا
يتبع الكبة اللبنية
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
سلام مرة تانية
رجعنا
الكبة اللبنية
طبعا طريقة الكبة نفس المقلية بس اصغر شوي
نحضر اللبن الرايب يعني لكل كأس لبن ملعقةطعام مليانة نشاء
انا حطيت 6 كاسات لبن و1كاس ماء7 ملاعق نشاالدرة طبعاوملح
بنحرك على النار لحتى يبلش اللبن يغلي وبتشوفيه سمك شوي
بنأخذ سيخ الشوي الخشب ونساوي ثقبين بكل قرص كبة
ثم نضع الكبة على اللبن الذي غلى معنا
ولا نحرك ابدا حتى ما تفرط الكبة بسفل الملعقة نمسح الوجه شوي شوي
ونخليهم تقريبا خمس لعشر دقايق على نار وسط أخف شوي مشان ما يحترق اللبن وتلزق الكبة
وعند السكب نحاول ان نخرج الكبةعلى مهل اولا وضعها في البيركس
ثم نضيف اللبن
شوفو ما شاء الله كل قرص واخوه
وهي الشكل النهائي
ماشاء الله
يتبع الكبة النية
بأذن الله
__________________________________________________ __________
>>>> الرد الثاني :
الكبة النية
المقادير:
عجينة الكبة نفسها
فليفلة حمرة (حدة وحلوة)
جوز مفروم ناعم
قليل من زيت الزيتون
نعجنهم مع بعض منيح
ممكن نعملهم اصابع او
نمدهم بالصحن ونزين الوجه بالجوز وزيت الزيتون
ما شاء الله
يتبع الكبة بالصينية
بأذن الله
__________________________________________________ __________
>>>> الرد الثالث :
الكبة بالصينية
نفس عجينة الكبة ونفس الحشوة
نأخذ العجينة ونضعها داخل كيس نايلون نفردها
ندهن الصينية بالسمن البلدي ونضع الكبة الممدودة
متل مو شايفين انها غير مستوية ؟؟!!
بتلكي ايدك بالماء وبتمسحي وجه الكبة بحركة دائرية
اكتر من مرة حتى تصير بهل الشكل
نضع الحشوة عليها
ونرق عجينة اخرى مشان الوجه ونضعه بهذه الطريقة
لحتى نغطي الوجه ونعمل متل ما عملنا بالطبقة التحتانية يعني بالماء ومسح على الوجه
ونقطعها وبطرف السكين نحدث فتحة في كل قطعة ونضع على كل فتحة سمن بلدي
وضعها في الفرن حتى تحمر من تحت وئم من فوق
ما شاء الله
ان شاء الله يكون عجبكم الملف
والشوربة المصاحبة للكبة لح انزلها بقسم الشوربات)(بحب النظام هههههه
وانتظروا قريبامزيد من الكبب الشامية
واي سؤال على عيني لا تترددوا
دعواتكم الله يهديني ويهدي زوجي وولادي ويجعلنامن الصالحين وحفظة القرآن الكريم
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
