عنوان الموضوع : سنكرز شغل بيت يمييييي لذيذ من مطبخي
مقدم من طرف منتديات بنت السعودية النسائي

بسم الله الرحمن الرحيم
السلام عليكم ورحمة الله وبركاته

صبــــــاح/ مســــــاء الخيـــــــر علــى الجميــــــــــع

شفت هذا الحلى في أحد المنتديات وطبقته وطلع حلووووو واااايد
شكلا وطعما يشهي .. وأكيد ما نسيتكم يا أخواتي بأني أنقله لكم

اسم الحلى "سنكرز شغل بيت"


وهذه صورته..



وهذه الوصفة..

المقادير...
باكيت ونصف بسكوت اولكر
بيضتين
ربع كوب حليب محلى نستله
ربع كوب سكر بني
50 جم زبده غير مملحه + 100 جرام بحرارة الغرفة
2 م.ك كاكاو بودرة
فنجانين زبدة فول سوداني
300 جرام لوح شوكولاته
كوب كريمة خفق

الطريقه...
الطبقه الاولى..
نطحن البسكوت ونخلطه مع 100 جرام من الزبده + بودرة الكاكاو ونكون عجينه نقدر نمدها في قالب..
نحضر قالب ونمد عليه ورق شمع او ورق زبده عشان ما تلزق العجينه ونقدر نطلعها بسهوله ..
نمدها في قالب ..وندخلها الثلاجه ونحضر الطبقه الثانية..

الطبقه الثانيه..
نجيب وعاء ونحط السكرالبني+ 50 جرام من الزبده ونخفق بالخفاق لين يندمج السكر مع الزبده
وبعدها نضيف الحليب المحلى+زبدة الفول السوداني+البيض وملعقة فانيليا نخفقهن زين..
ونصبه على الطبقه الاولى وندخلها الفرن 15 دقيقه من تحت وشوي من فوق...
ونخليها تبرد تمااااااااما.. والحين نحضر الطبقه الاخيره ..

الطبقة الثالثة..
كوب كريمه خفق +300 غرام لوح شوكولاته
نسخن الكريمه عالنار ويوم تسخن نضيف الشوكولاته ونخلط لين تذوب ويكثف نطفي النار
ونخليها تبرد شوي..
ونصبها فوق الطبقه الثانيه كطبقه اخيره وندخلها الثلاجه عالاقل ساعتين او 3 لين تجمد
طبقة الشوكولاته تماما عشان نقدر نقطعها...
وبعد ماتبرد تماما نطلعها من الثلاجه ونطلعها من القالب ..نمسك اطراف الورق الشمعي
ونطلع الحلى ونحطه في صينيه كبيره عشان نقطعه..
انا قطعتها مربعات وحاولت انها تكون متساويه بس ماقدرت هههه شي عود وشي صغنوني المهم
طعمها وشكلها يميي يميييييييي وشكلها بعد رووووعه

وبعد التقطيع رجعتها في الثلاجه لمده 10 دقايق او 15 دقيقه قبل التقديم .. احلى اتكون بارده

وبالعافية عليكم


جربوووووه وإن شاء الله بيعجبكم


ولا تسنوني من صالح دعواتكم الطيبة


في أمان الله






>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
روووووووووووعه ما شاء الله
تسلم الايااااااااااااادى حبيبتى
وكل عام انت واسرتك الكريمة بخير

__________________________________________________ __________

>>>> الرد الثاني :
رائعة بارك الله فيك

__________________________________________________ __________

>>>> الرد الثالث :
يميمي شكلها لذيذ تسلمي

__________________________________________________ __________

>>>> الرد الرابع :


__________________________________________________ __________

>>>> الرد الخامس :