عنوان الموضوع : ░▒▓ مـــاك عربي وبكل فخـر مـن مطبــخ ღزهرة الفانيلاღ. ▓▒░ طبق سعودي
مقدم من طرف منتديات بنت السعودية النسائي

السلام عليكم ورحمة الله..
شخباركم يالغاليات..



طريقة الماك ماخذتها من حول اربع شهور ولا اتذكر من وين بالضبط لكن الاعتقاد انه ياعالم حواء او بيت حواء او الفراشه...والله يجزاء صاحبته الجنه ويرزقها من واسع فضله واتمنى انها تسامحني لاني مااذكر حتى المنتدى...
ندخل في التفاصيل...مع بعض التعديلات من عندي..
المقادير:
3 ك طحين ابيض
بيضه واحده
1\2 م ص خميرة
1 م ك سكر بودرة
1\2 م ص ملح
1\4 م ك Bp
م ك حبة سوداء(حبة البركه)
1 1\4 ك مـاء
الطريقة:
1) تخلط المقادير الجافه ثم يضاف لها الماء والبيضه بالتدريج للحصول على عجينة متجانسه.

2)تغطى وتترك لترتاح مدة 20 دقيقه ولاتخلينها اكثر لاني سبق وخليتها اكثر من ثلث ساعه وصارت تنفش وتتمطط وتكسرت بعد الخبز.

وهذي صورتها بعد ما ارتاحت الآنسه عجينه



3)تقسم إلى كور صغيرة ثم تفرد بالنشابه على شكل دائره خفيفه بعد ان ينثر بعض الطحين على ساحة العمل.



ساحة العمل



4)يحمر الصاج حتى يصل إلى درجة حرارة متوسطه ثم يسكب 1\2 م زيت عليها ثم توضع دائرة الخبز وتحرك بحيث يصل الزيت إلى جميع أطرافها اثناء ذلك ترق الكره الثانيه وتقلب الخبزه ليتحمر وجهها الآخر وننتظر ثواني ثم نرفعها ونضع الدائره الثانيه...وهكذا...ثم يلف الخبز في كيس بلاستك حتى لايجف.





وهنا بدال ماتصبين كل شوي زيت على الصاجه عشان ماتلصق الخبزه انا صرت ارطب المنديل بالزيت وامسح وجهها قبل ما احطها على الصاجه(ملاحظه:اول خبزه لازم تحطين الزيت على الصاجه والباقي امسحيه بالمنديل مثلي).


وهنا انخبزت



وهنا صورة الخبز بعد الانتهاء وهو جوه الكيس.



وهنا الصورة اقرب ولايعلى عليها وانا حاطه ورق مطبخ بالاعلى والاسفل عشان يسحب الرطوبه.



طبعاً تقدرين تخزنين باقي الخبز في الفريزر وتطلعينه على قدر حاجتك وبس تجهزين له الحشوة وانصحك تسخنينه بالماكرويف من خلال وجبة مجمده(Frozen Entree)
يتبــــــع
:
:
:
:
الرجـــاء عــدم الــــرد حتى اكتمــال الموضــوع


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ونبدأ نجهز الحشو ونشوي لحم البرجر او الدجاج وانا هنا شويت اللحم(والشوي اطرى من القلي واخف).



وفي اثناء الشوي نجهز بقية الحشوه موضحه بالصورة(شرائح طماطم وخس وجبن وصوص الثوم)



وهنـا علامات الشوي واضحه اممممم، (ونصيحه بعد ماتشيلين البرجر امسحي الآله بورق المطبخ وهو ساخن وبكذا اضمن لك تنظيف أسهل لان السطح تيفال ومايتحمل ادوات تنظيف خشنه).



ونبدأ نحشي الخبز بالتتالي(ندهن الوجه بصوص الثوم ثم البرجر المقطع نصفين ثم الخس ثم الطماطم وشرائح الجبن المقطعه نصفين).



نطويها ونعيدها الى آلة الشوي لتكتسب الحرارة وتكون كريسبي ويسيح الجبن وتكتسب ايضا هذه الخطوط..



وتقطع وتقدم...وتـؤكل.



واقرب


واقرب للتعذيب من جهه ومن جهه ثانيه هذي لكل من رد على موضوعي..

__________________________________________________ __________

>>>> الرد الثاني :
فرحااااانه لأني اول مشاركه

ويعطيك العافيه شغلك مرتب ولذيذ

وافدتينا بأفكارك الرااااائعه بارك الله فيك

__________________________________________________ __________

>>>> الرد الثالث :
ياسلااااااااااااااااام
الحمد لله اول وحدة رديت اكيد كلهم لي
يسلمووووووووووووو ياعسل والله انك ختيررررررررررررة
ماشاء الله

__________________________________________________ __________

>>>> الرد الرابع :


__________________________________________________ __________

>>>> الرد الخامس :