عنوان الموضوع : (سفرة + توزيعات + ديكور) للحفلات هدية رائعة
مقدم من طرف منتديات بنت السعودية النسائي
بسم الله الرحمن الرحيم
السلام عليكم ورحمة الله وبركاته
ليلة ملجتي (ط³ظپط±ط© + طھظˆط²ظٹط¹ط§طھ + ط¯ظٹظƒظˆط±)
وبدايتها.. طاولات السفرة..
وهني بداية تصنيعهم في البيت ( الوالد سواهم بيده)
رسم على ألواح خشب مدعمة حجم الطاولات وعلى شكل دوائر
وهكم الطاولات استووا! كل وحدة بإرتفاع مختلف
طبعاً ألحين لازم نشتغل مشوار التوزيعات
حلقات ستاير صبغناهم ذهبي...
هذي وحدة بروحها
سوينا بقش صغيرة بالتور وحطينا داخلهم نتفة شبة وشوية نقطة وحرمل وسويدة
وهذي تجربة لتطبيق الفكرة
واصلنا الزحف وحطينا فيهم ورود صغار
شوفوا حلاوتها صغنونة
وركبناهم على الحلقات وحطينا فيهم خيوط حمران للتعليق.. وطبعاً زينا الحلقات بأشكار مختلفة.. بعضهم حطينا فيهم لولو أحمر وبعضهم حطينا فيهم كريستال أحمر
وأضفنا عليهم قطعة شوكولاته بالنعناع
شوفوا...
أضفنا الكروت
وحطيناهم في السلة
بس هذا مو كلهم!!! شلنا بعضهم.. بتعرفون ليش بعدين
حطيتها في إصيص بمساعدة البابا اللي ترس الأصيص جبس عشان يثبت
وهذي عقب ما رشيناها باللون الذهبي
يتبع
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الإصيص بعد رشيته بقلتر ذهبي (رش جاهز قلتر) بس ما يبين واضح في الصورة
بعدين زينتها ببقايا ورد أحمر كان عندي وحطيت عليها حلقات الستاير عقب ما ربطتهم بخيوط ميدار عشان ما يبينون وهم معلقين.. وعلقت فيها بعد بعض الكور والسلاسل الحمراء تزيين
النوع الثاني من التوزيعات كان عدد بسيط من غراش العسل الصغار
وزينتهم بهالطريقة
شلت القرطاس من على غراش العسل
وجبت قطع أورقنزا دوائر يبيعونهم جاهزين في الأنوار وفي محلات الخياطة
وبديت ألفهم وأربضهم بشريطة ذهبية
بعدين فرشت الكركوشة اللي فوق ولصقت في الوسط وردة حمرة (وردة رمان مشترتنهم عبارة عن أغصان ورد من هوم سنتر وهم نفسهم الورد الصغار الفضيل اللي حطيتهم في الشجرة الذهبية)
بعدين لزقنا عليهم البطاقات
وما خلصت التوزيعات.. لأني سويت نوع آخر بعدد بسيط أيضاً وهو
عبيتهم شوكولاتة الصخور
وهذا شكلهم بعد ما حطيت الكروت
يتبع
__________________________________________________ __________
>>>> الرد الثاني :
هالأكياس عبيناهم مكسرات... وهذا شكلهم...
ألحين دور تزيين مكان حفلة الملجة
اللي هو مجلس بيتنا
شلنا منه الكراسي وكل شي وفضيناه
وبما ان الشغل اغلبه كان فيه
فهذي الصور بالعفسة لحد ما رتبنا السناحات والزينة وكل شي
الصور تتكلم
بما أن المجلس اكتمل من السناحات! وتعلق الكور وسوالف التزيين والليتات!
صار لازم أحدد المكان اللي بقعد فيه واللي بتكون قباله السفرة ومكانه كرسي العروس
لذلك.. اشتريت أقمشة بالألوان المناسبة.. وبدأت برسم الفكرة في راسي.. وبمساعدة من صديقاتي قدرت أسوي لروحي مسرح حلو...
دخلت فيه 3 ألوان.. وركبت على الدراجة وتعلقت وجم مرة بغيت انشدخ وبالذات حركة التثبيت اللي في السقف كانت تزوبق.. بس لازم اسويها اسويها!
وأكيد الإضافات كانت الخرز الذهبي والأحمر والكور والنجوم
يتبع
__________________________________________________ __________
>>>> الرد الثالث :
توزيعاااااااااااات في غاية الرووووووووووعه
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
