عنوان الموضوع : مناقيش روووووووووووعةللفطور احدث موضة
مقدم من طرف منتديات بنت السعودية النسائي
السلام عليكم ورحمة الله وبركاته
صباح العسل والقشطة لاحلى بنات
امبارح الجمعة صحيت مروقة وقلت خليني اعمل شي مختلف للفطور
ويا عيني عالمناقيش اللي سويته
طلعت بتشهي واحلى بمليون مرة من ظ…ظ†ط§ظ‚ظٹط´ المطاعم
وقلت لازم اصورها لكم بالتفصيل الممل وان شاء الجمعة الجاي بدي الاقي الكل
فطورو ظ…ظ†ط§ظ‚ظٹط´
وكمان في هدية بالاخر بالاضافة للمناقيش للبنات اللي بحبوا الحار
العجينة
2 1\2 كوب دقيق منخول
ملعقة كبيرة خميرة
ملعقة صغيرة ملح
ملعقتين كبار سكر
3 ملاعق كبار حليب مجفف
ملعقة كبيرة سمن كريسكو
كوب ماء دافئ
الحشوات
- زعتر مخلوط بزيت زيتون
كل منقوشة بدها تقريبا ملعقة زعتر كبيرة واخلطيها مع الزيت
بحيث انها تكون متماسكة مو زيت كتير
- جبنة وانا استعملت الجبنة النابلسية بحبة البركة والجبنة بتكون طرية
وما فيها ملح كتير لانو النابلسية ازا كانت قاسية بكون فيها ملح كتير لازم تنقعيها
من الليل والصبح تغليها لو باقي فيها ملح ولو ما في نابلسية ممكن تستعملي
جبنة العكاوي وافضلها كانت العكاوي استرا
- بيض وملح وفلفل
الطريقة
انا عملت ضعف كمية العجين يعني 5 اكواب دقيق
بنذوب الخميرة مع ملعقة سكر وكاسة ماء دافئ
بس تبدى تخمر
نضيف السمن ونحرك وبعدين نضيف الدقيق والملح وباقي السكر والحيلب المجفف
ونعجن حتى تتكون عجينة متماسكة لا تلصق باليد
ملاحظة لا تضيفي الماء الا بعد ما تعجني وتشوفي
كم بتحتاج ماي بعد
نغطي العجين ونتركها حتى تتخمر وتحتاج ساعة او اكثر حسب الجو
ونعمل الحشوات
الجبنة بس حطيها بايدك كانك بتعصريها ونزلي منها كل الماي اللي فيها
وهيك بتكون انهرست وما في داعي للبرش
والزعتر زي ما حكيت حطيه مع الزيت بس لا تكتري زيت خليه متماسك بهالش
بناخد العجين بنقسمها نصين كل نص بنقسموا خمس اقسام>>>درس رياضيات على غفلة
يعني بصير المجموع عشر قطع عجين بنكورها وبنفردها مثل ابيتزا الصغيرة ونرفع حرافها
بننقلها عصينية الخبز وبنحط عليها الحشوة وهاي الزعتر
وحشوة الجبنة اول بندهن العجين بنقطة زيت زيتون
وبعدين بنحط الجبنة وبنفردها
و بالنسبة للعجين اللي بالبيض لازم تنتبهي لنقاط مهمة والا الدنيا بتحوس عليكي:
اول شي حواف العجين لازم تكون عالية يعني خلي العجين كانها حفرة وحواليها
سور الصين العظيم والا بعدين بيتسرب البيض وبيعمل حوسة جواة الصينية
تاني شي لما تيجي تحطي الصينية بالفرن خليها مستقيمة زي ما هي اوعي تميليها
بينزل البيض من مكانو وبتدعي علي >>>اوعوا حدا يدعي علي
وكمان خزقي العجين من جوا بواسطة شوكة حتى ما ينفخ العجين من مكان
وينزل البيض >>>يا دي البيض اللي جننتينا فيه
لا صدقوني الموضوع سهل والنتيجة روعة بس بدها شوي تديري بالك
افقسي البيض بشويش حتى ينزل الصفار بكامل قواه العقلية قصدي كامل
ما يفرط معك شكلو بكون احلى شوفو ما احلاه
رشي ملح وفلفل متل ما بتحبي
بهالمرحلة شعلي الفرن حتى يحمى على حرارة 200 مئوي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
تسلمين حبيبتى شكلو للذيذ
بس حبيبتى الموضوع مش مكانو هنا فى منتدى المطبخ فى قسم المجعنات
المشرفات هيقوم بنقل الموضوع الى القسم لى مناسب
__________________________________________________ __________
>>>> الرد الثاني :
يعطيك العافيه
__________________________________________________ __________
>>>> الرد الثالث :
يسلمو حبيبتي
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
