عنوان الموضوع : مستحضراتي + عنايتي لشعري وبشرتي وصفة جديدة
مقدم من طرف منتديات بنت السعودية النسائي


السلام عليكم ورحمة الله وبركاته

كيفكم ياحلوين

بما اني استفدت كثير من الخلطات اللي اسويها وادواتي للعنايه ببشرتي ووجهي وشعري قلت انزلها لكم لأني احبكم وابيكم تستفيدون مثلي


وهذي صوره كامله :










والحين بعون الله راح ابدأ بتقسيمها مع الصور وشرحها خطوه خطوه:
اولا العنايه بالشعر:










1 زيت خروع

2 زيت الصبار

تخلط مع بعض بكميه متساويه وتوضع على الشعر لمده لاتقل عن 3 ساعات

3 غاسول مغربي (طمى مغربي او طين مغربي) اعذروني نسيت اصوره بس موجود بالصور الثانيه
تحطين شوي من الغاسول وتذوبينه بمويه لما تحصلين على خليط لزج
وتحطينه على شعرك بعد ماتغسلين شعرك من الزيت وقبل ماتحطين الشامبو وتفركينه بشويش وبعد كذا غسليه

4 اغسلي شعرك بشامبو مان ان تيل وهذا الشامبو فضيع يطول الشعر ويغذي الشعر (في ناس نشف شعرهم بس في بداية الاستخدام وفي ناس ماناسبهم وفي ناس من اول استخدام ماشاء الله ناسبهم
وانا عن نفسي نشف شعري فالبدايه والحين الحمدلله ناسبني بس انا استخدمه مع البلسم حقه)
نصيحه اذا بتستخدمون الشامبو استخدموا البلسم حقه معاه
وابحثوا عن فوائده في قوقل وتجارب الناس معاه

5 حطي بلسم مان ان تيل وخليه 5 دقايق وبعدين غسليه

6 حطي على شعرك وهو مبلول سيروم لوريال الفيف وحطي المنشفه ولاتستشورين الا بعد 20 دقيقه تجنبا للأمراض الناتجه عن هواء الاستشوار لأن المسامات تصير مفتوحه وخطر تستشورين شعرك والمسامات مفتوحه

7 كريم فاشكول بالصبار (انا احطه فاليوم الثاني او الثالث اذا حسيت شعري محتاج ترطيب)





ثانيا العنايه ببشرة الوجه:










للإستخدام اليومي :
1 غسول همالايا بالخيار والالوفيرا يستخدم مرتين باليوم اول مااصحى وقبل النوم

2 كريم اغادير يستخدم مره باليوم قبل النوم وبعد غسول همالايا

3 كريم غارنييه للهالات السوداء يستخدم مره باليوم وقبل النوم

4 خلطة الجليسوليد وفيتامين سي استخدمها على وجهي لما اصحى بعد غسول همالايا


للإستخدام وقت الإستحمام :
1 غاسول مغربي (طمى مغربي او طين مغربي) يوضع قليل منه ويذوب في ماء ساخن الى ان تحصلي على خليط لزج واذا صار فاتر يوضع على الوجه كقناع ومافي اي خطر اذا حطيتيه تحت العين وفوق العين ويترك الى ان ينشف تماما ثم يغسل بماء عادي

هذي صوره الغاسول شكله يشبه الحصى









2 كريم تقشير بالصندل وهذا موجود عند منتجات نزيه يوضع على الوجه ويدلك برفق ثم يغسل بماء فاتر



وهذا شكل المقشر من برا











وهذا شكله من جوا عباره عن جل مع حبيبات تقشير ناعمه والريحه وااااااو



مع ط¹ظ†ط§ظٹطھظٹ بجسمي راح اقولكم كيف ومتى راح استخدم الغاسول والمقشر



3 ماء الورد يوضع بأي وقت (انا مو دائما استخدمه)




ثالثا العنايه بالجسم:










1 خلطة الجليسوليد وفيتامين سي استخدمتها يوميا لمدة شهرين احطها وانام فيها وبعد الشهرين صرت بس احطها قبل الإستحمام ب 6 ساعات
ولما خلصت الكميه صرت استخدم خلطة بياض الثلج للدكتور جابر القحطاني (راح اكتبها في نهاية الموضوع)

وهذا رابط خلطة الجليسوليد وفيتامين سي

خلطة الجلسوليد وفيتامين سي (تجربتي الشخصيه)


2 صابون مغربي









املئي البانيو بماء حار يتحمله جسمك
اخلطي الغاسول بالماء مثل الطريقه اللي وضحتها فوق
وزعي الغاسول على كامل وجهك بإستخدام الفرشاه
واجلسي بالبانيو لمدة ربع ساعه
بعد كذا اخلطي الصابون المغربي مع باقي الغاسول المذوب
واذا احتجتي مويه زيدي لأن الصابون المغربي ثقيل شوي
وزعي الصابون على جسمك ودلكي جسمك شوي بيدك دلكي بس شووووووووي
وخليه على جسمك لما ينشف وفي هذه الاثناء فركي رجلك بحجر التنظيف
انقعي الليفه المغربيه بماء ساخن لمدة 5 دقائق
اغسلي جسمك كله من الصابون
وابدئي بفرك جسمك بشكل دائري بالليفه
وبيطلع من جسمك شي مثل المحايه او خيوط كملي لما تحسين انك فركتي جسمك مضبوط
اثني الركبه والأكواع لما تفركينها عشان تتقشر كويس وحتى الأصابع اثنيها وافركي مفاصل الأصابع وهي مثنيه والفرك مايكون مبالغ فيه انتبهوا عشان الفرك القوي يجرح ويسود
وترى الطريقه الصحيحه لإستخدام الصابون المغربي انك ماتفركين بالليفه والصابون على جسمك
لازم تغسلين جسمك تماما من الصابون وبعدها تفركين جسمك بالليفه المغربيه المنقوعه بماء حاااااااار
غسلي وجهك من الغاسول واذا نشف حطي المقشر ودلكي وجهك برفق وبعد كذا اشطفي وجهك
بماء فااااااتر


3 كريم سنفره كاب








وزعيه على جسمك كله ماعادا الوجه ودلكيه قليلا بيدك وخليه لما ينشف واغسليه من جسمك بالليفه المغربيه والصابونه البيضاء اللي موجوده بالصوره
طبعا تحطينه على جسمك بعد ماتفركين جسمك بالليفه المغربيه



4 اخر شي استخدمي خلطة الصابون راح انزل طريقتها بآخر الموضوع
وطريقتها حطيها على جسمك وافركيها بالليفه المغربيه وخليها 5 دقايق واغسليها



5 الكرتون الأبيض هذي مجموعه الصابون المغربي من مستحضرات نزيه
وهو عباره عن صابون مغربي
ليفه مغربيه
غاسول مغربي
والصابونه البيضاء



6 لوشن فازلين لتوحيد لون البشره وهذا اللوشن استخدمه يوميا واستخدمه بعد الإستحمام




7 العلبه المربعه خلطة صابون سويتها من اول وقلت انزلها بهذا الموضوع








2 قارورة ماء ورد
صابون اغادير
صابون بابايا فروتي
صابون كركم
الصابونه السحريه
صابون طاؤوس بس نسيت اصورها اعذروني


يتبع


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
تبشرينها مع بعض











وتصبين فوقها ماء الورد وتحركينها كويس

وهذا شكلهااااااا











وهذي خلطة الدكتور جابر القحطاني مثل ماوعدتكم نزلتها بنهاية الموضوع

كاس ماء ورد
صابون غار
2 ملعقه كركم جسم
كريم جليسوليد حجم وسط
كريم جلسيرين سائل
فنجان قهوه عربي لكل من
زيت لوز مر
زيت خروع
زيت زيتون
علبه صغيره فكس

تبشرين الصابونه وتنقعينها بماء الورد لما تذوب
وتخلطين باقي المكونات بالخلاط مع منقوع الصابونه وماء الورد
وتستخدمينها يوميا

انا سويتها في بداية الشتاء واستخدمتها يوميا لمدة اسبوعين وبعد كذا برد الجو وحطيتها بالثلاجه والحين رجعت استخدمها مره ثانيه والحمدلله ماخربت
بس لما اجي استخدمها اخذ شوي منها بصحن وارجع الباقي بالثلاجه عشان ماتخرب









اتمنى موضوعي يعجبكم وماابي منك الا دعوه صااااااادقه من قلب صادق
استودعكم الله الذي لاتضيع ودائعه

__________________________________________________ __________

>>>> الرد الثاني :
ماشاء الله تبارك الرحمن

مجهود رائع تشكرين عليه

والله يرزقك بالزوج الصالح عاجلا غير اجل

تقييم + لايك

تحياتي

__________________________________________________ __________

>>>> الرد الثالث :
ماشاء الله وش هالزين
خلطات ولااروع
الله يسعد قلبك ويكتبلك الخير دوما
يستحق التميز والتثبيت

__________________________________________________ __________

>>>> الرد الرابع :


__________________________________________________ __________

>>>> الرد الخامس :