عنوان الموضوع : المثلوثه طبخ سعودي
مقدم من طرف منتديات بنت السعودية النسائي
السلام عليكم ورحمة الله وبركاته
كيفكم ياحلوين
هذي مثلوثتي وبالصور خطوه خطوه وعشان يصير الموضوع مرتب وواضح بكتبلكم طريقة صنف صنف وطبعا لما تجين تطبقين استغلي الوقت لاتنتظرين الصنف الاول لما يخلص عشان تبدين بالثاني سويها كلها مع بعض وخليها عالنار
بس انا رتبت لكم الموضوع وإن شاء الله يعجبكم
تفضلوا معاي عالطريقه:
طبعا تطلعين دجاجه قبل بوقت كثير عشان تذوب وتصير جاهزه
اول ماتدخلين المطبخ تغسلين الجريش وتنقعينه بمويه حاره نص ساعه (تقريبا زبدية جريش)
تقطعين بصلتين متوسطه وتحطينها بقدر عالنار مع زيت وملعقة كمون وتحركينها لما يذبل البصل
تحطين بنفس زبديه الجريش مرتين ماء وبنفس الزبديه مرتين لبن يعني كمية الماء و اللبن ضعف كميه الجريش (وانا بعض الأحيان بالنظر اعرف الكميه ) ونص ملعقه صغيره اجي وتحركينها عالنار لما تسخن وبقد المستطاع حاولي ان اللبن مايتقطع
حطي فوقه الجريش وملح وقصري النار مره وحركيه وخليه ساعتين وحركيه بين فتره وفتره وحطي فوقه قرون فلفل اخضر حار
وهذا الجريش بعد الساعتين لما استوى (اذا بسوي جريش لحاله اخليه شوي سايل اما اذا مع مثلوثه اخليه ثقيل شوي)
نجي للكشنه :
قطعي بصلتين كبيره وحطي زيت وملح وليمون اسود مطحون وبهارات وشوي هيل مطحون وشوي قرفه مطحونه
وحركيها وخليها لما يستوي البصل
نجي للقرصان:
قطعي خضار مكعبات صغيره ( كوسا +باذنجان+جزر+قرع+فاصوليا خضراء)
احمسي بصله صغيره مقطعه صغير مع زيت وطماطه صغيره مقطعه قطع صغيره
وحطي الخضار وقلبيهم شوي وملحيها وحطي معجون طماطم تقريبا 3 ملاعق وصبي فوقها مويه كثيره
هذا شكل الخضار بعد مااستوى
جيبي صينيه وحطي فيها قرصان لما يغطي سطح الصينيه وشربيه بالمرقه والخضار وحطي شوي كشنه
وسوي طبقه ثانيه قرصان وفوقه مرقه وخضار وحطي شوي كشنه
وسوي طبقات لما تخلص المرقه والخضار والكشنه وخليها على جنب تتشرب المرقه وتتسبك
جينا للرز وهو اخر طبقه
دجاجه نظفيها كويس واسلقيها مع ملح وبصله كامله بدون تقطيع وطماطه بدون تقطيع و6 حبات هيل و 6 حبات قرنفل واعواد قرفه وورقة غار وحبتين ثوم 5 حبات فلفل اسود
وخليها نص ساعه لما تستوي
بليييييييز لحد يرد
برب مع باقي الصور
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
طلعي الدجاجه وحمريها بالفرن
وتكونين غاسله رز وناقعته ومصفيته
نطلع كل المطيبات من المويه ونحط الرز ونطبخه عادي (في ناس يسونها برز احمر انا احبها بالرز الأبيض ويكون على مرقة الدجاج )
للتزيين:
نقطع بيض مسلوق بالنص
وحلقات طماطم
وحلقات ليمون (ماكان عندي ليمون اصفر فاحطيت ليمون ابو زهيره)
نجيب الصحن المخصص للمثلوثه ويكون عميق ومن تحت صغير
نحط اول طبقه جريش
الطبقه الثانيه القرصان
والطبقه الثالثه والأخيره الرز ونحط فوقه الدجاجه ونزينه بالبيض المسلوق والطماطم والليمون
وهذي مثلوثتنا جااااهزه يم يمي
زووووووووووووووووم
هذا صحني
وهذا الصحن للحلوه اللي بترد اول وحده
وطبعا هذي الأكله مشهور بنجد وكل الناس تحبها واللي مايعرفها يجربها
وربي لذيذه
اشتهيتها وانا انزلها لكم وش اسوي
بس والله لذيذه
دعواتكم
في أمان الله
__________________________________________________ __________
>>>> الرد الثاني :
ماشاء الله تبارك الرحمن على المثلوثة
شكلهااااا يجننننننننننننننننننننننننننن
صح مشهوره في نجد يسلمك ربي
مانننحرم من جديدك ياعسسسسسسسسسل
مشهيه والصحن من نصيبي اسمع عنهااا بس ماقد اكلتها
ربي يرزقك كل خيييير ياااااااارب
عسسسسسسسساك على القوة
__________________________________________________ __________
>>>> الرد الثالث :
ماشاء الله تبارك الله
شغل مرتب ومميز تسلم ايدك
هنا وعافية عليكم المثلوثة الرائعة
حبيبتي صغري الصور وحمليهم على مركز تحميل المنتدي
وارسليهم لي لاعدلهم ولتاخذي التميز
بارك الله فيك .
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
