عنوان الموضوع : روايه سويره يابعد دقات قلبي دقه دقه قصص سعودية
مقدم من طرف منتديات بنت السعودية النسائي

لنبدأ روايتي - ط±ظˆط§ظٹظ‡ سويرهـ يا بعد ط¯ظ‚ط§طھ ظ‚ظ„ط¨ظٹ دقه دقه < ههههه ترقص الدقات خخخخخخخـ

صلوا عالنبي , ولنبدأ . .



الفصل الاول / نظرته تسللت بهدوء .

كانت اناملها الناعمه ويدها الرقيقه ماسكه القلم الاسود وتكتب بدفتر مذكراتها ..
&quot; يووووووووهـ ماني مصدقه ! معقووله بنساافر .. واخيرااً بشووف ناطحات سحااب وابرااج طوويله تشق عيووني لما اناظرها < خخخـ ابوك يالتشبيه ..
موب لاقصتن كل يوم بالمملكه والفيصله وغرناطه ورياض جاليري , ولاااا ليتنا لما نرووح ننبسط !
امي بتجلس تعلق وتزف على كل حااجه .. خخخخخخـ ماعلينا من هالخرابيط
حمااس من جد وربي مراا متحمسه لبكراا موت ..
ياربي تسعد الخاله نهى لانها اقترح هالشي على ماما واقنعتها ..
واخيراا بشووف امريكا ! &quot;

- سوييييييره انتي للحين ما نمتي ؟!!
سكّرت دفتر مذكراتي بخووف وقلت : هاااهـ .. ايواا دحين حناام يا ماما !!
رحت جري على سريري وانا ماسكه دفتري اخااف تجي تشوفني اكتب وزي كل مررهـ تحلف انها تشققه خخخخخخـ &quot; بس ما تسويها تدري انه اغلى شي &quot; !
ام ساره وهي تدخل معصبه : وش كنتي تسوين ياسويره ؟؟
ساره وهي مفجووعه ومغطيه نفسها باللحاف : كنت جالسه اقرى كتاب ماجاني النوم !
ام ساره وهي تتأفف وتجي ناحيه سرير هند وتغطيها : ياربي هالبنت كله سيقانها طالعه ما تعرف تلبس بجامه نفس الخلق والناس ..&quot; ولفت على ساره &quot; وانتي نامي بلا كتب بلا خرابيط بكراا ورانا سفر ..
ساره وهي تمسك ضحكتها : اوك يا ماما تصبحين على خير ..
قالت ام ساره بهدوء: الله يهديكم بس &quot; وابتسمت بعطف وقالت &quot; وانتي بخيير ..
وطلعت ام ساره من غرفه البنات وسكرت الباب بشويش ..

رفست اللحاف برجلي وتربّعت عالسرير وقلت وانا ارفع حاجبي واناظر هند وهي تتقلب وتكمل تمثيل : ابووك انا يا داافور , مسويه نايمه يعني !
تأففت هند بدلع وقالت وهي تبعّد اللحاف عن وجهها : اقول اكرمينا بسكوتك لا ارووح اعلم على الدفتر ..
ساره : لالالا , خلاص انطمي ..
فجأه صرخت نووره الا كانت غرقاانه بالنوم وقالت بعصبيه ممزوجه بنعاس : انتواا ماتعرفوون تسكتوون , وربي لأنادي امي عليكم وتحلمون تشمون ريحه السفر بكرااا !!
ساره + هند وهم يتلحفون وينكتمون بسسرعه : اوووهـ لالالا , تصبحين على خيييير ..

ابتسمت بهدوء وانا اغطي نفسي ..
يااي , يا حلوو هبالتنا بث !
ايوااا .. دام انا مافيني النوم وماعندي حاجه اسويها غير اني اتلحف بعرفكم على نفسي ..
انا ساره &quot; او مثل ما ينادوني سوييره &quot; عمري 16 سنه ادرس اولى ثانوي بمدرسه حكوومه , عايشين في الرياض , انا اصغر وحده من البنات , وفوقي هند 19 سنه , والكبيره نوره 22 سنه , والشباب عادل 12 سنه , وفواز 9 سنوات , وبعدين ماما العسل ..
بابا توفى قبل 5 سنوات في حادث سياره .. احسن < استتتغفر الله ..
لا تلوموني انا الصراحه ما احبه , كان مراا قاسي ودايم يضرب ماما ومعيشنا حيااه جحييم وكان كل يوم يسفّل فيناا وحارمنا من كل حااجه , مو عشاانوا فقير , لا .. بس البخل ذاابحه ..
اوووف ..ما ابغى افتح ابواب مسكرهـ , الله يرحمه بس ..

ايواا صحيح ما حكيت لكم عن وشو راح يصير بكرااا < واااو وشو > اصبرواا لا تستعجلواا على رزقكم , هع !
بكراا ان شاء الله بنساافر لأول مرره في عمرنا > حنرووح &quot; لامريكاا &quot; > فللللللللللله !! ..
ههههههه تخيلواا الكل مو مصدق , حنا حتى الدمام ما شفناها , ماغير محكورين بهالبيت الايجار وامي المسكينه تصرف علينا من شغلها &quot; على فكره ماما معلمه &quot;
تخيلتوا الشكل < ماعمرنا سافرنا > وفجأه لأمريكا .. هههههههه حسيت اننا كشخه مراا هع !
عاد انا ماني مصدقه جهزت شنطتي اول وحده من اخوااني , لا تلوموني بس كان حلمي اني اشووف مدينه جديده وعالم مختلف عننا , وعشاان كذاا حلفت اني راح اكتب بدفتر مذكرااتي كل الاحداث الا تصير معايا هناك وماراح انسى ولا فتفووته < عجبتني فتفووته هههه ..

احم ..
طبعاا ماما مارضت عالماش كذاا &quot; يوووهـ لا تذكرووني بس &quot; , الخاله نهى صاحبتها الروح بالرووح قطّعتها وهي تقنعها تساافر معاها &quot; لانو الخاله نهى برضوو اول مراا تروح وودها احد يونسها لانو زوجها عندوو عمل وماراح يجي معها &quot;
اووف صح انوو الخاله نهى اقنعت ماما , بس للأسف ما اقنعتها اننا نترك النقااب هناك , < اكيد مو مستوعبين > ايواا ماراح نفتح النقاب بامريكاا ! < اووف استغفر الله احس مراا فشله >< ..

مع كل هالونااسه الا انوو ماما حلفت على هالشي وكل ما فتحنا نقاش معاها رجعت تغرّد بهالمواال &quot; يابناااات حرام يعني هنا فيه ربي وبامريكا لا &quot; الخ .. الخ ..الخ , وتكمّل الق لق المعرووف بتاعها خخخـ

لفّيت وجهي وانا اطالع الساعه الا عالكومدينا &quot; ييووهـ الساعه 2 ونص بالليل وانا ما نمت وطيارتنا الساعه 9 الصبااح !! , راح تذبحني ماما لو درت .. < بتسوي البلااوي الله لا يبلاكم بث هههه ^^ ..

وسكرت سااره ابجورتها وغطت في نووم عميق وهي مبتسمه ومتحمسه بقوووهـ لبكراا وودها يجي الصبااح بثوااني . . .




7 ونص , فله الخاله نهى ..



نهى وهي تنادي عيالها من تحت : يا الله يا عيال فينكم , راح نتأخر عن الطيااره .. &quot; يا قلق وربي انهم مو طبيعيين كل هذا يتجهزون &quot; !
نزلت عنوود وهي تعدّل عبايتها : انا خلصت ماما بس باقي الشبااب ..
قالت نهى وهي تتأفف : شقاعدين يسوون هذولا !! , الا يسمع يقوول اليوم عرسهم ..
ابتسمت عنوود بدلع وقالت وهي تلعب بخصلات شعرها : يووهـ يا ماما ماتعرفينهم عااد ابطئ خلق الله هم .. &quot; وغيرت نبره صوتها وقالت بهدوء &quot; هاا ماما مثل ماوعدتيني ؟
تأففت نهى وقالت : طيب طيب , بس لما نوصل لامريكا افتشي مو بالمطاار تجمعين علينا خلق ربي, ناقصيين بعد , وبعدين لا تقولين لسعيد اكيد ماراح يخليك , خلينا نوصل ويحلها الف حلال !
ابتسمت العنوود وضمت امها بقوه وقالت : يااااااي ما انحرم منك يا قمر انتي , واما سعوودتي خليه علي !
نهى : طيب طيب &quot; وفجأه صرخت وهي تقول &quot; وربي يا صقر انت واخوك نايف لارووح واخلييكم بهالدقيقه ..
نزلواا صقر ونايف وهم يركضوون وكل واحد يعدل شي بملابسه وشعره &quot; ما يجون الا بالعين الخضراا < مدري الحمراا ههههه > فجأه حسيت انوو اشاره مرور &quot; ..
نايف بدلع : افااا تروحين عني يا يماا انا الجعده دلووعك !
صقر وهو يعدل السبايكي : اصلا يا حلوهـ مين قال انه الطياره بتقلع لما ما اركب انا فيها ؟!
تأففت نهى ومسكت عيالها من ملابسهم وقالت وهي معصبه وتسحب فيهم : الشرهه علي انتظر وجوهكم تجي , تأخرنا عالحرمه لا بارك الله فيكم من عيال !
نايف + صقر : سوووري مامي !
وركبواا الكل بسيارتهم الجمس متوجهين لبيت ام سارهـ عشان ياخذونهم . . .


8 تماما , بيت ام ساره ..

كنت قاعده على شنطتي الزرقاا اطالع ساعه يدي الا شاريتها من سواتش قبل سنه , اتذكر انوو ماما شرشحتني بالسووق لما عرفت انها بـ400 ريال ومابقى ولا كلمه الا قالتها وبالاخير انتصرت عليها بدموعي وشريناها , ههههههه بغى يطير عقلها ..
هند وهي تتأفف : ياربي كأنهم تأخرواا الطياره باقي عليها ساعه !
عادل بتشاؤم وهو يلحس بمصاصه التوت بفمه : اووف يمكن ابوهم ما رضى يساافرون !
التفّت ماما عليه وقالت وهي متنرفزه : اكرمنا بسكووتك انت &quot; وطاحت عينها علـ المصاصه وكملت كلامها &quot; وبعدين انا كم مره قلت لك انه سنك الا قدام طاح من وراا هالمصاصاات الا مالها داعي ! حتى فوّاز ما ياكلها , قوم ارمها بالزبااله ..
كتمت ضحكتي وانا اشوف وجه عادل وهو متحسّف على المصاصه &quot; ياحرام خاطره فيها , بس آآهـ منك يا ماما هذا طبع تركه بابا بصمه فيك ولا يمكن يتغير ابد &quot;
فجأهـ سمعت صوت بووري سياارهـ , فتحت فمي آآخر شي وانا ابتسم وسمعت عادل يقول : يالله يالله تغطواا بيدخل ولدها عشان يشيل الشناط ..
حطيت غطوتي على وجهي وطلعت وانا الفرحه موب وااسعتني &quot; واخيرااا بنساااااافر &quot; < ظ‚ظ„ط¨ظٹ طرقع طرقع × مسوي احتفالات وبارتي وكل حاجه < الدعوه مجانا ههههه> مو وقتها خفه الدم ورانا سفره اوبس &quot; ! ..
ركبنا جمسهم الاسود 2017 , وانا بقمه الفرح ..
وبعدها سلّمنا على الخاله نهى والعنود , وولدها سعيد نزل يشيل الشناط عشان يركبهم ..
واول ما تحركنا قالت امي بلطف : قولوا دعاء السفر يا عيال , واقرواا المعوذات ..
ابتسمت على حنّيه ماما ونفذنا الا قالته , وقضينا طريقنا للمطار كلـه سوالف وضحك ما يخلص ..
اما انا ..
بعالم ثااااااني , كنت ماسكه دفتري وجالسه بالاخير واتجاهل اسأله الكل وقاعده اكتب شعووري بصمت وبدون محّد ينتبه لي ..
فجأهـ رفعت راسي ولمحت عيون عسليه رجوليه حادهـ و جميله جدا بالمرآآيه الا قدام كان يطالع فيني ! اييه يطالع فيني انا بس !
&quot; ولد خاله نهى كان يطالع فيني وانا اكتب , يوووووهـ يا الفشله &quot; , نّزلت راسي وانا مستحيه &quot; الحمد لله اني حاطه غطوه , لو اني لابسه نقاب كان حس اني انتبهت له عاد بذااك الوقت يا حووول &quot; ابتسمت بهدوء وقلت &quot; هههه عيونه حلوهـ ! &quot; .


<center> >>>>> ردود الأعضـــــــــــــــــــاء على الموضوع <<<<<
================================== </center>
<h3>>>>> الرد الأول :
<center>الفصل الثاني / سوبر مان درجه اولى .

وااااااااااااو كل هذاا مطار !! &quot; لا يكون انا عايشه بعالم ثاني , وربي ولا مرره شفت المطار &quot; كان زحمه , اقصد مراااااااا زحمه ..
- هنوودهـ شوفي هنااك الشباب يهبلون !
هند وهي تدفني بكوعها وتكلمني بنفس همسي ودرجه صوتي : اهجدي تبغينها ترجعنا للبيت يا بقره !!
ساره وهي تمد بوزها : اووف , حتى النظر حراام ..
كنا بنص المطار وجالسين نمشي للطيارهـ , كنت طول الطريق مبتسمه وانا ماسكه دفتري الاسود بيدي ومعلقه القلم فيه , وكل خمس دقايق اعدل غطوتي < خخخخـ ليتني بس لبست نقاب !
كانت امي وخاله نهى يمشوون قدام وبعدهم اخواني واولاد خاله نهى الصغار وبعدين انا وخواتي والعنود , وورانا سعيد وصقر ..


قالت خاله نهى وهي تأشر لنا : يالله يالله استعجلواا هذانا وصلنا ..
كلهم ركضواا ..
وانا منهم , كنت قاعده اسرّع بمشيتي لكن فجأه طااح من يدي !!
التفيّت ورااي &quot; طاح الدفتر &quot; !!
ياربي وينه .. وينه ؟؟ لفيت وجهي لناحيتهم , فتحت عيوني وانا ما اشوف احد منهم !!
&quot; الناس زحمه ويين راحواا . وينهم !!
حطيت يدي على فمّي ولفيت للجهه الثانيه ابي ادور مذكرااتي , كنت ارجف .. , اكذب عليكم اذا قلت لكم بس ارجف !
وربي اني بغيت انهبل , ابي اصارخ بس موب راضي الصوت يطلع ..
&quot; ويينه , شسوي اتركه والحقهم !!! , لالا يمكن القاه الحين ويمدي الحقهم &quot;
فجأه والا بيد تحاوط خصري !
- لقيت دفترك , يالله امشي بسرعه شتنتظرين ..
سمعت صوت رجالي وخشن , ما قدرت ارفع راسي اشووفه , &quot; معاهـ دفتري ! &quot; كان محاوطني بيده اليسرى وقاعد يركض وانا رجولي تتعثر , هههههه اصلا ماكنت احس برجوولي , من كثر الزحمه هو كان يمشيني او بالحقيقه كان شبه شايلني .. كانت قبضته قويه , بس لطفه سيطر على الموضوع , ولا كأنه رجال غريب ما اعرفه ماسكني وقاعد يمشيني ..

صحيت من كثر هالزحمه على صووته اول ما وقفني عند سلّم الطياره ..
- يالله اركبي , &quot; ومد يده بدفتري وقال: اخذي هذاا , يالله رووحي عشان لا تضيعين اهلك
هزيت راسي وانا امسك دفتري من يدهـ , صعدت وكأني مجنونه وما حاسه بشي &quot; ما شفته &quot; اوووف دايم على غبائي , حتى ما لمحت منه شي !
دخلت الطياره ووقفت بالنص , بلعت ريقي بخوف وانا اطالع الاوراق الا عطوني اياها عشان اعرف مقعدي ومن هالسوالف &quot; يا حوول الارتباك بيقطعني شسوي !! &quot; ما ادري هو الخوف من الا صار تو , او انه الخوف من النظرهـ الاولى للطياره , كانت يديني ترجف من كثر ربكتي !
- سويييرهـ وين رحتي ؟؟
التفييت على صوت امي &quot; هههه لو تشوفوون وجهي بذيك اللحظه بغيت انهبل من الوناسه &quot; ,وركضت كأني مجنونه وضميتها ..
امي وهي مستغربه : شفيك وانا امك ؟
سارهـ : هههه ابد بس من الونااسه , يااي شكرا ماما لانك سفرتينا ..
ابتسمت امي بهدووء , وقاطعنا صوت الخاله نهى وهي تقول : روحي وانا امك هذاك هو مقعدك جنب ولدي سعيد ..
بلعت امي ريقها وقالت وهي تمسك يدي : وليش جنبه خليها تجي ورانا او قدامنا !
ابتسمت نهى بهدوء : لا يا بدريه هم كذاا يوزعون , وبعدين المكان الا ورانا حق ناس ثانيين ..
حسيت بقبضه يد امي الا كانت شادهـ عليها , كانت خايفه علّي من اني اجلس جنب ولد خاله نهى , اما اناا ما فرقت معااي , او بالصدق كان بالي مع بطلي الخارق الا انقذني &quot; وين كانت عيوني لما حاوطني ؟ , ليش ما شفته ! &quot;
صحيت من افكاري على صوت امي وهي تقول : سوييرهـ , شفييك !
تلعثمت بخوف وقلت : هاا , وشو !
- رووحي لمقعدك قالوا انه الطياره بتطير يالله عجلي ..
حكّيت راسي بهبالتي المعتادهـ ومشيت لمقعدي وانا جسم بلا عقل < هههه اقصد جسمي بمكان وعقلي بمكان ثاني < هههه شفتواا لما يجي ولد للبنت فجأه شيصير فيها > الله يخلف بس ^^ !
جلست بدفااشه وانا تعبانه , نسيت انوو جيرااني بالمكان ولد خخخخخـ ..
مسك ضحكته .. بس ما تمشي عليّ انا ساروونه , قزييتها هههههههه , &quot; يا سويره شفييك استحي على وجهك &quot; ابتسمت وانا اعدل جلستي بكل انوثه ..
قلت بهدوء : السلام عليكم ..
تنحنح بهدووء وقال : وعليكم السلام
. . .
عمّ الصمت خخخخخخـ , اووف ليت هندووه هي الا جنبي , كان الحين جلست تخطط لي خطط ما صارت ولا استوت < ههههه بتقوول انوو الا ساعدني هو فارس احلامي اكيد < خخخخخخـ . . .
&quot; خليني افتح دفتري ابرك لي &quot; , فتحته وانا اتأمله بهدووء من جد خفت اني افقده .. عاد كل حااجه صارت لي من 3 سنواات مكتوبه فيه !
لو تشوفوونه كله رسمات وخرابيط وكلام والغاز وحكايات محد يعرفها وعاش فيها غيري , &quot; بتقولون مجله موب دفتر ذكريات خخخخخـ &quot; ..
قال لي بهدوء : شكلك دايم تكتبين بهالدفتر ..
استغربت من سؤاله وسكرت الدفتر بهدوء وقلت : اممم , عادي هذا مو شي مهم .. &quot; يماا شدراهـ ! &quot;
ابتسم ابتسامه غريبه .. انتبهت له والتفتت عليه .. للأسف طاحت عيوني على عيوونه !!
&quot; هو نفسه الا كان يناظرني بالسيااارهـ . اوووف الله يفضحني هو شافني من قبل اكتب فيه بيقول عني كذابه الحين &quot; , اكرهـ نفسي لما استعجل خخخخخخخخخ </center>

__________________________________________________ __________

<h3>>>>> الرد الثاني :
<center>

قال لي : اها اشوفه دايم معاك , بس اتوقع انوو مهم ..
إهيييئ إهييئ , اووف كنت خايفه انوو يقول او يوضح اني كذبت , اووف يا ذي الفشله خخخخخخخخـ ..


&quot; اكييد هذا سعيد ! , ماشاء الله صار رجال انا اخبرهـ بالثانوي خخخخخخخـ < طبعا كنت بزره وما اتغطى عن خشته &quot;
نزّلت عيوني بهدووء وانا ماني قادره اشيلهم عنه , ماشاء الله جمال , بشره لونها ابيض داكن على سمار هادي , وعيون عسليه حادهـ وتدل على شهامته ورجولته , وخشم مستقيم شاق وجهه شق < هع > ووجه رجوولي طويل وحلوو , وشنب خفيف حيل بدون لحيه , وشعر ذهبي غامق قصير وفيه لمعان حلوو وخصل ناعمهـ ..
وآآآهـ يالجسم , يا ذييك الرزه الا تشوفها لما يدخل يا ذاك الزول ويا ذاك الطول > ههههه اتذكر امي كل ما قلت عن اي ولد انه حلوو شوي وتذبحني بكلامها الا ماله نهايه < هههههه تصدقون حتى ظله عجيب ..
ماشاء الله الله يهني امه فيه ..

&quot; بقولكم على عيال خاله نهى عشان تتوضح الصوره عندكم كامله , اول شي سعيد 24 سنه , طالب بآخر سنه جامعه يدرس طب , صقر 18 سنه بالثانوي , العنود 15 سنه ثالث متوسط , نايف 13 سنه الجعدهـ &quot;
ماشاء الله كلهم جميلين على امهم وابوهم , الله يسعدهم بث > مو لله هالدعوه عشانهم بس خلواا ماما توافق < هع شفتوا كيف كاااك ^^ !

- الرجاء من السادهـ المسافرين ربط الاحزمه واغلاق جميع الهواتف النقاله والاجهزهـ المحموله سيتم الاقلاع خلال ثواني , وشكراً


فزّيت من مكااني وانا اتلعثم &quot; يماا وشو ذا الصوت &quot; < ههههه نسيت انوو بيقولون كذا !
لفيّت يمين ويسار وانا ادور الحزام , اصلا خلقه انا متخرعه ..
ارتبكت اكثر لما شفت سعيد مرتخي ورابط حزامه , بلعت ريقي وانا متورطه &quot; ياربي وين الحزام &quot; !!

- ارجوا من الجميع ربط الاحزمه سيتم الاقلاع ..

ارتبكت مووت , لدرجه اني بغيت اصاارخ , فجأه جت من حولي يد وسحبت حزاامي وسكرته لي ..
التفتت يميني , كان سعيد !
نزّلت راسي بحيااء وحدي متلخبطه < انحست بهاللحظه هههه > قلت بهدوء : شـ .. شكرا
اكتفى بابتسامه ..

- هذا الجزء مشفّر -

ههههههه اقصد اول ما طارت الطيااره , الله لا يوريكم شسويت < هههههه ام الفشاايل > اول ما طارت الطياره بطني طااح < زي لعبه الجالكسي بستار ستي < للي ساكنيين بالرياض خخخخـ
وصرخت لكم ذيك الصرخه الا تفشّل < إهي إهي اخذت فيها تهزيئااآت والناس فاطسه ضحك ><
لااا وكل خمس دقايق اخذ المنديل وامسح خشمي من الدموع < كل ذاا خوف > اجل لو تشوفون شسوي بدكتور الاسنان < خلووني سااكته > ياما تحت السوااهي دوااهي هع هع !

خلووني اختصر لكم الاحداث الباقيه ..
طبعا الطيارهـ وقفت اول مراا على خطوط دبي وجلسنا هناك لمدهـ ساعه ونصف بالمطار , وطبعا اخوااني حاسواا الدوونيا < حتى الفلبينيه قامت تسبنا بلغتها < ههههه ام الهباله الا فينا !
عادل يفحييط مسوي نفسوو سيااره فيراري ههههههه , وفواز يتضارب مع الاولاد الا هناك < مرااا محششين وبقووه كمان !
وماما كل شوي تهزأ وتعصب ونهجد شوي وبعدها ننطلق < مافيه فايده نهائيا..
والعنود حسيت فيها شوي غروور وما تنازلت وتكلّمت معااي الا بالقليل .. , وطرنا من دبي الى امريكا يمكن حوالي 6 ساعات او اكثر ..
هههههههه هالمرهـ لما طارواا ما صحت جلست اسبّح واقرى المعوذاات < ارووح انا افكار محششه يا ناسوو هع !
وطبعا ما غيرواا اماكنا انا وسعيد جنب المقاعد , وماما وخاله نهى , والباقي توزعوا مع بعض على حسب الترتيب ..
كان كل شي حيلوو ماااراا , الغيووم واشكالها المتشبكه والمفككه , والسماا الزرقاا كانت سااحره موت , وكنت اكتب كل اللحظات الحلوه وما نسيت حاجه ..

- ارجوا من جميع الركاب اغلاق الهواتف النقاله ....الخ .. الخ , سيتم الوصول الى مطار واشنطن دي سي الدولي بعد دقائق , شكرا لترحالكم على متن طائرتنا ..


1

2

3

وصلنـــا !

ياااي !! مو مصدقه , انا قاعدهـ احط رجوولي على مطاار امريكاا , واااااااااو !! < بقوول لكل بنات المدررسه اني رحت لامريكاا اذا خلصت العطله ههههههههههه !!
نزلت من الدرج وانا اهز كتف هند بشفااحه واقول بصعووبه : احناا .. احنا بامريكاا !
هند وهي متقرفه : اوووف عارفه عارفه , انتي لو شميتي ريحه عرق الهندي الا جنبي يعععع قرف بقووه خخخخخخـ..
ابو شكلها ! انا مو مصدقه اني رحت بلاد ثانيه عجيبه وهي تتكلم عن ريحه هندي كان جالس جنبها , وربي فضاااوهـ !!

كانت ابتسامتي ما تفاارق وجهي الطفوولي , بكل لحظه كنت استمتع فيها , الريحه .. الجوو .. المكان .. الناس .. حتى مطارهم غيير !
ياربي انا بحلم والا بعلم , ياارب تكفينا شر هالسفرهـ وتعطينا خيرهاا !!

اتجهنا بعدهاا ناخذ شناطنا , جلسنا مدهـ موب طويله الى ان جت الشناط < خخخـ عاد الالوان الله لا يوريكم ههههههه ! كل شنطه لون وشكل >_× !
والامريكيين مبلميين كل واحد فاتح خشته < بلاهم ماشافواا شي > هههههههه الله يعينهم مننا !
وجلسنا نمشي وكل واحد شايل شنطته ..
&quot; اووف وانا وش جااني اجيب شنطتين كبار وشنطه صغيرهـ هذاك كليتيها يا سويرهـ حتى محد تكرم يشيل معاك وحتى لو الشنطه الصغيره&quot; ..
كنت امشي ااخر وحدهـ وانا اطالع خلق الله وهم يطالعووني > انا اطالعهم مستغربه من الجمال والشعر الاشقر ومن هالخرابيط < وهم يناظرون حجابي ويتهامسوون بضحك ممزوج باستغراب !
التفتت على العنود لقيتها فاتحه العبايه كلها ولابسه برموداا جنز ضيق وبلوزه حمراا ضيقه عليها قلووب , وفاتحه الشعر وحاطه الشيله على كتوفها ..

</center>

__________________________________________________ __________

<h3>>>>> الرد الثالث :
<center>

كانت نظراتي استحقاريه لهاا &quot; افا يا ذا العلم , وانا الا كنت ابي افتش ! , ما توقعت شكلي بيكون كذاا &quot; التفتت على امي الا كانت محجبه بحكم انها كبيره بالسن هي وخاله نهى , وابتسمت &quot; يالغاليه وربي انك صادقه بكل كلمه تقولينها , الله لا يحرمنا من ذا الوجه يارب ..

طراااآآخ !
انا بصراخ : آآي وشو ذاا !
فجأه انتبهت اني كنت مبلمه وافكر بالعايله الكريمه وماقمت اشووف قداامي وصقعت بسعيد !
سعيد وهو يلتفت لي : شبلاك ؟
رفعت راسي وانا شايله شناطي كأني وحده بتهاجر , كان الوقوف قباله اصعب من اني اجلس جنبه ! &quot; يا طووله ! , هههههههه يماا الحمد لله ما انكسر راسي من ظهره &quot; !
ابتسمت بهدوء بدون اي صوت ..
رفع حاجبه باستغراب وقال : تبين اشيل معاك , انا ما معي الا شنطه وحدهـ
تلعثمت بالكلام &quot; اخجلني لطفه &quot; قلت بهدوء : لا .. مابغى اتعبك معاي ..
ابتسم بهدوء واخذ وحده من الشناط الكبيرهـ وقام يسحبها بدون ما ينطق , بلّمت بمكااني < ههههه صرت انسان محنط , مدري شسوي , بس الاغرب مدري ليش مستحيه !

طلعنا من المطارالا كان ضخم بقووهـ وكل ناحيه فيه تخبل !
وحنا للآن على نفس الحاله نص العيال يتذمروون من التعب , والنص طفشاان , وانا شايله العفش معاي ووجهي مرآآ عبيط -_- !
ووقفنا بالرصيف حق المطار نشوف لنا تااكسي . . .
رفعت رااسي اشوف السيارات واشكال الطرق حقت امريكاا , كان كل شي عجيب وما اقدر اوصفه ابد !
قالت خاله نهى وهي تكلم امي : ها يا بدريه وش رايك بالفكره ؟
امي برضى : انا بالنسبه لي الطبيعه احلى بكثيير ..
نهى : اجل توكلنا على الله , &quot; التفتت على سعيد &quot; يا وليدي نبغى الفندق الا قريت عنه بالمجله ذااك الا بجزيره ..
سعيد وهو متركي عالجدار : طيب شرايكم نرتاح بفندق هنا بعديين نروح للفندق الا بالجزيرهـ !
بدريه : والله الا تبغوونه ..
نهى وهي تتلعثم : وش قصدك احنا عجاايز ! , لالالا ودنا الله يهديك هناك سيداا عشان ما نتنقل من مكان لمكان كأننا ابن بطوطه , يالله استعجل لنا يا سعييد ..
ابتسم سعيد وراح ياخذ لنا تاكسي عشان نروح لمكان الطيارات الصغيره والهيلكبترات الا بتودينا للفندق الا بنص الجزيره < خخخخخخـ والله لو يجلسووني بزباله ماقلت لا < المهم امريكاا < هههههههه !

وبعدها بدقايق ركبنا تاكسيين على شان عددنا الكبير , واخذ لنا سعيد مقاعد بالطيارات الصغيرهـ الا تنقل السياح من المدن للجزر ..
ونص الطريق كان سواليف بين امي والخاله نهى , وعلى ماهو واضح انوو عادل ما اتفق مع نايف وبينهم مشاحنات خخخخخـ ..
اما العنود فكان غرورها سيّد الموقف وما كنت اتجرأ اكلمها < خخخخـ حتى وجهها ما يبشر بخير > اعوذ بالله شياطين الجن ههههه ^^ !

ولما صارت الساعه 10 الليل , وصلنا سلمكم الله لمكان مرتفع فيه عشب ومشينا مسافه مراا قصيره , والا نشوف لك الهيلكوبترات والطيارات الا تخقق < ياا ويل حالي !
كان كل واحد ماسك معاهـ رقمه لانه الطيارات عددها 10 وكل طياره تكفي لـ 20 راكب بس ..
انا كان رقمي 8 , المهم ركبت امي والخاله نهى وعادل والعنود بالطيارهـ الاولى , وهند ونوره وفواز وصقر الطياره الثالثه ..


اما انا نادوا اسمي مع طيارهـ نوره وهند ..< عاد انا طرت لك شايله العفش المحترم ولما جيت اركب قال لي انوو ما اقدر !
انا عاد مديت لسااني وانا منفجعه : وليييش ؟!! &quot; على كيف امك انت , انا دافعه فلوس يا قليل الحياا &quot; < ههههه كان ودي اقوله له بس استحيت ..< او بالصدق ما عرفت ارطنه بالانقلش خخخخخخخخـ ..
المهم وانا اصارخ وهو يصارخ !
وقال لي ااخر شي انوو اآسف الحموله الا معايا ما تسمح لي اني اركب معاهم !
فجأه دفعني من الطياره لان مروحتها قامت تتحرك طبعا ما كانت المسافه كبيره بين الارض والطياره انا خفت وجلست عالارض وصرخت بقووه وبصوت خايف وانوثي : مااااااااما !!
كانت طياره ماما قد طارت خلاص ..
جلست عالارض وانا متخووفه من الجو ومن كل شي , يعني ليش ماخلاني اركب , يمكن عشاان الشناط , طالعت النااس وهم يركبون وقفت على رجوولي وانا ارجف !
- ساارهـ ! شفيك تعالي ؟!!
التفتت وراي وانا ارجف لقيت سعييد وهو راكب بطياره وقاعد يناديني , لا شعوريا شلت عفشي وركضت بخووف وانا ارجف ..
قال لي وهو يركبني من الباب ويساعدني ادخل الشناط : وش فيك ؟! قاعدين ينادون رقمك ليش ما جيتي !
استغربت وقلت وانا اطالع رقمي وشوي وابكي : لا .. انا رقمي 8 ناادوا علي بس ما ركبني الرجال بالطياره ذيك ؟!!
اخذ مني الرقم بهدوء ولما قراه ابتسم وقال : هذا رقم 80 موب 8
فتحت عيووني وانا منفجعه واسحب منه الرقم بدفاشه واطالعه &quot; يوووووووهـ وش ذا العمى الا جااني ما شفت الصفر على بالي دوييره < عشان كذا دايم ارسب بالانقلش خخخخخخخخـ .. &quot;
حمّر وجهي ونزلت راسي وانا مرااا مستحيه , ابتسم بهدوء وقال : انتي تراا دايم معاي لانوو حروفنا نفس الشي !
فتحت عيوني وانا مستغربه , &quot; من جد ! انا ساره وهو سعييد < يا ذاا الغبااااء وشو بلاني انا ايوم كل ذاا عشاني بامريكا !! &quot;
سويت برجوولي دوائر لا شعورياا وقمت ابلع رقي وانا متفشله والقط وجهي وقلت وانا اصرف السالفه : ومين معانا كمان ؟
مشى بهدوء وقال : اخوي نايف معانا &quot; وااشر لي بيده &quot; يالله تعالي نجلس قبل لا تطير الطيارهـ , &quot; وغمز لي وكمّل &quot; ما يحتاج نخرّع الامريكيين بصوتك الجميل ..
مشيت وراهـ وانا وجهي طماااطم طاازج توهـ معصوور < ههههه عاد افهمومها فصلّت عالاخير هههههه ^^ ..



-




وهيداا نهايه الفصل الثاني ..
ابغى اشووف تعلقااتكم وحمااسكم

بنتظار الردوود ,
</center>

__________________________________________________ __________

<h3>>>>> الرد الرابع :


__________________________________________________ __________

<h3>>>>> الرد الخامس :