عنوان الموضوع : مما اعجبني فنقلته لكم قصائد سعودية
مقدم من طرف منتديات بنت السعودية النسائي
لمـوت ماهـو لالفـاني " الضيـق " بـ / لحـالي
[ المـوت ] لابانـت دمـوع الضيـق ، مسكـوبه !
ومن ياخذ المضمون يلقى الادله
تدري وش اللي يقتل الحب بسكات
لاصرت في بوحك تحس بمذله
وتدري وش اللي يكسر الظهر حزات
لامن عطيت احساس ماهو محله
وتدري متى تستاهل الطعن مرات
لا من خطيت الدرب وانته تدله
لا تتبع المقفي على كل حالات
بعض الوجيه اللي تـقابلك عله
ولا تسال الغالي عن الجرح لا فات
نبش الحكي يزود الطين بله
طالع في من حولك وتاخذ شهادات
مانلتها لو تدرس الدهر كله
ناس تجر من سوود الضيق ونات
وناس تقضيها وناسه وفله
هذاك شال هموم غيره ولا بات
وهذاك مايدري عن احساس خله
احدن يهين اصله على كل زلات
واحدن ترومه شيمته ماتزله
لا تقول حظي من عنا الوقت قد مات
قل مات حظ اللي عناه استحله
ولا ضاقت الدنيا وعلى الكيف ما جات
اطلق احجاجك ثم توكل على الله
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
__________________________________________________ __________
>>>> الرد الثالث :
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
