عنوان الموضوع : مأسات زوجه ادب عربي
مقدم من طرف منتديات بنت السعودية النسائي
السلام عليكم ورحمة الله وبركاته ..
ابغي اخبركم سالفه استوت جدام عيني والي تركت اثر نفسي فيا و خلتني اصيح صياح في حياتي ما صحته ..
البارحه في تمام الساعه 11 الصبح كنت ساير زياره عند وحده من هلي مربيه .. وكل عاده هدوء شامل في القسم
والزوار ماشالله عليهم سايرين رادين .. واتشوف الابو فرحان لانه صار يد والاخت صارت خاله والاخو فرحان يبا يشوف والياهل و يقول يا سلام صرت عم ...
على ما اعتقد عرفتوا وين هالمكان .. هيه هذا قسم الولاده في مستشفى الوصل بدبي بدوله الامارات قسم (10)
وفجأه نسمع وحده تصارخ وتصيح ونسعها تقول لا لا والله مستحيل والله .. عم السكوت في القسم كله .. وكل الزوار والمراجعين تيمعو عند باب غرفتها يبون يعرفون شو مستوي ..اغمى على البنت وعلى خواتها .. وكل وحده رقدوها وحطولهم مغذي .. بعد عشرة دقايق هدأ المكان ومر الطبيب ..وسلم الملف للموظفه ... قال البنت الي دخلت القسم الساعه 9 اليوم سوينا لها تحاليل لانه هذا اول حمل لها من 6 سنوات .. وطلع فيها مرض المناعه المكتسبه (الايدز) والعياذ باالله ..
وقف شعر جسمي يوم سمعت الدكتور .. وسؤلوا اهل البنت وين زوجها .. قالوا: انه من اسبوعين ما نعرف عنه شي .. طلعوا معلومات عنه.. وقبل شهر تقريبا كان مسوي فحص حق عمره والفحوصات اوضحت انه هو المصاب ومنه هو انتقلت العدوى لحرمته ..
طبعا في هاي الحالات يتحول المريض لمستشفى راشد وهناك في قسم خاص للمرضى .. لكن قبل لا يحولونها على مستشفى راشد قرر الدكتور انه يسوي فحص للطفل الي في احشائها وعمره 5 شهور .. كانت حزاتها الساعه 2 الظهر والبنت ما سكتت و محد قدر يسكتها وتصيح صياح يخلى القلب يتقطع .. طلبت مصحف وقالت ابا اقرا قرآن وعطوها ويلست تقرأ وتصيح .. الساعه 3 ودوها على غرفة الفحوصات .. حطولها جهاز تخطيط القلب .. والدكتور بعده ما بدأ بالفحوصات .. 5 دقايق ويسمعون جهاز القلب وقف ,, وقام يعطي اشارات انه القلب وقف ..حاول الدكتور وياها بكل الطرق .. لكن الروح فارق الجسد
استغفر الله استغفر الله استغفر الله .. شوفوا رحمه الله كيف نزلت على البنت .. سبحان الله .. لو انها عاشت ما بتحس بطعم الهنا والفرح
الله يرحمها يغمد روحها الجنه لاتبخلوا بالدعاء لها
(((أصبر عن الحرام ,يمتعك الله بالحلال طول حياتك))).
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
لا حول ولا قوة الا بالله (قصه تقطع القلب)
يالله وين عقولهم هذول الشباب وقصص نقل الايدز للزوجات اللهم عافنا واعف عنا
وشو هل البشر الي مابتفكر لا بحرام ولاعيب ولا حطه اعتبار لحد
الله يهدي جميع عباده
__________________________________________________ __________
>>>> الرد الثاني :
الحمدلله الذي عافانا مماابتلاهم به هذا الدعاء يجب على كل مسلم أن يقوله حين يسمع ابتلاء غيره وزوج هذه الشابه عاقبه الله في الدنيا وهي مبتلاه وسوف الله يأجرها ونطلب من الله لها الغفران
__________________________________________________ __________
>>>> الرد الثالث :
حسبي الله ونعم الوكيل
الله يرحمها وبرحمنا
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
