عنوان الموضوع : ثقتي بخطيبي مـعدوومه انصحونــي لحياة سعيدة
مقدم من طرف منتديات بنت السعودية النسائي
مســاء الخيـــر
عندي مشكله أثــرت علي حياتي وسيطرت علي كل تفكيري
انا مخطوبه لي سنه و4شهـور قبل ما تملك اكتشفت خيانه خطيبي وا لعااب بحدود المكالمات
فـتره قلت بيعقل وبكبر ويحس بالمسؤوليه بس المصيبه عرفت انو حتى بعد ملكتي كان يكلم بنت انا جن جنوني واجهته باللي سوااه حاول يتهرب بس كان عندي ادله وااجد المـهم اعتذر وعدني يتوب
الزبده انـا مو قادره ارجع اثـــق فيه زوااجي بعد كم شهر بس ط«ظ‚طھظٹ فيه شبه معدومه من حبي له تغاضيت بس تعبت والله تعبت الوساوس مو مريحتني داايم يخطر بالي انو يمكن رجع لحركاته يمكن مايعقل وهالفتره بقرب زوااجي نفسيتي دمار خوف وساوس وشك وهواجيس حاس خطيبي اني متضايقه من شي كبير بس اقول توتر ماقبل العرس وزحمه تجهيز ما ابي اقووول ياولد الناس ما عاد اثق اوكيه حبوب ومو مقصرعلي بس خرب على نفسه بنزوته صليت ودعيت وبكيييييت عسى ربي يشيل الشك من قلبي بس الشيطااان تمكن مني خلاص احس بضيقه كبــيره بصدري تمنعني عالتنفس احيـاان
اللي عندها حل تفيدني فيه ولانصيحه انا صغيره واحتااج مشورتكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ياحبيبتي استخيري بالاول عسى الله يريح بالك هو موقفه صعب والثقه صراحه انعدمت بينكم حتى قبل الزواج وهذا صراحه شي خطير انتي حكمي عقلك وفكري مره والف
ترى ممكن الوحده تاخذ واحد نظيف وطيب وماله بهالحركات ويتغير 180 درجه بعد الزواج ويتعرف على بنات وبعض الرجال يكون راعي بنات وخرابيط قبل الزواج وبعد مايتزوج يتوب وينشغل وقته عب الخرابيط هذي اذا لك قدر وقيمه وهيبه ويتاثر بزعلك انا اشوف انك تواجهيه وتخلينه ياخذ عهد على نفسه وقولي له من دق باب الناس دقوا بابه وانت ماترضى بكره ربي يبتليك فيني وانا اخاف يسير فيني شي بسبتك يعني خوفيه
والله يكتب لك مافيه الخير ويبعد عنك وعنه عيال وبنات الحرام اللي ماخلو حد بحاله
__________________________________________________ __________
>>>> الرد الثاني :
صباحك خير يارب
شوفي حبيبتي انا برضو سني صغير زيك والزواج مسؤليه وتعب
ولازم ينبني عالثقه ولو مافي ثقه حتعيشي حياتك متوتره
لاتجلسي تدوري وراه ولاتحسسيه انك منتي واثقه فيه لانو دا سبب من اسباب الضياع
شوفي انا عندي اتنين من صحباتي مره قريبين مني وعايشين نفس جوك
الاولى
بعد ملكتها اكتشفت انو بيكلم صحبتها بس مجرد تسليه وطنشت الموضوع بعد فتره سمعت المكالمه كامله
كان بيقولها نفس الكلام اللي بتسمعو هيا واجهتو وقعد يحلف عالمصحف انو ماراح يعيدها وزلت شيطان
انهارت وبعدها بكم يوم وقبل الفرح بأسبوعين بالزبط عرفت انو عرف غير صحبتها بالصدفه شافت رسايل فجوالو واجهتو قلها ماضي وابيجري ورايا
وادتو فرصه تانيه وفيوم فرحها دي انا حضرتها بنفسي معاها كنا فالصالون وصحبتي تقولي مااعرف اش فيه ماني قادره اثق فيه خايفه من حياتي وانا اقولها توتر قبل الزواج ولخبطه يابنتي بلاشي عبط الرجال طيب وحيتعدل على ايدك وفنفس الوقت ووحده جالسه جنبنا بالزبط وتبكي لصحبتها وتقولها اليوم فرحو وعزمني عالفرح حأحضر عشانو قعد يبكي ومنهار وحيجي ياخدني دحين نتغدى سوا وداعيه اخر يوم
اقسم بالله ان صحبتي تقولي تخيلي يعرفها انا سرت اضحك اقولها وسوسه ومرض زايد المهم وانا طنشت وقعدت صحبتي تراقبها لين ما جا الولد عند الباب ودي تبغا تخرج اخدت صحبتي عبايتها وطلعت وراها
والصدمه كانت انو زوجها اللي اليوم فرحو هوا الي جاي ياخدها تخيييييييييييييلي الموقف
دخلت السياره البنت ودي مسكت الباب ماخلتها تقفلو وقالتلو ورقة طلاقي تجيني مافي فرح حيقوم
واطلقت وربنا يسرلها واتزوجت واحد تاني بدأت حياتها صعبه معاه ونفس الشي اكتشفت انو لعاب وبشويش قدرت تنسيه البنات وسنينهم
اما التانيه
اخدت واحد معروف عنو انو انسان مالو فاللعب والكل بيقول دا من شغلو لبيتو ومسجدو وحياتو بيتوتي مره مالو فالخرابيط واللخبطه
برضو بعد الملكه اكتشفت انو بيكلم وكل يوم يحط حجه وعذر شغلي دوامي عملا عندي لازم اكلمهم
صبرت عليه الين ماجاتها وحده وكلمتها وقالتلها انا وهوا نحب بعض وهوا يبغا يتخلص ومو قادر يابنت الناس كيف تعيشي معا واحد مايبغاكي
واجهتو وكلمتو وادتو ارقامها انكر ونفس الشي رجعت وثقة فيه ورجع خبص وقبل الفرح وسوسه وافكار غبيه وتقولي مااقدر اثق فيه قلتلها اصبري واتوكلي على الله طول ماانو بيعاملك بخير ويبغاكي ماحيدق بابك بيلعب
اتزوجت وبس فضلت شاكه فيه حياتها سارت دمار من انعدام الثقه قوت قلبها شويا وقعدت تصلي وتدعيلو وتدعي لنفسها والله العظيم شهر بالزبط قلبها صفي من الشك وبدأت حياتها طبيعيه ربنا سخرلها زوجها وقدر يتجنب عن الحاجات دي بسببها
يعني احنا بأيدنا نغير الشي دا
ولو تلاحظي من القصتين انو كل شي بيد المرأءه هيا تقدر تخليه خاتم فأصباعها
طبيعتك كمرأه تقدري تغيري كيان الرجال مهما كان صعب
نصيحه لوجه الله عن تجربه لا تدوري وراه وتطالعي فيه نظرات شك خلي ثقتك كبيره فيه
وهوا من نفسو حتى لو بيغلط حيتعدل..اما عن انك تنفصلي وتشوفي غيرو فأنا اقولك طول ماانو اساسا طيب لا تنفصلي
ماتعرفي يمكن يجيكي واحد غيرو ويطلع لاقدر الله اخس والرجال تجيهم فتره لازم يخبصو فيها مااعرف ايش يحسو
بس خلاص ادعي واتوكلي على الله وشوفي كيف ماراح تندمي
وكل حياه فالبدايه حتكون صعبه شويا
ومن جد مرررررررررررره ااااااااسفه طولت عليكي وكلامي زدا سامحيني بس حسيتك موجوعه من قلب فكرتيني بصحباتي
ومتابعه ليكي يا بطه
__________________________________________________ __________
>>>> الرد الثالث :
الله يوفقك يارب ويبعد عنك الشك والوساوس
مادام الرجال بايدك لاتخربي على نفسك ادعي له بالصلاح والهدايه وطول هذي الفتره لاتتركي قيام الليل ادعي وادعي الله يفرج همك ويصلحه ويسعدك فيه ويسعده فيك يااااااااارب
وبذا الوقت نادر متلاقي رجال مالهم ماضي
خليكي انت الاولى بعينه ماهم كانت له صداقات ويكفيك انه اختارك بعد هذي المعارف والبنات لاتنسي مايغير القدر الا الدعاااااااااااااء ربي يحفظيك
تقبلي مروري
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
