رومانسيه ولا احلى سعودي

**kamiliya** · 12-15-2014, 04:27 AM

عنوان الموضوع : رومانسيه ولا احلى سعودي
مقدم من طرف منتديات بنت السعودية النسائي

لا تفوتكم الرومانسية اللي نفس جي....

(1)
((هذي وحدة تقول مره وصلني زوجي للمدرسة اللي كنت معلمة فيها الصبح
قلت له وأنا نازله راح أشتاق لك يا حبي....
قال انزلي انزلي لا تروح عليك الحصة الأولى ..
آآآآآآه بغيت أصفعه بالمسطرة))

(2)
وحده ثانيه تقول:
((زوجي مو راعي هدايا أبد قلت أبشتري هدية جوال اللي يستخدمه قديم
المهم غلفته وكاتبة في كرت شعر وكلالالالالالالالام حلو وعطيته الهدية
وكنت بجنبه المهم فكه بشراسة ووجهه فيه علامات استغراب وتعجب
وأنا مبتسمة طالع وناضر قال لمين هذا قلت لك حبيبي
قال شاريته بألفين وخمسمية يا بنت الكلب هو فرحان بس شوفوا التعبير
قسم بالله ذبلت ابتسامتي وهو يضحك يقول أول مرة أحد يهديني بالمبلغ هذا
بس تصدقون رحمته هههههههه هههههههه))

(3)
((وهذي وحدة ثانية تقول إنها حطت شموع من عند الباب إلى غرفة النوم
والشموع طبعا على الأرض وهي جلست في غرفتها وكاشخة وتنتظر زوجها
المهم دخل الطعس ودعس الشموع برجلينه وقام يصارخ ويتألم
وكفخ زوجته وزعل عليها وتكلم عليها وما خلى شي ما سواه
والمسكينة انهبلت من اللي شافته المهم الزوج دخل الغرفة وقفل الباب عليه ونام لحاله
والله هالحرمة مواقفها كثيرة وتضحك بس للأسف الحين تطلقت ما تنلام تطلب الطلاق))

(4)
((وحده من الحريم ملت من الروتين اليومي في حياتها وحبت إنها تسوي مفاجئة لزوجها بسهره رومانسية...
المهم قامت وطلبت الكيكة والعصيرات وخلت الإضاءة بالمجلس هاديه
وولعت الشموع ونومت عيالها وتزينت عشان تهيئ الجو لهم .....
المهم جاء الزوج من الاستراحة وريحته تفاوح دخاخين واستقبلته ودخلته للمجلس
وقصت له من الكيكة وصبت له من العصير...المهم يوم بلع وخلص قالها
الحين وراك مجلستنا بالظلام حشى كأننا بقبر!!
تقول هي إنها بلعتها وسكتت منب مخربه السهرة...
قام وكمل ذا الماصل وقالها الحين وراك طالبة حجم كبير من الكيكة كان طلبتي حجم صغير
وشو له الإسراف يالله روحي قومي البزارين ياكلون منها عشان ما تنكب..
عاد هي حامت كبدها منه وطفسته وزعلت عليه......
تدرون المفروض إنها تحط له خبز وفول ويخب عليه هذا مهب وجه تدليع جعله الضربة ذا البخيل))

(5)
((هذي وحده من البنات توها متزوجة وحابه تسوي حركة لزوجها
قامت وتزينت وتجهزت من مجاميعه وحطت الإضاءة هادية وشغلت الدخان الصناعي
وانتظرته لحد ما شرف...المهم يوم دخل ويشوف الدنيا شبه مظلمة والدخاخين
حاجبه الرؤية قام يركض للصالة وجلس يناديها
وهي ساكتة ما ترد عليه تتغلى عليه (على بالها حركه ما تدري مسكينة إنها بتروح في خبر كان)
عاد هو طار للمطبخ وجاب جيك ماء وكبه عليها يحسبها انه مغمى عليها من الدخان
عشان كذا ما ترد عليه جاء بيكحلها عماها...
بالله وش تتخيلون موقفها؟؟؟...
المفروض إنها صبت على راسه موية نار.....))

(6)
((هذي وحده من البنات تزوجت وراحت للخارج مع زوجها بعثه للدراسة له ولها..
المهم شافت ذا الحمران العطران ورومانسيتهم قالت خل أسوي مثلهم
وخاصة إنهم كلهم يدرسون وكل واحد فيهم وقت دراسته تختلف عن الثاني
فما فيه وقت للجلسة الهادية.. فقامت يوم من الأيام قبل ما تروح للمعهد قالت
خل أفتح نفسه شوي لما يرجع تعبان ويبغى ينام شوي
ونثرت على السرير ورود والعطورات الفواحة تفوح في الغرفة ومن ذا الحركات
قالت إذا رجع وشاف الحركات هذي أكيد بيستانس شوي... المهم يوم رجعت من المعهد
شافت زوجها نايم في الصالة عاد هي استغربت وراه تارك السرير ما انبطح عليه...
ويوم صحى سألته قال الله يصلحك وش انتي حاطه لي من هالعشب على السرير
وشلون أنام عليه الله يقلعه ما يميز بين الورود والعشب
بالله مو المفروض تنثر على السرير تين شوكي عشان يتأدب ذا الباصق....))

(7)
((وهذي وحده تعشق شي اسمه رومانسية و كانت دائما تعزم زوجها في مطعم راقي على حسابها
يعني تغير من جو البيت وروتينه .. وكانوا دائما يسوون هذي الحركة وهو وجهه مغسول بمرق كل ما طلعوا
يطلب كل ما لذ وطاب على حسابها ..عاد هي جتها أم العبيد وقالت أنا أوريه عشان يتأدب
ويعزمني بدال ما أنا أعزمه...قامت وعزمته زي كل مره ويوم خلصوا أكل
قالت له أكرمك الله يا أبو فلان على العشى...عاد هو شرق بالعصير من الروعه
قال لها وشلون يعني؟؟؟ قالت له الله يسلمك الفاتورة
دفعتها من جيبك أخذت المبلغ من بوكك قبل ما نطلع....
تقول عقبها طاح وجهه تأدب وصار يطلعها كل سنه مره تعب نفسه صراحة))

(8)
وفي وحده لاهي ولا زوجها يدلون الرومانسية وكانت بيوم راح تنقل لبيت ملك المهم شارت عليها
أختها إنها تشتري حركات فطلعت مره هي وزوجها يشرون شموع أشكال وألوان وبعد فتره هي كان
زوجها طالع واستغلت الفرصة وقامت تضبط البيت وتكشخت وشغلت الشموع يوم جاء المحروس
شاف الدنيا ظلام يوم دخل على زوجته ولع النور وطفى الشموع قالها الله يهديك الحين أنا شاريهن لا طفى الكهرب
قمة التحطيم))

(9)
هذي وحده جنااااااااانها البالونات عااااااااد ذاك اليوم فكل جدار حطت نفيخه ..
وشك شك هذا طبعا صوت مفتاح الباب جاء رجالها ..
ومن غير مقدمات يوم شاااف البالونات فقعها وهو معصب وقال لها
لو يجونا ضيوووف وش يقولون.. هذولا بعدهم ما تخرجوا من الابتدائي ..
والله مسكين ووووبايخ حطم الحررررررررمه..))

(10)
وحدة تقول أنا معلمة وعندي في البيت أوراق كثيرة هنا وهناك
وإذا خلصت المدرسة ألمها وأجمعها في كرتون وإذا ما أباها أحرقها
المهم ما أطول عليكم رحت وشريت لي كتاب رومنسيات زوجية يقولك بتثقف وأصير رومانسية حتى أعجب أبو الشباب
وأنا كنت بداية الإجازة أروح لأهلي وأطول عندهم كذا يوم وهو قاعد بالبيت
قريت في الكتاب إنه إذا سافر زوجك أو تركتي البيت اكتبي بطاقات حلوة ملونة فيها عبارات جميلة للزوج
وحطيها بين ملابسه عشان إذا جا يلبس يقرا البطاقات ويتذكرك حتى وانتي غايبة عن عينه...
وأختكم في الله سوتها ......... تتوقعون إيش كانت النتيجة ...اهئ اهئ
لما رجعت البيت بعد أسبوعين لقيت البطاقات على طاولة الكمبيوتر مالي
قمت ضحكت وأقول قراها بدون ما يعلمني الظاهر عجبته الحركة
زوجي كتوم جداً<<<
قلتله يا عيوني يا حبيبي عجبتك الحركة .........
قالي أي حركة لا عاد ترمين أوراقك منا ومنا وأنا ألقط شايفتني شغال عند أبوك تسنعي يا حرمه))

(11)
وحدة تقول مره سويت لزوجي ليله رومانسية على قولتكم
وقمنا نرقص هذيك الرقصة وش اسمها إيه سلو
اللي تحطين يدك ورى ظهر زوجك وهو يحط ايده ورى خصري
وكنت منسجمة مع الجو تخيلوا وش قال
قال تكفين تكفين حكي ظهري فوق شوي لالا تحت شوي وأنا ميتة من القهر))
وش رايكن بالرومانسية
منقوووووول

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ههههههههههههههههههههههههه , مواقف تضحك وتقهر بنفس الوقت

كذا رجالنا مايبين في عيونهم شي والا هم وين والرومانسية وين

والله ماينفع معهم الا العصا { بعضهم }

شكرا غاليتي على النقل الرائع

________________________________________

الموضوع: رومانسيه ولا احلى سعودي

أدوات الموضوع

عرض