عنوان الموضوع : من القـلــب الى القـلــب ,,
مقدم من طرف منتديات بنت السعودية النسائي

مرحبا حبيباتي ,,

كتير حريم معترضين انو المبادرهـ في اغلب الاشياء الحلوهـ والرومنسيهـ مننا

احنا الحريمـ وفي النهايهـ مانحصل غير خيانهـ ومعاملهـ زي الزفت والعياذ باللهـ ,,

صح انا ما الوم اي وحدا فكرت بي دا الشي ,, لكن الرجال طبيعتهمـ الخشوونهـ

ومو معقول مابتصدر منهمـ اشياء طيبهـ ناحيتنا ,, همهـ بيكرفو ويشتغلو عشان مين ؟

مو عشان نلبس احسن لبس وناكل احسن اكل ويكون بيتنا احلا بيت ؟!!

وصدقوني يا اخواتي ,, بشطارة اي وحدا فينا تقدر تعلمـ زوجها ع كتير من طبعها

العشرهـ تخليكي تاخدي طبايع منو والعكس ,,بالاسلوب الحلو وبالطريقهـ الحلوهـ

تقدري توصلي للي انتي تبغيهـ وأكتر منو ,, بس زي ما احنا نفسياتنا تتغير بالدات

ايامـ الدورهـ ونتو بكرامهـ ,, ع فكرهـ حتى الرجّـال نفسيتو تتغير بس في الشهر

حتيجي فترهـ تلاقيهـ عصبي ,, وسريع الانفعال ,,



سبحان الله احنا مالنا الا رجال واحد وازا ماعجبناهم راحو جابو التانيا ,,, احنا اش نسوي ؟؟

عشان كدهـ مالنا الا اننا نسعدهم وبمعاملتنا لهم بمايرضي اللهـ نحافظ ع بيوتنا ونعيش

حيات الهدووء والاستقرار و لاتنسو (( سيد قومهـ المتغااافل )) يعني اتغاضو عن توااافهـ الاموور

ومو اي وحدا تحب تخرب حياتها يكفيهمـ الشغل والمصاريف وهمومـ الحياهـ

واحنا بقي علينا انهم يجو البيت ويلاقو كل سبل الراحهـ متوفرهـ ,, وزي مابيشوفو مننا طيب

اكيد ماحنلاقي منهمـ الا الخير ان شاللهـ ,, مو مشكلهـ احنا الحريمـ , وبرضاهمـ علينا نرضي ربي

احنا اش نبغا غير رضا اللهـ عز وجل ؟؟

نحتسب دا كلو عند اللهـ ودا كلو عند اللهـ ماايضيع ,, ما انكر انو في حريمـ كتير بيعانو من سوء

معاملة ازواجهمـ ومن تصرفات كتير بتصدر منهمـ ,, لكن ربنا ازا احب عبدو ابتلاهـ ,,

ممكن يكون تقصير مننا في جنب اللهـ ,, اش احسن نصبر وتتكفر سيئاتنا والا نحصلها عذاب في الآخرهـ معاذ اللهـ !!




نصيحتي وابدأ بنفسي ,, طاعة اللهـ عز وجـل ,, والصبر ,, والتفاؤل ,, والتوكل على اللهـ ,,

وقراءة اذكار الصباح والمسا ,, فيها دعاء ازا قلناهـ 7 مرات كفانا اللهـ ما اهمنا من امور الدنيا

والآخرهـ ,, وفيها دعـاء نسأل اللهـ خير مافي يومنا وليلتنا ,, ونتعوذ منو من شرهمـ ,,

وغيرهـا من الاذكار ,, والتحصين ,, وسورة البقرهـ سبحان اللهـ تطرد الشياطين ايلي همهـ

سبب في المشاكل ايلي بتسير بين المتجوزين ,,

اللهـ يهدينا بس ويصلحنا ويحبب لنـا الايمان ويزينهـ في قلوبنا ويكرهـ الينا الكفر والفسوق

والعصيان ,, ومايجعل الدنيا اكبر همنا يااااااااااااارب ,, ويصلح حال كل وحدهـ مع جوووزها

للاحسن يااااااااااااااااااارب ,, ويوفقنا ويسعدنا ويجعلنا اول واخر حريمـ في حياتهمـ

سامحوني ,, بس حتى انا طفشت من كتر ما اشوف او اسمع كلمة مشكلهـ ,, خيانهـ .. الخ ,,

يلا اتمنى يكون كلامي تسليهـ ليا وليكمـ ,,

اختكمـ ايلي تحبكمـ وتمووت فيكمـ : حبوووبهـ

اللهمـ صل على محمد وعلى آلهـ وصحبهـ أجمعين


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
وفقك الله ياحبوبتنا

كلاااااااااااااام عسل

بصراااحه أعجبني يالغاليه

مشكوره عليه ياغااااليه

ليت الكل يدخل يقراء كلام حبوبه العسل

__________________________________________________ __________

>>>> الرد الثاني :
يااااااااااااا سلاااااااااااااااااااااام

أنا أعتبروه موضوع مميز لأنه خارج من ------------>

تسلمي حبووووووبه .. الله لا يحرمنا منك ..

__________________________________________________ __________

>>>> الرد الثالث :
تسلمي يا حبيبتي على ها الكلام الحلو

__________________________________________________ __________

>>>> الرد الرابع :


__________________________________________________ __________

>>>> الرد الخامس :