عنوان الموضوع : أنتبهي لاتعوديه ....لالالالاتعوديه ....
مقدم من طرف منتديات بنت السعودية النسائي
(((قووووزك على ما تعوووديه و ابنك على ما تربيه )))
والله صدقوووا اخواتنا المصريات بهذا المثل ..الزوج يجي ويثبت على اللي تعوده عليه زوجته
من بدااية الزواج...ان صح او خطأ..
واللي ذكرني بالموضوع سالفة قالتها لي الواالدة ..اسمعوا السالفة
هذا يا طويلات العمر بنت تزوجت وسكنت خارج الرياض واهل زوجها بالرياض وأهلها بالخرج
(الخرج تبعد عن الرياض 80 كيلو )..
اول زواجها كانوا اذا جاء الاربعاااء جوا للرياض وناموا عند اهل زوجها والخميس تروح مع ولد اختها لأهلها لانه كان يدرس بالريااااض وترجع معه الجمعة
مرت الايام وتخرج الولد وما صار فيه احد تروح معه الخرج !!!
وطبعا سي السيد ما تعود يطق مشواار ويوديها لأهلها ..خبل هو !!مستحييييل
وش صاار يسوي؟؟ يوصلها الى نقطة التفتيش ويجون أهلها يآخذونها
لها الدرجة عجزاان يوصلها بيت اهلها...
هو ما أخذها من الخرج الا هو عاارف انه بيصير يوديها ويجيبها من بيت اهلها
لكنها عودته وريحته من البدااية وتعووود وصارت صعبة عليه
وهذي المصيبة اللي اقصدها في موضوعي
ان المرأة تعود زوجها على التخلي عن مسؤلياته وواجباته وتدبر عمرها وتتصرف
وهذا اكبر خطأ...اجل هو وش وظيفته ؟؟
اذا عرف الرجال إنك بتدبرين نفسك وعندك من بيسنعك أتكل وتخلى عن مسؤلياته
وحدة ثانية أعرفها لها 19 سنة متزوجة من بداية زواجها وهي تدبر عمرها حتى اذا مرضت او مرضوا عيالها تروح مع اخوانها
والحيييييييين والله انه مايسوي لها وا لعيالها اي شي لو يصير ما يصير ومتخلي عن كل مسؤلياته
ومررريح وفوق هذا تزوج عليها
,وفيه حريم اذا ما اعطاها فلوس راحت دبرت عمرها من امها والا اختها
وعلى هالحااال..خلاص بيصير متعود عاى كذا ولاراح يعطيها شي لأنها ما شاء الله حرمة ذربة ومسنعهة نفسها ومخليه هالرجال زينه!!!
فلازم الوحدة من بداية الزواج تعرف هي قبل زوجها إن واجباته ومسؤلياته هو اللي يقوم فيها
ومشاويرها أغلبها اذا مو كلها هو اللي يقضيها ( وانا اقول اغلبها لانه اكيد كل حرمة بتروح مع اهلها او اخوانها بعض المشاوير ) لكن انا اتكلم عن الاغلب
خصوصا المشاوير الضرورية من مستشفى وغيره واللي تخص عياله مو يخلف ويرمي
ومصاريفك من اهم واجباته اجل ليه متزوج؟؟؟ حتى لو موظفه لكن استحي و مدي يدك معه شوي بالمصاريف مو تشيلينها كلها و تقعدين تنوحين بعدها ...
صح تقدرين ظروفه اذا ما معه لكن ما تآخذين من غيره وان اضطريتي في يوم
يكوون سلف ويدري انك بترجعينه ..علشان ما يتعود ويرخي يده و بيبني وبينكم حتى السلف لا تسوينها ...بعدبن يجي يقولك انت دبريها مثل ما دبرتي اللي قبلها و يطيح وجهك بين الحريم ...
والله ان بعض الرجال ما عليهم وحليلين والحرمة هي اللي تخربه على نفسها
للاسف تحسب ان هذي ذرااابة وهي وعيالها اللي يندموون با لأخير
[align=center]منقول [/align]
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يعطيك العافيه هتوف
والله انك صادقه انا زوج اختي كذا يوصل نص طريق ويقول اذا اهلك يبونك يجون ياخذونك
انا مو فاضي اوصلك(((( سردادي مردادي مع الخط))))
والله المسكينه صايره كنها بضاعه ...بس وش نسوي لو ما رحنا جبناها يرفض يجيبها
مره اخوي قال خلينا نجرب وما احنا جايبينها وما جت المسكينه بعيد الفطر
بعد العيد اخوي الثاني قال حرام بروح لها وصدق تاني العيد قال اللحين اوديك نص طريق بعد
لاكن الرجعه تقوله لا اخواني مو فاضين,,,
واغلب رجال هالزمن الله يصلحهم كذا احيان ينزلك عند المستشفى انتي وولدك ويقول اذا خلصتي اعطيني دقه
والله مشكله من جد
__________________________________________________ __________
>>>> الرد الثاني :
لاحول ولا قوه الا بالله رجاله عيال ....... وانتى فعلا معاكى حق لازم نعووووووووووودهم ....
__________________________________________________ __________
>>>> الرد الثالث :
الله يعطيك العافيه ..
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
