عنوان الموضوع : يامبدعات تكفون ساعدوني بافكاركم لعزيمتي -من مطبخي
مقدم من طرف منتديات بنت السعودية النسائي
مرحبا ببنات بيت حواء الحلوات والمبدعات اهل الذوق والفن
بنات ابغى مساعدتكم وافكاركم
ابغى اسوي عزيمه لحوالي 20 حرمه طبعاً هذا غير اطفالهم
ابغى افكار كيف ارتب وقتي متى ابدء مثلاً لو بسويها يوم الخميس كيف يكون ترتيبي
لاني ماعندي احد يساعدني ابد انا لوحدي
أبغى اسوي للقهوه : من 5 الى 6 أنواع حلى
وابغى اسوي للشاي : فطاير و نوع كيك واحد بس
والعشا ماادري كيف : ودي اسوي صواني مكرونه ومسقعه ورز
وسلطات
عاد المشكله ان اكثر هالضيوف مايشرفوني الا الساعة 10 والبعض من بعد المغرب
يعني من بعد المغرب الى 10
(( يازين الرياض من بعد العصر والناس مليانين , بس فعلاً جده غير اخر الليل تبدء الضيافه المعذره يااهل جده انا توني جديده عليكم ابغى اتعلم النظام عندكم ))
ماادري شلون ارتب متى اقدم القهوه ومتى اقدم الفطاير ومتى العشا ؟؟؟؟؟؟؟؟؟؟؟؟؟؟؟؟؟
وكيف اقدمها افرش سفره او اسوي لك وحده صحن مشكل من كل الحلويات واحطها قدامها
لاتقولون سوي بوفيه ماعندي طاولات عندي طاوله صغيره اربع كراسي وبيتي بعد صغيرون على قدنا طبعاً
يلا عاد ابغى افكاركم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
عزيزتي أماسي يسعدني أن أكون أول وحده ترد عليك
أولا من اليوم إلي قبل المنا سبه تسوي حلى القهوه مثل ( حاى المناقيش أو الخلايل كانت منزلته أبهار قبل فتره أيضن ممكن بسبوسة وأي حلى يزبط معك ) بعدين سوي فطأئر بعجينة العشر دقايق سوي منها أقماع تونه أو لبنه وسوي بف حق فين المنتو رائع وبيتزا ومناقيش زعتر
الصياني ممكن تساوي صينية خضار ودجاج باالبشمل وتبوله وكشري وحلى كريمه في صينيه أجمل في التقديم
طبعاً التحظير يكون في الأرض وكل شي في صيانيه
أرجو أن أكون أفدتك وما تأخرت عليك
__________________________________________________ __________
>>>> الرد الثاني :
السلام عليكم
اول شي توكلي على الله
ثانيا قبل اكثر من ثلاث ايام اختاري حلاك وانواع المعجنات والعشا
انا ودي اسالك عندك شغاله اذا فيه هانت في الي بنظف ويجهز
واذا ما في معليش زي ما قلتلك قطعي البصل والثوم والخضار الي تبين جهزيها بالثلاجه
طبعا من غبر تقطيع
المهم
الحلا زي ما قالت اختي سبطه من الليل يكون جاهز ولا راح يخرب
والمعجنات بعجينه وحدهسوي تشكيله ولا تعبين نفسك بالاشكال لان عندك عشا
يعني افردي العجينه وبلقطاعه المدوره شكلي بيتزا وزعتر وجبن او اي شي
بس الفطاير لا تخلينها همك
وانا الصراحه اذا بسوي عشا على طول الي تخلص من القهوه اصبلها شاي
وخلاص لان وراها اكل انا ما تعبت عشان ما ياكلون ؟
بس انتي بكيفك
طيب نجي للعشا تكوني انتي طبعا قبلها بايام اخترتي طبخاتك واشتريتي اغراضك
ومن الليل جهزتي لكل طبخه اذا كان لها تجهيز
خلاص يوم العزيمه قومي بدري ورتبي بيتك وادخلي على المطبخ
وابداي باللاكل الي ما ياخذ وقت كثير في الفرن مثلا وياليت تكون صينية الفرن
الي تطبخين فيها هي نفسها حقت التقديم مثل الصواني الزجاج او الصواني الصيني السادة او الي فيها
نقش خفيف
تسهل عليك وعلى طول الي تخلص زبنيها وحطي عليها قصدير وصدقيني ما راح تخرب
وحطيها في جهه من المطبخ تكون المكيف عليها
عشان ما تنحاسين
ويكون شغلك مرتب وتعرفين وش خلصتي وش بقيلك
والسلطات ما في اسهل منها
قطعي وحطيها في حا فضات وعلى الثلاجه وكل سلطه جهزي صوصها
وخليه جنبها في علبه صغيره
ولا تخافين انا هذي الطريقه مجربتها
ولا يخرب الصوص وعند التقديم اصبه فوقها او اخلطه على حسب الوصفه
وانتهينا حاولي تخلين اخر شي الرز
اذا ودك تسوين
وحاولي تخلصين مثلا العصر وطبعا البيت انتي رتبتيه خلاص بس شيكي ......
انا طولتها بس والله حاسه فيك ومجربه
والله ييسر عزيمتك والكل بنبهر من اكلك وتقديمك ياااااااااااااااااااارب
وطمنيني
__________________________________________________ __________
>>>> الرد الثالث :
الف شكر خواتي على ردوكم وبسوي مثل ماقلتوا
وانا محتاسه لان ماعندي شغاله والا كانت هانت
ولاني شفت في بيت قرايب زوجي كيف انحاسو مع انه
انا رحت لهم قبل يومين سويت لهم كل الحلى وفي نفس اليوم سويت لهم الفطاير في بيتي
والعشا كان من برى بس كان حوسه بالرغم ان عندهم 3بنات ماشاءالله والام
ونفس الناس اللي جوا عندهم يبون يجون عندي بس لسه ماحددت اليوم شكلي بخليها الاسبوع
الثاني عشان ارتب نفسي زين زين
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
