عنوان الموضوع : ♫اللـي يبــا رقاصـ ـ ـات يتفضـلـ >> عـرض بيطوفكمـ (أرجو الدخول)♫ لنت السعودية
مقدم من طرف منتديات بنت السعودية النسائي

السلام عليكم ورحمة الله وبركاتهـ


هلا وغـــلا بالاعضاء وكل من زار الصفحـــة.....

اشحالكمـ عساكم أطياب...


بصراحة ما أعرف من وين أبدأ أو كيف اقول الموضوع....

موضوعي يا جماعة يتكلم عن الاعراس والحال ألحين كيف صار ووين وصل...

طبعا انا بترك كل جوانب الاسراف وغيره اللي يصير،،، وبتكلم عن شي واحد بس مضايقني وايد.. ما ادري اذا انتو حالكم مثل حالنا وعندكم اللي عندنا او لا...

ما بطول بالمقدمة وايد .. الموضوع سلمكم الله حول الرقاصات في الاعراس لاحظوا اني اقول رقاصات مب طقاقات اللي تعرفونهم انتو...


الرقاصات صاروا يغزون معظم الاعراس عندنا وطبعا هذا يكون حجز من أهل العروس أو المعرس.. يحجزون لهم عدد من الرقاصات تقريبا 2 او 3 من مختلف الجنسيات (من غير ذكر الجنسيات) وطبعا تتراوح الحجوزات ما بين 4000 الى 7000 درهمـ ,,, طبعا على حسب الرقاصه وعلى حسب العايلة اللي حجزت.. اذا يبون اسمهم في كل مكان لازم يحجزون الاغلى... (والله لو عندي ملايين الدنيا ما ابا نص وحدة تحضر عرسي)...


انا اللي قاهرني يا جماعة الرقاصات هذيل ليش؟؟؟ وشو الفايده منهم؟؟؟ استغفر الله يعني حال لابسين او مب لابسين نفس الشي الواحد ما يعرف وين يودي عينه في العرس ما يقدر لا يطالع عروس ولا غيره من هالمناظر.. ولا يكفيهم اللبس لا بعد يتنقلون من طاولة لطاولة ويرقصون في كل مكان.. أنا ليش أنجس عرسي بها الناس هذيل؟؟؟؟ وليش ادفع لهم هالمبلغ حتى لو ما كان وايد عند البعض ويشوفونه شوي بس والله لو بـ 10 دراهم والله ما اباهم ولا ابا اشوفهم... والمصيبة والله من يدخل المعرس الصالة هم ربي كما خلقتني يعني لا تغيير ملابس ولا شي ولا يتسترون ويرقصون عااااااااااااااااااااااااااااااااااااااااااادي....


ليييييييييييييييييش عاد كل هذااااااااااااااااااااااااا؟؟؟؟؟


عشان الناس تتكلم وتقول عرس فلان كان ماشالله فيه وفيه وفيه... الحين بدل ما يدفعون هالمبالغ على اشياء يحصلون من وراها ذنوب والله يتبرعون فيها اذا بيزاتهم زايده مب عارفين يتصرفون فيها... وين الله بيبارك لهم في حياتهم دام من اولها جي؟؟!!!!!!!


يا أعضاء خبروني هل كلامي صح أو غلط؟؟؟!!!!!!!!

نحن يوم عرست أختي اللهم لك الحمد العرس مافي احلى منه لا فيه من هالبايخات ولا غيره والله والكل الحمدلله مدح في العرس.. مب لازم يكون فيه ذنوب عشان يطلع العرس حلو...


قولوا لي هل انا غلط؟؟؟؟ والا الناس غلط؟؟؟؟؟


وإن كلمت أخل العرس يقولون عاااااااااااااااااااادي بالعكس يسوون جو في العرس..

استغفر الله العظيمـ والله يكفينا شرهم ولا اشوفهم مرة ثانيهـ...

والله يستـــــــر عالجميع...

أختكم / وريــــ الهــم ـــثة


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الحمدلله الظاهرة ما ظهرت عندنا في الرياض وإن شاءالله ما تظهر،، فعلا مالهم أي داعي والفرحة أنه أهل العرس وأقاربهم هما اللي يرقصوا وينبسطو مو استاجر ناس عشان يهزون وسطهم،، الله يهدي الجميع

__________________________________________________ __________

>>>> الرد الثاني :
كلامج عين العقل يا أمجاد

تسلمين عالمرور الطيب..

لاهنتي

__________________________________________________ __________

>>>> الرد الثالث :
وريثه الهم
كلامك عين الصواب

وربي رحت لزواج بالرياض جايبين رقاصه وترقص عند كل طاوله
ولابسه لبس مو عاري بس اللهم لك الحمد

الله يعافيهم ولايبتلينا
اللهم لك الحمد على النعمه الي حنا فيها

وريثه ...

جزاك ربي الجنه
طلرح شامخ بحجم روعتك
موفقه وربي يرعاك
تقبلي مروري
أختكـ,.,.

__________________________________________________ __________

>>>> الرد الرابع :


__________________________________________________ __________

>>>> الرد الخامس :