عنوان الموضوع : السفره النجديه تزور الهنديه مع روح الفانيلا ..
مقدم من طرف منتديات بنت السعودية النسائي
اليوم عازمتكم على مثلوثه اكله ملكيه نجديه الطعم روووعه والقيمه الغذائيه قمه
وكل شي متوفر ,, وبعد عازمتكم على برياني من قلب الهند
طريقته جديده وسهله واوعدكم انها راح تكون لذيذه ’’
سفره ملكيه من روح ط§ظ„ظپط§ظ†ظٹظ„ط§ ,, اذكرو الله ,,
المثلوثه + البرياني
اولا سميت مثلوثه لانها تحتوي على ثلاث اصناف
الجريش + الثريد + الرز
(( 1 ))
الجريش
كل كوب جريش يحتاج الى ربع كوب رز مصري + بصله كبيره + ليمون اسود + قرفه
وقطعه صغيره دجاج + ملح فلفل اسود وكمون ونوع واحد بزار ,,
نحمس البصل + الليمون الاسود + القرفه
لمن يصفر البصل ونضيف الدجاجا والبهار نقلبها ونزيد عليها المرق
ونزيد الجريش المغسول + الرز المغسول والمنقوع ونخليها لمن تغلي ونقصر عليها راح تاخذ ساعتين
على نار هاديه اذا استوت او قبل الانتهاء ببع ساعه
(( 2 ))
نزيد عليها علبة لبن مثل اللي با الصوره + ملعقة جبن + وعلبة قشطه بيضاء
ونحركها ونردها للنار ربع ساعه ,,
يـــتـــبــــع
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
(( 1 ))
الثريد
خبز مسح + لحم + بصل +طماط + جزر + بطاطس + كوسا
الطريقه اولا نحضر مرق خضار ولحم عادي
نحمس البصل لمن يشقر ونزيد عليه اللحم لمن تنشف مويته ونزيد عليه ليمون اسود وقرفه والبهارات
ونقلبها بعدين نزيد الصلصل والطماط وبعد التقليب نزيد
مويه مغليه اذا استوا اللحم نص سواء نكون مجهزين الخضره ومقطعينها
صغار مثل الصوره نحط الجزر وبعدين البطاطس واخر شي الكوسا ,,
ونتركها تستوي ’’ بعد السوى نشل اللحم على جنب وتبقى المرق والخضار
نجهز الخبز المسح ويكون مكسر ونحطه في حافظه ونزيد عليه موية المرق والخضار
ونحط طبقه ثانيه من الخبز والمرق والخضار
وبعد الانتهاء نسكر عليها ونتركها ربع ساعه وبعدها نقلبها
الطبقه الثالثه من المثلوثه
ناخذ اللحم اللي شلناه على جنب ونكشن له بصل وبهارات
ويصير مثل الحشوه ,,
نسلق رز مع بهارات ونشخله نرده للقدر ونزيد عليه اللحم وندخله للفرن لمن يكمل سواه
يـــتـــبــــع
__________________________________________________ __________
>>>> الرد الثاني :
نجي للتقديم
اول شي في ما عون عميق نحط الجريش تقريبا ازود من الربع بشوي
وثاني طبقه من الثريد لمن يختفي الجريش
واخر طبقه الرز والحشوه ونقدمه حار ,,
البرياني
المقادير والطريقه
(( 1 ))
نجهز بهارات البرياني + علبة زبادي + لون طعام احمر ملعقه واحده + ملح
وندق ثوم وفلفل احمر وفلفل اسود حب
نخلطها مع بعض ونتبل فيها لدجاج ونتركها من ليله كامله الى اربع ساعات
ونقليها في قليل من الزيت
(( 2 ))
الدجاج المقلي + بصل + فلفل بارد + طماط + وحسب الرغبه عود كرفس
نجمر البصل وبعدين الفلفل البارد وقليل من الكون ورشه خفيفه ملح والطماط
وقليل من الصلصه وملعقة زبادي ونضيف عليها الدجاج
نقلبها شوب ونزيد عليها ربع كاس ماء ونتركها على نار خفيفه
ننقع في كاس بيالة حليب + شوي زعفران + ملعقتين ماء ورد
نسلق رز عادي نص سلقه في ماء وملح وقرفه ومسمار وهيل ’’
(( 3 ))
الدجاج + نقوع الزعفران + الكزبره + ويكون الرز جاهز
نحط طبقه من الرز وطبقه من الدجاج لمن تخلص الكميه واخر شي نزيد نقوع الزعفران +
الكزبره ونغطيها ونحطها على نار خفيفه او في داخل الفرن لمن يكتمل النضج
ويقدم با العافيه
__________________________________________________ __________
>>>> الرد الثالث :
مــــــــــساءالـــــــــورد..
ماشاءالله تبارك الله روووووووووووعه ..
مشكووورررة يالغلا ..
يعطيك الف عاااافيه..
لكـ من أميرة البحر كل الحب والـــود..
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
