ارجوكم ساعدوني وادخلو واقرو سالفتي ادري انها طويله لسعادتك
عنوان الموضوع : ارجوكم ساعدوني وادخلو واقرو سالفتي ادري انها طويله لسعادتك
مقدم من طرف منتديات بنت السعودية النسائي
انا لي متزوجه شهرين وماخذه زوجي عن حب .. دايما يسمعني كلام يضايقني بس اسكت عادي اقول لانه يحبني .. من اسبوع رحت انا وهو بيت عمي لانه مسوي عملية بالقلب رحنا نسلم عليه واحنا قاعدين في ضيوف جو عندهم ريال ومرته احنا كنا قاعدي بصاله وهم بصاله ثانيه والثنين فاتحين ع بعض واحنا كلنا الحمد لله لابسين العبي ومتسترين قالي زوجي عالواتس بس تطلعين تغشي قلت لها ان شاء الله بس هو قام وقالي يلا سلمت عالبنات وطلعت نسيت الغشوة والله العظيم بيني وبين الباب خطوة ونسيت احطها طبعا ركبنا السيارة وانا اضحك ومستانسة اسانسنا بطلعتنا هو ويها قلب 180 درجه وعيونه صارت حمرا وطلعت لبرا وبدا يصارخ علي بشكل جنوني مب طبيعي كان شكله وااااايد يخوف وسمعني كلام جارح انتي ما تحترميني انتي كسرتي كلمتي انتي انسانه غير مباليه انا ماراح اسامحج العمر كله وانا طبعا مصدومة 😧 اقوله ليش هالكلام القوي والجارح والله قال كلام ماينقال المهم قالي شنو انتي حسبالج هاي شي عادي قلت له انا في بيت عمي وانت صح قلت لي تغشي وانا قلت حاضر بس والله نسيت الكرسي اللي كنت قاعده عليه عند الباب يعني سلمت وضحكنا وطلعت مب اني مابي اتغشى وانا كل طلعاتي معاه اتغشى عادي يعني عشان هالمره وياليت احنا بمكان زحمة ولا بمكان غريب المهم قالي الريال كان يطالعج خله يطالع انا اصلا لا شفته ولا طالعته ولا ط§ط¯ط±ظٹ عنه واحنا مب كل يوم بنشوفه يعني مايستاهل اللي انت تسويه والكلام الكبير اللي قلته طبعا تم معصب ويصارخ بشكل جنووني وصلني البيت وطلع انا رجعت البيت منهارة وايد وايد اعصابي فلتانه حالتي يرثى لها لانه صج صدمني قلت اذا عشان غشوة وسوا هاي كله وقال كلام الريال المفروض مايقوله حق مرته .. رجعت وقعدت بغرفتي طبعا دخت وراسي ضربت بالارض واغمى علي بس ماغبت عن الوعي بشكل كامل هو جا ودخل الغرفه وجاني ركض وشالني وقالي شفيج!! شنو صار !! اطلبلج الاسعاف !! كان وااااااايد خايف علي ويرتجف ومب عارف شنو يسوي جاب ماي وغسل ويهي وخذا عبايتي وانا رحت بدلت ونمت عالسرير وهو جاني وحضني وقعد يصيح ويقولي احبج والله احبج وقعد يستغفر ويتعوذ من ابليس وبعدها قالي بيطلع شوي لانه مختنق طلع ورجع .. في اليوم الاول بعد اللي صار يعاملني بشكل رسمي قلت انا يمكن لانه امس اللي صار قوي يبيله وقت وانا قعدت اقوله احبك وادلعه وسويت له غدا حلو وسويت له هصير كوكتيل من اللي يحبه وسويت له سلطه فواكه وكل شي يحبه والله سويته له وهم نفسي الشي قلت ماعليه مر اليوم الثاني ونفس الحاله قعدت بعد ادلعه واطرش له شعر وكلام حلو واايد واقوله احبك ومن هالكلام الحلو يغير السالفه ومر اليوم الثالث ونفس الشي يعتملني بجفاف قلت له حبيبي انا وايد تعبانه شفيك مب قلت لي اللي فات مات وانسي اللي صار ولا كأنه صار شي وايش هالمعامله انا ياجماعة الخير اتضايق يوم يعاملني بهالطريقه لاني احبه وادري هو شكثر يحبني بس وايد يحب يعاقبني وعلى امور تاافه يسويها هو كبيرة ويخلق مشاكل بينا المهم مر اليوم الرابع ونفس الحاله انا هني خلاص تعبت طحت بدوامي مرة وكله مصدعه وجامي اسهال مايوقف انصلت ع امي قلت لها في سوء تفاهم بيني وبين زوجي عادي اكلم خالتي هو امه واايد واايد طيبه طيبتها مب طبيعيه نفس طيبة امي قالت لي الوالده كلميها وفضفضي عشان لاتتعبين اكثر وامي قالت لي صوتج تعبان وايد واحسه منقهر المهم رحت حق خالتي وقلت لها هي استغربت قال كل هذا صار عشان الغشوة وخير ياطير ماحطيتها بس يلا هو يغار عليج بس زودها وايد عقبها كلمت امي وقلت لها خالتي شنو قالت لي انا كنت بالغرفه وزوجي كان واقف عند الباب يتسمع وسمع اني قلت حق امي طبعا قال بطلي الباب وفتحت الباب دش ويها كان نفس اللي بالسيارة انتي شقلتي وليش تقولين ووقعد يصارخ ويقول زين اني مب اهبل وغبي ولا انا كنت بالشارع اللحين انا انصدمت شنو هالكلام !! وشي طبيعي البنت بس تكون ضايقه تقول حق امها وانا ياليت بعد قلت لها كل شي قلت لها اشياء عاديه المهم عصب وقالي انا ما ابيج وانا مابي هالزواج وغلطه وبصلح هالغلطه وكل بدايه لها نهايه واحنا للحين عالبر انا انصدمت انصدمت هاي اللي احبه وحبني وخذاني عن حب يقول جي وياليت اللي بينا مشكله بس هو خلاها مشكله ومشكله حلها الانفصال انا وربي ماتحملت قعدت اصيح ومنصدمه منه بكل سهوله يبيعني وهي معروفه اول سنه زواج يكون فيها مشاكل ومشاكل كبيرة كب نفس اللي صار بينا شي تافه وخالتي يات وقالت له هو شنو اللي صار من حبها لك وقهرها قالت لي وانا نصحتها وقالت حق امها وتقول حق امها من قهرها منك وقعد يقول انا هاذي شلون بأمنها ع اسراري شلون بأمن فيها شوفي يما انا اسوي لها اغراضها وارتب معاها ومافي ريال بالدنيا يسوي اللي اسويه لها ( طبعا دايما يقولي هالكلمة مافي ويال يسوي اللي اسويه لج) ويقول اشتري لها واجيب لها خالتي قالت له طبعا هاي من واجباتك تييب وتشتري وتصرف عليها ( هو حسباله يوم يصرف علي ويسويلي طلباتي يعني هاي كرم منه مب من واجباته ومسؤولياته) وقعد يعايرني بكل شي يسويه واخر شي واكبر شي وصدمني وكسر قلبي يوم جاب طاري ولد عمي كنت مخطوبه له وماصار نصيب لانه كان مب كفو قالي زوجي روحي شوفي ولد عمج اللي كان خاطبج شلون كان بعيشج وشلون كان يبج تسوين وقعد يعايرني بسالفه انا ما احبها وقلت له هالسالفه وايد اكرها وربي عايرني بكل شي ماخلا شي اللحين انا قلبي مكسور وايد وايد وايد قوليلي اكمل معاه ولا ممكن من مشكله تافه ثانية يقولي روحي بيت هلج ؟؟ قولولي هاي واحد يحبني !! انا قلبي انكسر واللي انكسر ماينجبر 😔
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بسم الله الرحمن الرحيم والصلاة والسلام على اشرف الانبياء والمرسلين
حبيبتي قبل كل شي بارك الله لكما وبارك عليكما وجمع بينكما في خير
اختي الحبيبة
يقول المثل اكبر منك بيوم اعرف منك بسنة ..عشان كذا ابيك تعتبريني اختك الكبيرة ..وابيك تثقين فيني وتاخذي بكلامي ..
حبيبتي
الرجل يختلف عن المرأة ...تحديدا الزوج يختلف عن الزوجة ....عشان كذا لازم نتفهم ونراعي هالشي ونستوعبة قد مانقدر
اختي زوجك وضعه طبيعي جدا جدا
والناس اجناس وانتو لساتكم بأول المشوار ...هو بقد ما انو موقفو طبيعي بس كمان غلطان
يجي الحين دورك
انك تتفهمين سبب زعله عليك
ترا اصعب شي عند الرجال لمن يحس انو كلامة مهمش وغير مهتم به
هو ارسل لك وقال تغطي ....يمكن نسيتي صح ..بس هو طبيعي لمن شافك ماتغطيتي راح يزعل
وكثير عجبني موقفك منه يوم حاولتي تتناسين الموقف وتراضينه ..بس كمان هو ماراح ينسى بسرعه ...لأنو يحبك ...فبتقعد السالفة ببالة وقت
اختي
حاولي تتفهمين مصادر الإزعاج بحياتكم وتتفادينها ...وتتفهمينها وتتحملينها
لساتكم بأول المشوار
ولا تلومية يوم زعل انك وصلتي السالفة لأمة وامك شي طبيعي يحس انو رجولته انجرحت ..لأنو الرجل ببداية حياتة مع زوجته يسعى لتكوين بيته وخصوصيته ويحاول يحس انو الكل بالكل ...فقدري مشاعرة ..وحاولي تفضفضي بأقل قدر ممكن
ختاما
صدقيني وانا اختك الموضوع جدا بسيط وربنا يسعدكم ويبعد عنكم كل شر ويوفقكم في حياتكم
انتي بس تحتاجي شوي صبر واقري كثير للدكتورة ناعمة الهاشمي وراااح تستفيدي وترتاحي
__________________________________________________ __________
>>>> الرد الثاني :
تفضلي اختي ....اتمنى تستفيدي من هالارشادات المنقولة
https://forum.hawahome.com/clientscr...es/extra56.gif
إرشادات و حلول :-
الحياة جميلة و نعمة قد انعمها الله سبحانه علينا , و هي رائعة و ايجابية بقدر ما يكون تفكيرنا ايجابيا نحوها ....و الايجابيات في حياتك مع زوجك كثيرة و عديدة ما شاء الله كما ذكرتيها في وصف الحالة, و ندعو الله ان يرزقكما الذرية الصالحة و يوفقكما لنيل خير الدنيا و الاخرة ....
و هو نوع من الابتلاء يبتلي سبحانه به عباده (ان الله اذا احب قوما ابتلاهم) لخير هو اعلم به منا .... و الصبر علىالتأخر في الانجاب مع العمل بالأسباب هو خير طريق ...- لتبسيط فكرة الاعتذار بين الزوجين و الاعتراف بالحقيقة و لو كانت مؤلمة ؛ على الزوجين ان يفهما ان حياتهما ملك لهما وحدهما ... فبإمكانهما جعلها حياة ملؤها المودة و الرحمة و العاطفة الجياشة ان رغبا في ذلك ... و بإمكانهما تحويلها الى جحيم ... حفظنا الله جميعا ... و ان عليهما ان يتيقنا بأنهما ليسا في معركة طاحنة او حرب ضروس ... - لا نريد ان نقول ان على الزوج الا يتأثر بالقيل و القال ...
و لكن من الاولى ان نوصي نساءنا بالابتعاد عن كثرة القيل و القال و تفسير تصرفات الاخرين تفسيرا يجانب الصواب ... و كله سوء ظن و سوء فهم ... مع العلم بأنه من السهل ان يتم اغلاق الطريق امام كل هذه المنحنيات بالسؤال عن المقصود في وقت الحدث ... فعندما نسمع كلاما فيه ازعاج اما ان اتغاضى عن الموضوع و اتجاهله او اني استفسر اكثر من صاحب الموضوع و لا اتركه حتى افهمه ....
-مهارة التفريق بين الفعل و الفاعل مهارة فعالة و رائعة في الحياة الزوجية ... حيث ان الانسان السعيد يفرق بين اي تصرف سيء و صاحب هذا التصرف ... فعندما يقوم الزوج بأي امر غير جيد فعلى الزوجة ان تكره التصرف الذي قام به زوجها و ليس ان تكرهه هو شخصيا ...-لتدخل الاهل في حياة الزوجين حدود ... و اول خطوة لتخطي المصاعب هي السرية و الخصوصية في الحياة الزوجية ... وعدم اخراجها عن اطار الحياة بين الزوجين ابدا ...-هناك مادة رائعة ترشدنا الى طرق تنمية الحب بين الزوجين للدكتور جاسم المطوع ... ارشدك للاطلاع عليها .. و كذلك مادة كيف تكسبين محبوبك و كيف تكسب محبوبتك للدكتور صلاح الراشد ...
https://forum.hawahome.com/clientscr...es/extra54.gif
__________________________________________________ __________
>>>> الرد الثالث :
__________________________________________________ __________
>>>> الرد الرابع :
__________________________________________________ __________
>>>> الرد الخامس :
