(ارجوا افادتي ) [تم التأويل]
عنوان الموضوع : (ارجوا افادتي ) [تم التأويل]
مقدم من طرف منتديات بنت السعودية النسائي
سبحان الله لي فتره احاول انزل موضوع ومايفتتح معي يطلع لي لاتمللك صلاحيه للدخول الى هنا
واليوم جيت اجرب صدفه ضبط الحمدلله..
عندي رؤيا واتمنى انها تتفسر..
حلمت فيها اليوم (وانا غير متزوجه وعمري 23)
حلمت اني ادرس انا وبنت خالتي وبنت الجيران بالمعهد بس شكل المعهد كمبنى مدرسه وانه فرحانين
واول يوم بالدراسه ورحنا ندوام وكان كبير والقاعه كبيره حق المحاضرات وعلى ماعتقد انه حضرنا
محاضرات ودروس من اول يوم ونزلنا للساحه وفطرنا وانتهى الدوام وكان فيه حارس المعهد ينادي على
الاسماء وطبعا جنب الحارس فيه الحاجز الي يكون عند البوابه على شكل جدار ونزلنا عند الباب احنا
الثلاثثه نشوف السواق مالقيناه قمنا لقينا بنات جالسين وجلسنا ننتظر معهم وشوي تذكرت اني حافيه
وماني لابسه جزمتي ( الله يكرمكم)قمت قلت لهم اوه نسيت جزمتي واني نزلتها فوق بالقاعه او
مدري وين حطيتها واني مستغربه ليه نزلتها لقت لهم انتظروني بطلع اجيبها وادور عليها
وانا طالعه لقيت وحده من صحباتي ايام المتوسطه سلمت عليها وانبسطت اني شفتها (واهي بالحقيقه
علاقتي معها للحين ومن ايام دراستي بالمرحله المتوسطه واهي غير متزوجه)
المهم قلت لها تعالي اطلعي معي بروح ادور جزمتي قالت طيب وطلعت ادور وادور مالقيناها
وفيه قاعات كثير قلت لها تصدقين مدري انا باي قاعه حضرت محاضراتي ولاادري وينه فصلي تخربطت
من كثر القاعات ولاادري اي وحده الي درست فيها قالت والحل قلت مدري لازم ندخل وحده وحده
ونشوف اكيد بتذكر الشكل او انه نسأل احد من الاداره ان اسمي باي فصل وبنعرف وجلسنا ننتظر احد
مافيه لانه نهايه الدوام وشوي طلعت وحده من الادارايات تبي شي من مكتبها وواضح انها مشغوله قلت
ماحد بيرد علينا وانه لازم احنا ندوررها افضل وشوي الاقي ثنتين من صحباتي جايين وبعد اهم من ايام
المتوسطه معي قمت قلت وش ذا دايم يوم اكون مع هذي صحبتي (اسمها اميره) الاقيكم انتم تطلعون
واشوفكم وسلمت عليهم ومشيت ندور على الجزمه وننفتح قاعه قاعه واستغربت انه باخر الدوام وفيه
طالبات او حريم كبار يدرسون وفيه صغار وفيه مدرسات بس العدد قليل قلت بخاطري اكيد هذولا يوم
ينتهي دوامنا تجي دفعه ثانيه ومستحيه كيف ادخل وااسالهم عن جزمتي وصرت افتح الباب واطالع
عشان افتكر هل هي ننفس القاعه الي درست فيها عشان ادخل وادور شوي بالصدفه فتحنا الباب
لقيت قاعتي قلت تذكرت هذي اهي وانه احنا زيناها ورتبنا الجدران ودخلنا انا وصحبتي
وكانت فيه مدرسه وبنات قلت معليش بس جالسه ادور جزمتي نسيتها لاني بروح الحين وشوي لقيت
طاوله نزلت راسي تحت وبشوف قمت لقيت جزمتين اعتقد او 3 ووحده سوده والباقي مااذكر لونهم
قامت صحبتي تقول يالله خذيها هذي حقتك قلت مدري مافتكرها اصلا ولاافتكر انا وش كنت لابسه راحت
المدرسه قالت ان هذي الجزم الي موجوده حق وحده بنت نزلتهم وانهم مو حقي قلت ماذكر اصلا انا
حقي وش نوع الجزمه او وش لونها وفيه بلوكنه قلت معقول تكون جوه نسيتهم وفتحت البلوكنه
ومالقيت جزمتي قلت لها خلاص مو موجوده قومي ننزل قالت وش بتسوين قلت مدري خلاص انزل
حافيه واصلا على طول بركب بالسياره ونزلت للبنات وقلت لهم مالقيناها واعتقد وحده اعطتني شراب
قالت البسيه عشان لاتدعسي على حجر او شي يعورك ولبسته وصحيت من النوم...
اتمنى تتفسر لي الله يسعدك دنيا واخره يارب
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
__________________________________________________ __________
>>>> الرد الثالث :
__________________________________________________ __________
>>>> الرد الرابع :
__________________________________________________ __________
>>>> الرد الخامس :
