حلم مقلقني ومعور رآآسي .. بآرك الله فيك يآليت تفسرهـ
عنوان الموضوع : حلم مقلقني ومعور رآآسي .. بآرك الله فيك يآليت تفسرهـ
مقدم من طرف منتديات بنت السعودية النسائي
السلآم عليكم ورحمـة ط§ظ„ظ„ظ‡ وبركاته
رأيت أننـي في بلاد الغرب مع أهلي .. أنا خرجت من السكن ولا اذكر هل معي أحد من أخواني أو لا
رأيت طفلآن جالسان القرفصاء ومستندين كل واحد ع جدار بينهما الزاويه .. والمكان يشابه ساحة منزلنا بالوقع
كانا طفلان يتيمان يهوديان .. أنا في بالي هالشي وانا اشوفهم ..
مادري بدا كانهم مختلفين او محتارين .. اخرجت النقود لأعطيهما اياها .. اذكر النقود كانت ريالات لأني لم
اصرف النقود بعد .. اعطيت أحدهما 5 ريالات وعدت لأعطيه أخرى وللآخر 10 ريالات .. لكن الطفل الاول
رفع النقود باتجاه السماء وكنا بالنهار .. يتفحصها
فجأة بدأ بالصرآآخ و"يطامر" بعصبيه وخوف مادري وس قصته .. وفي بالي بهذاك الوقت انه قرأ السعودية
وبالطبع حنا عندهم ارهابيين والطفل الآخر خايف مو راضي ياخذ مني وهو يطالع رفيقه وهو يصارخ
فجأة شفته يهدد ويأشر بصبعه وكان أكبر من قبل يعني صار تقريبا 16 سنة ويكلم بجواله
أنا استغربت !! هذا وأنا بس سعوديه بيصير لي كذا ؟؟ مالي تهمة
جا بلمح البصر واحد طويل وجثه يبي ياخذني معه .. طبعا ما قبل أنا وهربت منهم
صرت أحوس بالشوارع وبعد فترة عدت للبيت .. كان عند أهلي خبر انهم يبحثون عني
بعد كذا رحت للبيت صرت أقول لأختي اللي صار مع الطفلين وماكنت معصبة عااادي
وكنت مركزة انهم يهود .. وكأني احكيلها عن الحلم .. واقول بنفسي او لها اني لازم افسره هالحلم
اذكر كنت ابزور صديقتي كـ مفاجأة .. وماكان في بالي انها بالخارج معنا يعني كأنها بالسعوديةلكن شكل بيتهم مختلف
وشفتها بين أخوانها بالصالة واذكر وجهها كان كثير حبوب به مو هي اللي اعرفها متغيره
والدي طول الحلم ماشفته ولا بان .. ولا حتى دافع عني بكلمة .. ماشفته
وقت ما جاوا .. كنت في بالي عارفة من بلغهم عن مكاني وهي أعز صديقة وبالواقع هي أخت وأكثر
قلت للي بياخذني معه اني ابدخل شوي بس بودعها
رحت لبيتها وأنا الدم يغلي وهي كانت ع سريرها ومستغربه بس شكلها عادي مو مثل قبل .. قلت لها ارتحتي الحين يوم وصلتيهم لي ؟
وهي ماقالت شي بس قالت اني مو فاهمتها او هي تبي مصلحتي.. من هالكلام
أنا سكتتها وقمت اهاجمها بالكلام ومن أول مابديت حكي وصوتي اختفى مع بكي .. وحوسه
وهي ولا علقت بكلمة ببرود تسمعني وهذا زادني قهرر ..
شوي حسيتني دخت عندها وكنت ع ووشك اغماء .. ولا اذكر وش بعدها
طلعت من البيت وانا اقول لأختي قولي آمين انهم نسوني الا شفناه واقف ع جنب عند البيت
عاد جا هالجثة بيتنا ويبي ياخذني معه .. وكانت السيارة كبيرة
وقالي باخذك للنـآر ,, أنا هنا اعصابي تلفت وصار قلبي يوجعني من الخوف
قلت له مو بكيفك النار لرب النار مو لكم
قلت له رفيقكم قال يتاخذوني لصحرا أو شي مثل كذا .. قال هنا مافيه صحارى
بنخليك تشتغلين شغل تعذيب مثل النار .. يعني تشبيه
وبهالوقت ايضا حسيت برغبه اروح لصديقتي نفسها واعطي أي أحد رسالة توصلها .. وطلعت اختها الصغيرة تقول امي عندها حريم مشغوله .. كنت بقولها قوليلي لاختك اني بشتآق لها هناك حتى وهي كارهتني وسوت معي كذا .. بس صغيره البنت ،، رحت داخل واذكر شفت بنات وحريم كثير كأنه عندهم ملكة لبنت خالتهم او قريبتهم .. وشفت العروس واقفة ترها واصله وتطالع فستانها معلق .. ما انتبهت فيني ورحت عنها .. وطلعت قبل اوصل لصديقتي .. ورجعت لنفس المكان
وأنا من كثر ما الموضوع ضخم في بالهم نسيت تهمتي .. اقول لأختي معقوله هم يسوون لحريمهم كذا ؟
وانا في بالي انهم متهميني بزنا اعوذ بالله ونسيت سالفة الطفلين.. لأني سعودية وكإنتقام
دق جوالي .. رديت ع أمي وهي تقول كيف الحين ؟ وحنا أخطنا أغراضك وملابسك معنا
لأنهم كانوا ينقلون عفش هي وواحد من عيال خالات او خوالي ... بيغيرون السكن
اللي مستغربته يوم صحيت انه ماحد حاول يغير شي أو يدافع او ينحط لي محامي أقلها
مستسلمين وامي ما تحاتي الا الملابس
قلت مو لازم جا ال..... سميته بحيوان من القهر
عاد هو كل شوي يمسكني مع يدي اليمين ويسحبني وانا اسبطأه
شوي جاني انتظار من صديقتي نفسها
رديت بدون نفس .. سألتني عن حالي قلت لها بسخريه / أبد ! بس بياخذوني للنـار ع قولهم .. عساك مرتاحة الحين؟
قال لا والله ومادري وشو .. وش قالي عن الشغل قالت يوه بياخذونك للأماكن العليا مادري مرتفعه
قلت لها وشو؟؟ ما كنت سامعتها .. فكرتها تبكي هي علا صوتها بالبكي .. بعدين عادي طلعت تستهبل
قلت لها بروح هو يحن .. وأنا ماراح اقدر أكلمكم الا اذا شريت جوال .. لأني بخلي جوالي عند أهلي مابي افقده هناك
قلت لهـا دعواتك وأنا مخنوقه وقفلت
وبس كأني بروح معه .. بس انقطع الحلم
** بنص الحلم جلست .. وغفيت بدون مآحس وكمل عندي الحلم ولما جلست مرة ثانية قمت من السرير
وأنا مو مستوعبه انه حلم .. قمت عشآن ما اشوفه يتكرر
** كل احساسي وبكيي حسيت فيه وكل شي كآن قريب للواقع ..
** أنا مقصرة مع ربي كثير .. أتمنى يكون تنبيه لأني تعبت عشآن أصلح نفسي وارجع مرة ثانية لنقطة الصفر
وياليت لو تفسيره مو طيب ما تفسره .. بس ضروري اعرف موقع صديقتي من الحلم .. يعني ليه سوت معي كذا ؟
عافاك ربي وآسفه ع الاطالة بس أحس كل هالاحداث اذكرها ومهمة ..
أتمنى ما يكون التفسير متأخر لأني جيت هنا عشآن زحمة الرؤى بمنتدى ثآني .. وهالحلم مرة ظ…ظ‚ظ„ظ‚ظ†ظٹ ومآقـدر أصبر عنه ..
أخــيتك //
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
معليش ماعاد ابي أفسر .. تأخير فوق المعقول ..
تم تفسيرة من فترة طويلة في مكآن آخر
وإذا ماعندكم رغبة بالتفسير أو المتابعة المفروض يكون القسم مغلق !!
هذا الشي بكذا قسم مو بس هنا .. الله الهادي بس
__________________________________________________ __________
>>>> الرد الثاني :
__________________________________________________ __________
>>>> الرد الثالث :
__________________________________________________ __________
>>>> الرد الرابع :
__________________________________________________ __________
>>>> الرد الخامس :
