في السوق ياعرب امي هاوشتني خواطر جميلة
عنوان الموضوع : في السوق ياعرب امي هاوشتني خواطر جميلة
مقدم من طرف منتديات بنت السعودية النسائي
والـلـه هَـذا الــلـي حـصـل قـبـل شـهـريـن
في الـسـوق وامـي يـاعـــــرب هـاوشـتـنـي
.
واجـهـت وحـده حـابـكـه رســمة الـعـيـن
ورمـوشـهـا مـن غـيـر ذنـب اطـعـنـتـنـي
.
الـبـنطـلون اسـود وفـيـهـا مــــن الــزين
شــيً تــعـدى الـعـقـل لـــيــن اسـبـهـتـنـي
.
غـيـر الـعـبـايـه كـتـف والـخـالـق يـعـيـن
ومـخـصـره لا والـلـه الـلـي انـــــكـبـتـنـي
.
صـديـت عـنـهـا وكــانـو الـنـاس لاهـيـن
وابــلـيـس راودنــي وهـــــي راودتــــنـي
.
وامـي تـفـرج فـي المـلابـس عـلــى هـون
مـاهـي بـيـمـي وفي الـمـحـل خـابـرتـنـي
.
مـشـخـص وكـاشـخ .. وانـا مـاني بــشـيـن
اعجـبـتهـا وهي واللـه اللـي اعجـبـتـنـي
.
هـي اقـربـت مـنـي ! وانـا ارحـب اهـلـيـن
ومـن دون مـشـعـر يـاعــرب خــامـسـتـنـي
.
واصـل الـمحـل فـخـمً ! ومـقـسـوم دوريـن
ويـم الـدرج ! رجـلـيــــن حـضـي خـذتـنـي
.
الا امـي اتـنـــــــــادي ؟ ورع رايــحً ويـن
وفـكـيـتـهـا وهـي اطـلـعــــت وتـركـتـنـي
.
قـالـت وانـا امـك ؟ انـت ورعً لـهـالـحــيـن
وبـشـنـطـة ً مـعـهـا زعـلـت ولـمخـتـنـي
.
وعـمـري تعـدى فـوق سـتـه وعـشـريـن
ولازلت ورع في عـيـن مـنهـي اولدتـنـي
.
وضـحـكـت واتـعوذت مـن هـالـشـيـاطـيـن
ومــن نـفـسـي الـلـي لـلردا طـاوعـتـنـي
.
واستـاهـل الـمـخـه وكــــــفً وبـقـسـيـن
وحـسـبي عـلى اللـي راحـت وورطـتـنـي
.
والـلـه هَـذا الــلـي حـصـل قـبـل شـهـريـن
فـالـسـوق وامـي يـاعـــــرب هـاوشـتـنـي !!
راقت لي
القصيده اعجبتني حبيت انقله
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
هلابك يالغالييه __ منوورة القسم
ما راق لك ياقلبي راق لنا
الله يجزاك خير في انتظار جدييدك
__________________________________________________ __________
>>>> الرد الثاني :
منقول جميل بوركتي ووفقتي للخير كله اختي الكريمه
__________________________________________________ __________
>>>> الرد الثالث :
يا حلات هالقصيدة
__________________________________________________ __________
>>>> الرد الرابع :
__________________________________________________ __________
>>>> الرد الخامس :
