قصيدة مؤثرة ياليتني خادمة بين اياديك قصائد و خواطر
عنوان الموضوع : قصيدة مؤثرة ياليتني خادمة بين اياديك قصائد و خواطر
مقدم من طرف منتديات بنت السعودية النسائي
الموضوع عن شاب ترك امه
في دار العجزه ونساها او تناساها
.. فحبيت انقل لكم
معاناتها في الابيات اللي سمعتها في اليوتيوب
والله القصيده نزلت الدمع من عيني
هذة الكلمــات
وين انت يا حمدان امـك تناديـك
وراك مـا تسمـع شكايـا وندايـا
يا مسندي قلبي على الدوم يطريـك
ما غبت عن عيني وطيفك سمايـا
هذي ثلاث سنين والعيـن تبكيـك
ما شفت زولك زايـر يـا ضنايـا
تذكر حياتي يـوم اشيلـك واداريك
والاعبـك دايـم وتمشـي ورايـا
ترقد على صوتي وحضني يدفيـك
ما غيرك احدٍ ساكن فـي حشايـا
واليا مرضت اسهر بقربك واداريك
ما ذوق طعم النوم صبـح ومسايـا
ياما عطيتك من حنانـي وبعطيـك
تكبـر وتكبـر بالأمـل يـا منايـا
لكن
خساره بعتني اليـوم وشفيـك
واخلصت للزوجه وانا لي شقايـا
انا ادري انها قاسيـه مـا تخليـك
قالت عجـوزك مـا ابيهـا معايـا
خليتني وسط المصحه وانا ارجيك
هذا جزا المعروف وهـذا جزايـا
يـا ليتنـي خدامـة بيـن اياديـك
منشان اشوفك كل يوم برضايـا
مشكور يا ولدي وتشكر مساعيـك
وادعـي لـك الله دايـم بالهدايـا
حمدان يا حمـدان امـك توصيـك
اخاف ما تلحق تشـوف الوصايـا
اوصيت دكتور المصحه بيعطيـك
رسالتـي واحروفهـا مـن بكايـا
وان مت لاتبخل علـي بدعاويـك
واطلب لي الغفران وهـذا رجايـا
وامطر تراب القبر بدموع عينيـك
ما عـاد ينفعـك النـدم والنعايـا
منقول
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مشكوره وتسلمين
يسلموووااا
__________________________________________________ __________
>>>> الرد الثاني :
كلمـــآت مـــــؤثرة
شكراً لكــــــــــِ
__________________________________________________ __________
>>>> الرد الثالث :
يسلموووووووو وربي الشعر رائع والكلمات جدا مؤثرة الله يصبر الام ويعوضها خير ويصبر جميع الامهات ويهديننا ويصلحهم
__________________________________________________ __________
>>>> الرد الرابع :
__________________________________________________ __________
>>>> الرد الخامس :
