( ام زوجي مصيبه واخت زوجي عقربه وشغالتنا سحاره وعمته ملسنه وخالته سوسه ) سعودي
عنوان الموضوع : ( ام زوجي مصيبه واخت زوجي عقربه وشغالتنا سحاره وعمته ملسنه وخالته سوسه ) سعودي
مقدم من طرف منتديات بنت السعودية النسائي
زوجي مره عصبي ويبالي اوريه العين الحمرا وارد عليه زي مايخاصمني اصارخ في وشه وزي مايسبني اسبه
وماذيني مره وكل يوم سهر وطلعات اوف منه مزعج ويهاوش على كل صغيره وكبيره مايصبر
زوجي حق حريم واكتشفته مع الشغاله ومع جارتنا وياربي منه مانطلع طلعه الا عيونه زي الرادار https://static.hawaacdn.com/images/h...s1/smile04.gif
اما امه ظ…طµظٹط¨ظ‡ تقعدلي على الدخله والطلعه وتقول اكلي الاولاد انتبهي لهم هيا اشلها واشلي والا يوم تبغانا نوديها مستشفى هيا شوفوا كمان نتمشى تبغا تروح معانا اش الهم دا قاعده على قلبي مو طايقتهاhttps://static.hawaacdn.com/images/h...s1/smile05.gif
اخته ط¹ظ‚ط±ط¨ظ‡ متهنيه مع زوجها وفوق كدا مو سايبتنا لوحدنا بس تبغا تجينا وتزورنا ناقصينها احنا والا شوفي زوجها مدلعه وهيا مو باين في وشها يستاهل وحده ست رقبتها https://static.hawaacdn.com/images/h...s1/smile21.gif
عمته وي وي ظ…ظ„ط³ظ†ظ‡ مرررررره ماتسيب احد الا تتلاسن عليه وتدق بالكلام اش الحورمه دي كيف زوجها طايقها https://static.hawaacdn.com/images/h...milies/eek.gif
خالته ط³ظˆط³ظ‡ في الوش تضحك وتمزح ومن ورانا تقعد تحش ماراح ادخلها بيتي علشان كدا بناتها عوانس تستاهل والا زوجها موريها النجوم في عز الضهر هادي تستحق الدبح تستاهلhttps://static.hawaacdn.com/images/h...s1/smile08.gif
اخخخخخ من الخدامه وجع ماتقوم بدري واقولها سوي تعاند تقول تعبانه تعبانه من ايش ان شاء الله
تقوم تسعه وتكنس البيت وتغسل الحمامات بس وتغسل صحون الضهر وبراد الشاي وتقعد شويه مع البزوره وترفع غرفهم لو قربعوها وبعدين المغرب يجونا ضيوف او نسوي حلى وتقعد بالمطبخ ترتب واخر الليل ترتب العشا
هيا بالله عليكم اش عندها وبعدين تقول تعبانه
اقولها انزلي جيبي من البقاله ونزلي القمامه وكنسي الدرج والحوش تتافف وجع في شكلها لو ببلدها مو شايفه نص النعمه يتمردوا علينا لولا الحاجه ماجبتها بلاء لابد منه اش القرف دا مو طايقتها مره شوفي شكلها المعفنه لاوتطالع لزوجي من تحت لتحت قسم بالله لاافقع عيونهاhttps://static.hawaacdn.com/images/h...ies/angry2.gif
بالله صدقتوا الكلام دا كله https://static.hawaacdn.com/images/h...s1/smile36.gif
كم بالله عليكم مر عليكم شي من كدا او اخس كمان هادي عينات قريتها وسمعتها ممن حولي اتفاجا بالكلام دا
ليه احنا فين عايشين في شفافيتنا في قلوبنا الطيبه النظيفه في تعلقنا بحبال الله
نجي لكل نقطه وحده وحده
زوجك مو هو ابو اولادك وهادا الانسان اللي يوم كنتي ببيت اهلك تقولي يارب ارزقني زوج يارب اتزوج ويارب ويارب ويوم تجي النعمه نقوم نسوي كدا
حتى لو سهران اتسلي دوريلك شي تستفيدي منه مو قرقة حريم
الرجال عيبه لو مايصلي او سكير هادا اللي ماتصبر عليه
الضرب تصبر راح ربي يجازيها بس عاد مو مره هو كمان يتمادى لالالا في حدو سهران مو مشكله والله يابنات في حريم ياما اشتكوا من رجالهم يوم راحوا بين ايادي الرحمن لطموا وحده كانت تلطم يوم زوجها يقضي لانه تبارك الرحمن يقضي بكميات كبيره يوم مات مالقت مين يجبلها شي
طيب اش عيب زوجك عصبي احتويه اسكتي يوم يبربر يرجع يسكت يرجع يستحي من سكوتك ويتاسف
مااتاسف مو مشكله مانقص منك شي تقولي صاحبتي زوجها يتاسف لها مو اصابعنا زي بعض لاتسمعوا لكلام الصاحبات نصيحه مايودينا ورا الا كلامهم واصحك تقارني بين حياتك وحياتها لكل انسان طباع
زوجك اتربى في مكان غير اللي اتربى فيه زوجها وكمان لكل انسان منطقة عمل يمكن عمله مريح عمل زوجك فيه ضغط
تقولي ليه يحط حرت عمله فينا طب هو لمين يتعب ويشتغل وينحرق في الشمس وربي خرجت كم مره بالظهر سرت مريضه ط²ظˆط¬ظٹ يضحك عليا يقول زبده اقول الله يعينكم وبعدها سرت احرص البيت يكون بارد لما يجي ونكون هادئين
لكل انسان وظيفه اني بتتعبي هو بيتعب تقولي هو مايتحمل لانه ربنا خلق الحريم صبورات
اخواتي زوجك زوجك ضلك بالحياه بالله كل وحده تفكر بس لمجرد التفكير لما تجي تنام وتحط راسها على المخده بالله لو مات لاقدر الله انا اش اسوي اهلي يشيلوني اوكي طيب والمصروف والحمايه الا ماتجي مشاكل من اخ من اخت ووووو وياما سمعنا
تقولي ط²ظˆط¬ظٹ خاين اقولك اصبري لانه الله وعد وقال وبشر الصابرين وكم من زوجه كانت سبب في هداية زوجها
تقولي لبست اتشيكت احتويته مو باين في وشه اقولك اصبري راح يفتكرها يوم والللللللللللللللللللللله
حبيباتي نصيحه مني لكم اسمعوها وطبقوهاااااااا
نجي لام الزوج ليه مو طايقته تدخل في اولادك خليها لانها تعبترهم زي اولادها لو ماتحبهم ماتنصحك لو ماتحبهم ماتقولي سوي وافعلي ماشاء الله يعني متعلمه وهيا اللي ربت بالكوم ماتعرف تسوي شي
ياعالم ام زوجك اتخيليها امك عمرك ماراح تفرقي بينهم بالمعامله
امك لو طولت لسانها عليكي راح تردي طبعا لا اجل سوي كدا مع ام زوجك هاديها بالهدايا البسيطه والله افتكر ام ط²ظˆط¬ظٹ سويتلها هديه من صنع يدي وكتبت عليها اسمائنا انا واولاد يومها بكيت بكى وحسيت الفرحه في عيونها وبس تبوس الاولاد سبحان الله اولادي يوم يتنوموا بالمستشفى تبكي عليهم بطريقه غريبه يوم تودعهم وتسافر تبكي الله يخليها لنا
ام الزوجه بالمقعد الامامي ايوا ليه لا هيا مو كل يوم راح تجي معاكم اشفيها لو راحت اتمشت معاكم راح تاكل زياده راح تركب على راسي بدي اقعد بجو رومانسي مع ط²ظˆط¬ظٹ ماحبكت هاداك اليوم
ام ط²ظˆط¬ظٹ تبغا تبات عندي اخليها بغرفتي اش المشكله مو انسانه ولاننسى اولا واخيرا هيا ام الانسان اللي انا مرتبطه معاه ابو اولادي هيا جدة اولادي وهيا الخير والبركه
تتحشر بكل شي معليش طبع الكبار يحبوا يساعدوا يحبوا يتدخلوا
ههههههههه اقولكم على موقف ستي الله يخليها لنا كم تنصحنا على اللبس وعلى الصلاه وتشوف وجيهنا تتلخبط وتقول ماعاد انصحكم انتوا تزعلوا تاني زياره لنا في بيتها تعيد النصيحه هههههههه رهيبه ربي يسعدها مايقدروا يشوفوا غلط ويسكتوا او يكتموا معلومه عارفينهم قلوبهم طيبه وشفافه طالعوا لهم بدا المنظور وراح تعرفوا بقيمتهم
اخت ط²ظˆط¬ظٹ متهنيه طيب الله يزيدها صدقوني لولا لساننا كان كنا بخير يعني بلاش نقعد لدي ونشوف دي وهادي تستاهل وهادي ماتستاهل ومتهنيه قولي الله يزيدها ويعطينا
صفوا قلوبكم لو هيا اخت زوجك مو كويسه مصيرها تنعدل لو بعد عشرين سنه
تبغا تتمشى معاكم اش فيها اللمه حلوه اضحكي جيبي هرج يضحك مزح نكت أي شي بلالالاش حش في خلق ربنا
اعتبري اولادها اولادك راح تنبسط جربوا ماراح تخسروا شي
سمعتك كلمه مو طيبه احتسبيها الصبر حلو والله حلوووووو ربي يحلي ايامكم
العمه ط³ط*ط§ط±ظ‡ طيب شفتي شي منها او سمعتي من الناس بس وعلى دا الاساس قولتي كلامك دا
ياجماعة الرحمن كانت وحده في العيله لانها قويه على زوجها يقولوا ط³ط*ط§ط±ظ‡ وكل اولادها الخمسه حظهم زفت ومطلقين وووو ومشاكل بالله عليكم بالعقل نحسبها لو ط³ط*ط§ط±ظ‡ ماكان عدلت حظ اولادها
طيب عمته ط³ط*ط§ط±ظ‡ حاولي تحصني نفسك حاولي تاكلي سبع تمرات على الريق حاولي تتحاشيها وبلاشي من انك تتكلمي عنها او تنشري خبرها الله يستر على الجميع
وحده من عمات ط²ظˆط¬ظٹ الله يهديها كل ماتشوفني تدق بالكلام وربي في الاول ماكنت ادري تتكلم عن ايه وبعدين فهموني واطنش عادي توجع ازورها احد يموت اعزيها أي عزيمه احضرلها وهيا كل يوم تزيد في حقدها عليا ليه ماادري من الله
وكل عيد يوم تشوفني لازم ترزعني كلمتين في جنوبي ابتسم واسكت و احسها من جوتها تولع بس اش اسوي اتضارب اقوله اقطع عمتك لا مو من مصلحتي هادي صلة رحم خليها بكيفها ربنا موجود واللي كاتبه خير ليا راح يسير بحول الله
أي انسانه تحاول تدق بالكلام تلغوص بالهرج ابتعدي عنها صدقيني ماراح تستفيدي شي والخسران زي مايقولوا تقطيع للمصران
خالته ط³ظˆط³ظ‡ وعلى قولتهم في الوش تضحك ومن ورانا تحش والله خير ونعمه تعطيني حسناتها وتاخد سيئاتي خليها
نقص مننا شي زاد شي لو اتكلمت عني طالما انا عارفه نفسي وواثقه منها مااهتز تتكلم من هنا لبكره وفي مثل لو طعنت من الخلف فلازم تعرف انك بالمقدمه
يعني لو مو القهر ماكان احد اتكلم عني لو انا مو انسانه ملفته وناجحه ومحبوبه ماكان اتكلمت عني بغيظ
الشغالات اه من الشكاوي اللي اسمعها من المخدومات للخدم ليه ياناس ليه يابشر ليه ياعالم
مو زينا والا حيوانات والا طواحين
وحده وقسم بالله تبدء الغسيل بعد الظهر تنتهي الساعه اربعه الفجر اقولها يابنت الناس ليه تقول ماادري كم مره الابيض كم مره الملون طيب والحماره دي تقول عادي تنام اربعه وتصحى تسعه
وي وليه تقول خلاص يكفي تكمل شغل البيت وبعدين تنام الظهر لالالا لااله الا الله
من اكثر الناس اللي فرحوا يوم السفارات حقت كل دوله حطت شروط لمكاتب الاستقدام حلال فينا لانه هنا اللي يسير استعباد مو شغل
قبل خمس سنوات اول ماحملت بولدي جبت دادا لاني كنت تبعانه واغلب الشغل عليها مسكينه وفي اشياء اتغاضى عنها وبعد ماولدت وسافرت واشتغلت يالله قعدت ابكي احط نفسي مكانها بالله مااحد فكر لو انا مكان دي كيف لما اهل البيت يصحوني سومياتي قومي غسلي وسخ فلان وسخ بالمبامبرز سومياتي قومي فلان استفرغ مسحي
سومياتي قومي بابا يبا شاي
سومياتي قومي انزلي تحت بابا جاب مقاضي وماادري ليه مايجيبها بنفسه يده مشلولهhttps://static.hawaacdn.com/images/h...milies/eek.gif
بالله دحين تقولوا هما شعب نمرود ومنهم العاصي طيب ماعجبتك مشيها مو نسوي معتقل وهاتك ياكرف https://static.hawaacdn.com/images/h...ies/angry2.gif
في بيت اهلي الله يخليهم ليا يارب شغالتين بس لما اروح اساعدهم اشيل السفره اعبي بالمطبخ والله يقولوا مدام خلاص اجلسي اقول حرام عيله ماشاء الله من كم فرد ويخدموا من صبح الله اشفيها لو ساعدناهم
شغاله كانت عندنا والله كل طيب شافته مننا وسافرت يوم رجعت تشتغل ببيت تاني ماقدرت بس تدق علينا تبغا تجي عندنا وبعدين مسكينه مرضت وسافرت الله يخليكم ادعوالها وسمت ولدها على اسم اخويا والعامل سمى بنته على اسمي وولده على اسم بابا الله يسعدهم
المعامله ياناس هيا اساس الدين
فكروا شويه دايم اقول بالله لو لاقدر الله ربي اراد اكون شغاله ببيت احد انظف حماماتهم والقرف واغسل صحونهم والزفره
واتحاشى تحرشات شبابهم وابوهم ونظراته والعمه ولسانها الطويل وشغلها اللي ماينتهي وبنتهم والسفاهه
الحمدلله والشكر ياااااااارب كل دادا تسافر تكون مبسوطه وترجع تلكمنا يوم دخلت اسوي عمليتي قاعده الدادا حقتي تبكي عليا الله يسعدها
سلفتي وهادي قصه تاني كل وحده تقعد لسلفتها بالمرصاد ليه ماادري
والسلسله تطول وعارفه اني دوشتكم بس كلام في نفسي من زمان نفسي نعدل من نفسنا نفسي الحال يتعدل ونفسي ونفسي ويااااارب يكتب الخير
ياريتي نناقش الموضوع وكل واحد يحط بصمته فيه وياريت لو في حكايه من هنا او هناك تفيدونا يمكن لعل وعسى نستفيد بموضوع كتبته هاشمية من الظهر وكملته بالليل <<<< ازعاج
موضوعي مو مرتب او مزبرق مشوا حالكمhttps://static.hawaacdn.com/PE/2017/11/24/12/004-1.gif
من تنقل الموضوع امانه تتحملها ليوم الدين تذكر المصدر والاسم لاني تعبانه فيه
الموضوع منقول من رتروتة عآلم حواء
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
موضوع روعه والله
كل هالكلام عن الزوج خصوصا في مخي بس ماطبقه دايم ادعي عليه وقلبي يقول وين بتروح عيالك يالله االهم اهدي زوجي وحسن حلقة حنا بنعمه كبيرة ماذا لو استشعرنها
__________________________________________________ __________
>>>> الرد الثالث :
ماشاء الله تبارك الله
تسسسسلمي يانسومه ....الله يبارك فيكي
كلام كله صح وموزوووووووون .......اللهم صل على محمد وعلى آله وصحبه أجمعين
__________________________________________________ __________
>>>> الرد الرابع :
__________________________________________________ __________
>>>> الرد الخامس :
