رز يهبل انا نفسي جربته و أتهبلت * تم إضافة صور * طبق سعودي
عنوان الموضوع : رز يهبل انا نفسي جربته و أتهبلت * تم إضافة صور * طبق سعودي
مقدم من طرف منتديات بنت السعودية النسائي
اليوم جبت لكم اكله ..بس مش اي اكله ..
هي غريبه شوي طريقتها ..والاغرب طريقة تقديمها ...
ممكن اعطيكم نبذه عن الاكله..هي اكله قصيميه وبالتحديد رساويه ..
ومع الوقت صرت فنانه فيها وعلى قولة زوجي اني رزازه <<<< يعني اضبط الرز ... موقلت لكم رساويه الاكله ذي..بس جربيها وماراح تندمين ..
ماراح اطول عليكم ...
المقادير...
2 بصل مقطعه جوانح..
3 م ك صلصه طماطم ..
زيت حسب الرغبه .. انا احب الزيت يكون نوعا ما زياده لان الارز يطلع الذ ..
بهاراتك الي تحبينها ..
فلفل اسود + كمون + شوية ورق غار + شوية قرنفل صحيح + شوية فلفل اسود صحيح ..
لحم حسب الكميه الي تبينها .. انا سويتها بريش تقريبا 7 .. وتسلقينها قبل لمده 20 دقيقه ولازم تحتفظين بمويتها..
الارز حسب الكميه ..
<<<< طبعا والبهارات والبصل والصلصه ممكن تزيدينها حسب كميتك ..
قصدير <<< اهم شئ بالمقادير ..https://www1.xplainer.net/images/smi...1148858089.gif https://www1.xplainer.net/images/smi...1149027269.gif https://www1.xplainer.net/images/smi...1149027269.gif اول نشي نحمس البصل مع الزيت .. ونضيف له ورق الغار والقرنفل والفلفل الاسود الصحيح ...
ونحمسه لحد مايصير لونه اشقر غامق..موبني محروق .....
بعدين نضيف الصلصه +البهارات الثانيه ونحركها شوي ..
بعدين نضيف لها اللحم مع المرقه الي طلعت منه ..وبعد اضافته ونحركه شوي بعدين نتركها على النار لمدة ربع ساعه .....
بعد كذا حبيبات قلبي . تكونين منقعه الرز من قبل وتصفينه بعدين تضيفينه على اللحم ..ولاحظي ان الماء قليل نوعا ما يعني حبات الارز لسى مبينه مو متغطيه بالماء .. وهذا مطلوب .. ثم اتركيه على نار متوسطه مو عاليه ولا واطيه مره .. لمدة ربع ساعه بس ..
لا تخلين مويته تنشف خليه يكون مبلل وبعدها طفي النار .. وخذي قصدير كميه كبيره
وحطيه على صحن الفرن ..
بعدين تصبين الارز بالوسط .. لا تنثرينه لحد الاطراف لا وزعيه شوي لايصير زي الجبل بس مو مره ..
بعدين قفلي القصدير زين عن طريق لف الاطراف للداخل مع الكبس عليها جيدا علشان ما يكون فيه مجال يطلع الهواء برا هذي الخطوه مهمه مهمه مره لازم نكتمه كويس ....
وبعدين دخليه الفرن بالوسط وشغلي النار من تحت بس .. وخليه ساعه كامله ..
اول ربع ساعه تكون النار فيها عاليه ما بين 180 و200 درجه وبعدين خليه يكمل الساعه على نار هاديه 150 او 140 درجه .. تراها بتنتفخ لك جوا الفرن زي البالونه عادي هذا من الهواء.. بعدين اذا خلص الوقت طلعيه من الفرن .. وحطيه بصن التقديم زي ما هو بقصديرته وافتحيها وشوفي الشكل ورتبي شكل القصديره علشانك بتقدمينه فيها مو قلت لكم تقديم غريب .. علشان تستمتعون بطعم الحكاكه ...وممكن تنقلينها بصحن بدون قصديرتها بس بالقصدير الذ مررره ..
ان شاء الله تعجبكم بس والله ترى طعمها شئ ..وممكن تسوينها بالدجاج بس لاتسلقينها قبل زي اللحم لا عادي ضيفها على الكشنه وحركيها شوي بعدين أضيفي الماء وكملي زي اللحم ..
وانتظر ردودكم الحلوة والتشجيع
للامانه منقول وجبتلكم سحور أول يوم برمضان
https://www1.xplainer.net/images/smilies/15.gif https://www1.xplainer.net/images/smilies/15.gif ورمضان مباركhttps://www1.xplainer.net/images/smilies/15.gif https://www1.xplainer.net/images/smilies/15.gif
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
مشكووووووووووووووووره حبيبتي على النقل الراااااااااائع
وان شاء الله نجربه
__________________________________________________ __________
>>>> الرد الثالث :
__________________________________________________ __________
>>>> الرد الرابع :
__________________________________________________ __________
>>>> الرد الخامس :
