قصتي مع المطر في جدة للبنات
عنوان الموضوع : قصتي مع المطر في جدة للبنات
مقدم من طرف منتديات بنت السعودية النسائي
الله يخليكم لا تنسونا من دعائكم
انامن جدة وادرس في جامعة الملك عبدالعزيز وراح اقولكم المعاناة اللي صارت معاي يوم الاربعاء
كنت في الاختبار الساعة 11 في الصباح وبعدين شوية نسمع صوت ط§ظ„ظ…ط·ط± والرعد قامت الاستاذة اخذت الاوراق وخرجتنا وبعض البنات ماكملوا الاختبار وبعدين اتصلت على اهلي عشان احد يجي يشلني بعدين لكن للاسف مافي احد قدر يجيبني لان ط§ظ„ظ…ط·ط± كان قوي والشوارع كلها غرقانة والمسؤولين في الجامعة يبغون يخلوا مسؤوليتهم يقولوا للبنات راحوا على السكن او اتصلوا على اهاليكم فرحت انا للسكن وركبت باص صغير وكان مررررة مليان بنات عشان يوصلنا للسكن وبعدين ط§ظ„ظ…ط·ط± مررررررة كان قوي والشوارع كلها مويات والسواق جالس يمشي في الباص وهو مو شايف شيء من كثر ط§ظ„ظ…ط·ط± والباص كان يتمايل وبعدين هو ماشي صدم في سيارة وكان حينقلب بس الحمدلله ربي رحمنا جلسنا نتشهد انا والبنات في الباص لأن حسينا اننا حنموت وكانت الارصفة في الشارع مو باينة من الموية يعني الباص كان يمشي على البركة وبعدين البنات طلبوا من السواق اننا يرجعنا للجامعة لان ماقدرنا نوصل للسكن والحمدلله رجعنا للجامعة وشية احنا جالسين في المبنى نسمع صوت صفارة الحريق يعني المبنى جالس يحترق قاموا اخلوا المبنى وركبنا يوصلنا إلى كية العلوم لأنهم قالوا هذا المبنى امن والمشكلة ان هذا المبنى كله معامل كيمياء وفيزياء دخلنا فيه وهذا المبنى 3 ادوار وكنا في الدور الارضي والمويه تقطر فوقنا خرجنا منه لان شمينا رائحة غاز ورحنا للمكتبة حقت الجامعة وجلسنا فيها الى الساعة 4 ونصف بعد ماوقفت ط§ظ„ظ…ط·ط± وخفت المويات ركبنا باص وودانا للسكن وجلست الى ان جاء اخويا ووصلت البيت واول ماوصلت للبيت حمدت ربي ان رحمني ونجاني الحمدلله ياربي والحين يغونا نداوم الاسبوع الجاي يعني هذا كله الواحد له نفس يمسك كتاب يذاكر وانا كل ماذاكرت جزئية اسرح وافكر في اللي صار وبعدين ارجع للكتاب يعني مررررررة مشتتة الله يعين بس وحسبي الله على من كان السبب وبدل مايسير اسمها عروس البحر الاحمر صاااااااااااارت عجوز البحر الاحمر
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ههههههههههههههههههههههههههه.........مشكورة
__________________________________________________ __________
>>>> الرد الثاني :
الله يكون في عونكم يااهلي جدة
__________________________________________________ __________
>>>> الرد الثالث :
معاااانااااات مخيفه جدا
الحمد لله على سلامتك والله لطف فيكم
موضوووع قيم
__________________________________________________ __________
>>>> الرد الرابع :
__________________________________________________ __________
>>>> الرد الخامس :
