اخوي تاج راسي.. في السعودية
عنوان الموضوع : اخوي تاج راسي.. في السعودية
مقدم من طرف منتديات بنت السعودية النسائي
https://www.t7di.net/vb/images/bsm4.gif
السلام عليكم و رحمة الله و بركاته
كنت يمكن 3 سنوات او اكبر شوي
و انا اشوفه كنت اضحك عليه لانه يمسك الرضاع بإيديه و أرجوله مع بعض
بس كانت تعجبني حركته لاني ما اقدر اسويها
بعدها كبر شوي بس العب معاه
لما نروح مناسبه ما العب مع صاحباتي
لاني أنا اللي اهتم فيه لا يروح برى للشارع
لا يكب على نفسه مويه
لا أحد يضربه
بصراحه تضايقت منه و كنت اكره اطلع مكان منه
لانه يبي يروح يلعب و ما يسمع كلامي و انا ما اقدر افك يده لاني كنت افكر انه بيروح الشارع و ما أقدر الح عليه او امسكه
بعدها خاصمتني امي قالت لا تخلينه يبكي يفكرونه الناس مجنون
كنت اعرف انه مو طبيعي بس مو مجنون
بس تعبان شوي
بدينا رحلة البحث
كل مكان او تجمع اما للمعاقين او غيره نروح انا و امي و هو
طبعا انا لازم ارافقه لانه متعود يلعب معي
مابقي مكان ما نروح له
و فيه اللي يكرهها و نتندم انا كنا نخليه يروحها لانهم بس يحبسونهم في غرفه لحد ما نجي ناخذهم
https://www.t7di.net/vb/images/smilies/17.gif
و فيه اللي الى الحين يتمنى انه يروحها
https://www.t7di.net/vb/images/smilies/4.gif
و من ضمن الأماكن
رحنا المستشفى السعودي الألماني لان كان فه اخصائي جاي زياره 3 ايام
فحصه و سوى له كل الاختبارات
قال هذا ذكائه اعلى من الباقين المصابين بهذا المرض و اذكر اعطانا له علاج بس ما اذكر حق ايش
لكن من اعراضه يجيب له الارق
هذا و عمري تقريبا 9 او 10 سنوات
https://www.t7di.net/vb/images/smilies/4.gif
بعدها سافرت امي معاه الرياض
لان فيه معهد مخصص لهم
بس لما كشفوا عليه قالوا ما نستقبله هذا اذكى من اللي نستقبلهم
و الحمدلله انهم ما أستقبلوه لانا عرفنا بعدين انه يبقى عندهم 24 ساعه و ما ناخذه الا خميس و جمعه بس
و رجعوا لنا
و بعد فتره فتح فصول تربيه فكريه في مدارس حكوميه
قدمنا له
دخل و صار فتره يحبها و فتره يكرهها
بس ما ننسى بعض اساتذته اللي كان يموت فيهم و يذكرهم الى اليوم
طبعا انا ماكنت اسوي له شي الا اني العب معاه و احقق له طلباته بس ماكنت ادربه على شي و لا ادرسه
لاني بكل بساطه كنت ادرس
هذي السنه اخذت البكالوريوس
و هو تخرج من ثالث متوسط
بقينا اثنيننا في البيت
نلعب و نسوي كل اللي نبي
بس مستحيييل يروح مكان بدوني
ينادونه اخواني و خواتي
يرفض
لازم ارافقه https://www.t7di.net/vb/images/smilies/20.gif
هذي حياته باختصار
يوسف
مصاب بمتلازمة داون
لكن اذكر مره في مناسبه قابلنا وحده ولدها مثل ط§ط®ظˆظٹ بس ط§ط®ظˆظٹ كبير و ماعدنا ناخذه معانا المناسبات
فجلست تسولف معاها امي و تقولها على اخوي
بصراحه حزنتني كثيييير
طبعا هم لهم معونه من الدوله بس اللي يدرسون ماياخذونها لانهم ياخذون مكافئة الدراسه
المهم هي تقول
ان مكافئته ياخذها ابوه في جيبه و لا يصرف عليه شي
و بعد لا يجيب لها خدامه تساعدها فيه و اخوانه و لا يحقق له اي شي و لا يدخله المدرسه
طيب ليش ياخذ الفلوس؟؟؟؟؟؟؟؟؟؟؟؟؟
و المره الثانيه
لما راح ابوي علشان يوسف يستلم مكافئته
كان واحد من اللي معاه في فصله يستلم المكافئه بعد
فلما جوا يعطون ابوه الفلوس قال الولد
لا لا تعطون ابوي هذا ياخذها علي
و جلس يكلم ابوه يقول
انت تاخذها علي
صح؟!! ما تذكر هذاك اليوم اخذتها ما اعطيتني منها شي؟!!!!!!
بصراحه هم عادي لانهم متعودين على هذي النوعيه من الآباء بس ابوي انصدم منه
طيب على الأقل يحقق ابسط حقوقه
يعطيه منها هذي فلوسه من حقه لولا ولده كان ما اخذ هذي الفلوس
طيب
الشي الثالث ماكان احد من أهاليهم يروح المدرسه يسأل عنهم
يجي الباص الصباح ياخذهم و يرجعهم الظهر
طيب مشغولين عندهم دوام
طيب مره في السنه مر شف ولدك
شف المدرس اسأله عن ولدك
خل ولدك يفرح فيك
شف الوضع في المدرسه كيف؟!!يناسب ولدك و الا لا؟!!!
لهذي الدرجه الإهمال
مو اولادكم يا ناس؟!!https://www.t7di.net/vb/images/smilies/1.gif
والا جايبينهم من الشارع؟!!
بصراحه افتخر اذا شافوا الناس يوسف معانا
لاننا افضل منهم
على الأقل ربي يعوض امي و ابوي على تعبهم معاه
مو مثل البعض على كثر التعب على الولد في الأخير يطلع عاق لأهله
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يسلموووووووووووووووووووووو
__________________________________________________ __________
>>>> الرد الثاني :
الله بكون في عونا وعونهم ويسهل كل امر..............
__________________________________________________ __________
>>>> الرد الثالث :
بسم الله الرحمان الرحمان الرحيم
ربنا يوفقك حبيبتي علا اهتمامك باخوكي ربنا يساعدة الحمدلله انة يفهم
انا عندي ولدي الصغير متلاازمة داون الحين له سنةولا جلس ولا حتى بدا
يحبي الحمدلله علا كل حال اتمنى ان المعاقين يكون لهم الحق بلدراسة
والهتمام مثل غيرهم
__________________________________________________ __________
>>>> الرد الرابع :
__________________________________________________ __________
>>>> الرد الخامس :
