عنوان الموضوع : ادعولها بالرحمهـ
مقدم من طرف منتديات بنت السعودية النسائي
فقدتها وللحين أبكيها حتى وأنا أكتب هالرساله...!
على الرغم من مرور سنتين و4شهور على وفاة أحن قلب وأطيب أخت إلا إني مانسيتها كل ليله أستنى لين ينام زوجي وولدي وأطفي أنوار البيت وابكي عليها وأدعيلها محد حاس بحرقة قلبي إلا أمي لأنها محروقه أكثر مني ماأبغى أحد يشوف دمعتي..!
لأن الكل بيقول للحين مانسيتيها وألا بيقولون لاتبكين أمك نست لاتذكرينها مادروا إني أنا وأمي ماراح ننسى (....)
للحين وأنا أبكي عليها حتى وأنا أكتب هالرساله أبي من يشوف هالرساله يدعيلها هي مالها ولد يذكرها بس أنا أختها وماراح أنساها من الدعاء...
مانسيت ضحكتها ولانسيت صوتها ولانسيت دمعتها هي اكثر إنسانه عانت من الامراض يارب بكثر ماتعذبت ترحمها..
محد كان يفهمني غيرها ومع ذلك كنت دايم اختلف معاها فكل شي كنت انانيه ماابينلها إني احبها ماكنت شاكه ولو للحظه اني بفقدها...
الا الاخت ماتتعوض خذوها نصيحه..
محد حاس بحرقة قلبي من كثر ماافكر فيها صرت احلم بها كثير كنها تقول اللحين حسيتي بقيمتي..
بشهور حملي الاولى..
كانت تقول راح اسوي لولدك كذا وكذا وكذا ....
فرحانه مثلي لكن شاءت قدرة الله إنها ماتشوف ولدي ..
من يوم ماماتت هجرت الكتابه كله عشان لااكتب شي عنها ويزيد جرحي ..
الاخت صعب تتعوض ..
كل شي جابته لي بعد زواجي من عطور وملابس خبيتهم داخل ادراجي ماابغى اشوف اي شي لها وانهار ومع ذلك فكري ليليآ يطريها علي وابكي ..
قلبي محروق عليها وصرت اخاف افقد امي او واحد من اخواني صرت اخاف من الموت يااخذ اعز الناس لي ..
مدري لين متى حـ ابكي اختي واخاف ان بكاي يحرقها بقبرها .. الله اعلم
لاقريتوا رسالتي ادعوا لااختي تكسبون اجرها
الله يرحمك يااغلى اخت ويرحم جميع اموات المسلمين.... آميـــن
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اللهــــــــــــــــــــــــــــــــــم اغفرلها وارحمهــــــــــــــا واجعل قبرها روضـــــــــــــــه من رياض الجنه
لاتنسي يالغلا أنها راحت للكريم .....الصبر ...الصبر وحاولي تدعيلها بالرحمه لان الدموع ماحتفيد ويمكن بدموعـــك تعذبيها.......
وهذا حالنا وطريقنا والموت كأس وكل الناس شاربه
شدي الهمه حبيبتي وادعيلها وتصدقي عنها
لك دعـــــــــــواتي القلبيه
أختك ميلاد يوم حزين
__________________________________________________ __________
>>>> الرد الثاني :
الله يرحمها ويرحم امى وجميعاااااااااا موتا المسلمين يارب
عمر الواحد ما ينسا انسان او يفقد انسان غالى عليها مثل الام والاخت اولاخ
يفضل الجرح جوه القلب مهما طال الزمان او قصر
الله يرحمهم جميعااااااااااااا
__________________________________________________ __________
>>>> الرد الثالث :
الله يرحمها ويغفر لها
ما تحتاجه منك هو الدعاء والصدقه وكفالة يتيم
بما انها حرمت الولد في دنياها فكوني لها عون ولا تنسيها من الصدقه
اوجعتي قلبي بكلماتك ,,
لاحول ولا قوة إلاب الله
__________________________________________________ __________
>>>> الرد الرابع :
__________________________________________________ __________
>>>> الرد الخامس :
